مو كل بداية حلوة تكمل للنهاية…✍️
بالبداية كلشي يكون حلو سوالف ما تخلص اهتمام ضحك وتفاصيل صغيرة تخلينا نحس إنو واخيراً لكينا الشخص الصح نتعلق بيه نرتاحله ونعتبر وجوده بحياتنا شي أساسي لدرجة نتخيل راح يبقى ويانا مهما يصير وما نتوقع يجي يوم ويتغير علينة بس فجأة كلشي يتغير الحجي يقل والاهتمام يختفي والشخص اللي جان أقرب واحد إلنا يصير غريب وكأنو ما جان بيناتنا من الأساس وأصعب شي مو إنو الشخص يبتعد الأصعب إنو نبقى نسأل نفسنا شنو اللي تغير؟ وين الغلط؟ وليش انتهى كلشي بدون حتى ما نعرف السبب؟ بس لازم نفهم إنو مو كل نهاية معناها إحنا قصرنا ومو كل شخص يبتعد يكون الغلط من عدنا مرات الناس تتغير ومشاعرهم تتبدل وإحنا نبقى نلوم نفسنا على شي أصلاً ما جان بإدينا
.
