راحت عسى الله مايلحقني مشاريه الرجال
تقول كني ماخلقت من التراب إلا لها
عزالله اني مانسيت افعالها بنت الحلال
لعل ربي مايجازيها بسو افعالها
أكبر جريمه ترتكبها فالهوى من وسع بال
هاذي ضحاياها بصدري شيدوا تمثالها
وشلون تهجرني وأنا مالي على الهجر أحتمال
وشلون تهملني وأنا مانيب أطيق أهمالها؟
وشلون تقطعني بسيف البعد قطاع الوصال
وأنا لو أقطع عرق قلبي ماقطعت اوصالها
وشلون ماتشتاق ماترحم ، ماتذكر ، ماتسال
وشلون ماتطلق يدينٍ كبلت بأغلالها
وشلون مايطري عليها لاتفيت فالظلال
متشبث لاوقفت جنبه قعد بظلالها
لو المفارق صعب والنسيان ضرب من الخيال
ارخى يـ راسي لايروق الها ولا يحلالها
احفظ لها قيمة غلاها وأنتظرها من شمال
وإذا نستني هذي الدنيا وهذا حالها
أما أني أنساها نسى الله من نسى ذاك القبال
ياصب روحي صب دلتها على فنجالها
قولولها لاستخسرت فيني ريالين أتصال
تهدي على ( جمعية الصم البكم) جوالها !
مدغم ابو شيبه
