يكتب…✍️
اكو ولد طبلي وحجالي قصته عل بوت كلي عباس اني أحب بنية صار سنتين احجي وياها وجانت نيتي زواج مو لعب ولا اضحك عليها بس بالفترة الأخيرة تغيرت علية وصارت مو مثل قبل وكل ما أسألها شبيج تكلي ماكو شي وهنا أكو ناس راح تكول معقولة واحد يتغير بدون سبب أكلكم اي مرات يتغير بس مو شرط السبب يكون منك هواي مرات السبب يكون بالشخص نفسه بطريقة تفكيره أو بطباعه بس هم أكو سبب أشوفه يتكرر كلش هواي بعض الناس من يشوفونك متعلق بيهم أكثر من اللازم ويشوفون إنك مستعد تسامح بكل مرة وتبرر بكل مرة وتبادر بكل مرة وتخاف تخسرهم هنا يبلشون ياخذوك كأمر مضمون يكول بينه وبين نفسه هذا يحبني متعلق بية مستحيل يعوفني ومن يحس إنك مستحيل تروح يبطل يحافظ عليك مثل قبل تبدي الرسائل تتأخر والاهتمام يقل والكلام يصير بارد والاعتذار يختفي وحتى إذا غلط بحقك يتوقع منك تسامحه لأن يعرف إنك راح ترجعلة ولهذا لا تخلي حبك يتحول إلى ضعف ولا اهتمامك يتحول إلى تنازل بكل مرة إذا كل مرة أنت تعتذر وأنت تبادر وأنت تركض وراه وأنت تسكت على الزعل طبيعي يجي يوم ويتغير عليك
.
