قبل سنين قلت في احد فيديوهاتي هذا الكلام:
"مستقبلًا ما تقدر تملك أي شيء. كل الي تقدر تسويه هو (استئجار) الاشياء، والدولة (تسمح لك) باستخدام الشيء لفترة محدودة. اذا تدفع اشتراك، تقدر تستخدمه. ما تدفع؟ ما تقدر تستخدمه."
وجبت مثال على (السيارات). قلت انك حتى سيارتك ما راح تقدر تمتلكها. راح تدفع فلوسها (وتبقى السيارة مو ملكك).
وبالتأكيد اغلب التعليقات كانت ضحك واستهزاء وترديد لهذه العبارة (نظرية مؤامرة).
مع العلم كنت اتكلم واستعرض الموقع الي جايب منه الكلام، الي هو موقع المنتدى الاقتصادي العالمي. وتحديدًا كلام الشيطان اللعين كلاوس شواب.
شركة سوني بدأت تطبيق الموضوع هذا. ترقبوا القادم باقي الاشياء على نفس النظام العالمي الجديد.
ليش تحكي لنا هالكلام؟ شنو في إيدينا نسويه؟ نحن لا حول ولا قوة.
نفس الكلام يتكرر من (القطيع الخاضع الضعيف)..
انا على سبيل المثال (حتى يومنا هذا) اخلي في جيبي فلوس (كاش) وما استخدم البطاقة الماستر كارد (ابدا). اي مكان اروح له ادفع (كاش).
مثال اخر على لقاح معكرونة الي الناس خبصونا فيه وقالوا (مجبورين). انا ايضا كنت (على اساس اني مجبور). ورفضت وسويت مليون طريقة الى ان تركوني لحالي وما لقحت ولا خليت عائلتي يلقحون.
الموضوع هذا له علاقة بـ (احترامك لنفسك) و (رفضك للانصياع للشياطين الملاعين) مين ما كانوا حتى لو كانوا الدولة نفسها. لا تخرب ولا تتظاهر ولا تسوي مشاكل، فقط (قاطع وامتنع واحترم نفسك).
لو اغلب الناس يسوون الي انا وامثالي (القلة) نسويه، ما كان هذا حال الارض اليوم. ولا كان الدنيا اتجهت للخراب.
ولكن الواحد شنو يقول وشنو يسوي.. هذه حكمة الله في مخلوقاته. اغلب البشر مجرد خراف مطيعة غبية.
خلي في بالك دائما انك جيت لهالدنيا (انسان حر) انت لست عبد ولا تخضع لاحد حتى لو الثمن (حياتك). الموت اجمل من حياة الذل والعبودية للبشر الملاعين.
الفترة القادمة الحياة راح تنتقل الى اكبر سجن رقمي عرفته البشرية.. استعدوا.
شنو علاقة هالكلام بـ #البيتكوين ؟
له كل العلاقة طبعًا. هذا البيتكوين هو حصان طروادة لاكبر سجن رقمي عرفته البشرية.
طيب ليش انا محتواي عن البيتكوين؟
جاوبت هالسؤال عدة مرات. ولكن باختصار، انا دائما انصحك (تستفيد من اي شي بهالحياة قدر المستطاع).
