طلابي وحبايبي 
اني لهسه كاعد وياكم ومانام لحد مترجعون وحبيت احجي وياكم لانُ ماضل الا القليل خليكم اقوياء وانتوا كدها وكدودها
ابد لا تتوترون كل التعب والسهر والجهد اللي بذلتوه وصلكم لهاللحظة وهسه اجه دوركم تثبتون لنفسكم شكد انتوا تكدرون خلوا ثقتكم بنفسكم عالية
اعتبروا هذا الامتحان فرصتكم حتى تحققون احلامكم ادخلوا بثقة اقرأوا السؤال بهدوء وخلو تعبكم يحجي عنكم آمنوا بنفسكم لأنكم وصلتوا لهنا واللي كدر يوصل لهالمرحلة يگدر يكمل للنهاية صدكوا
وتذكروا دائماً قول الله تعالى:
﴿وَأَن لَّيْسَ لِلْإِنسَانِ إِلَّا مَا سَعَىٰ وَأَنَّ سَعْيَهُ سَوْفَ يُرَىٰ﴾
سعيتوا؟ اذن لا تخافون من لحظة الحصاد.
توكلوا على الله وخلوا ثقتكم اكبر من خوفكم
اريد اشوفكم باجر رافعين راسكم لأنكم سويتوا اللي عليكم وأكثر واريد تفرحوني انتضركم احبكم طلابي 
ابطال احمد فوزي اليوم دوركم بقاعات الوزاري 
