اخوان، الجواب الصحيح والتصرف الصحيح أنه ما تنطي أي شي لهيج حالات...لا حبوب مثبتة ولا ابر ولا تحاميل داخلية . أنت لا تفكر بنفسك بس، فكر بالصيدلية اللي أنت بيها. ووجهة نظر صاحب الصيدلية كذلك مهمة. أنت بهاي الحالة تعرض نفسك وصاحب الصيدلية والصيدلية كإسم للخطر.
قانونياً هل يصير نتعامل مع هاي الحالة كـ OTC ؟
الجواب: ميصير.
زين، هل القانون يتيح لنا التعامل معها كـ OTC بالحالات الطارئة ؟
الجواب: لا.
لذلك أنت تكدر بكل بساطة تحيلهم لأي مستشفى طوارئ حكومية او اهلية بها طبيبة مقيمة أو طبيبة نسائية هي تتعامل مع الحالة.
خلي بالك، لو انطيتهم شي و لا قدر الله صار على هذه المرأة الحامل أي شي خلال فترة أخذ العلاج، إسقاط أو مضاعفات أو ولادة مبكرة، كل هاي يذبوها براسك. أول شي راح يقولولك انت انطيتنا هذا العلاج ومافادنا أو يكولون الك الجرعة مو صحيحة أو يقولون الك مثلاً إكسباير قريب ليش تنطينا إكسباير قريب؟ مع العلم هو بعد مثلاً أربع أشهر على الاكسباير بس المريض العراقي عنده قناعة كلما يقرب اكسباير الدواء كلما تقل فعاليته وهذا الشي علميا مو صحيح (اذا كان الخزن صحيح)
ومراح يكولون احنا طلبنا منك او احنا اصرينا انو تنطينا ابداً والقانون مو وياك لان مثل هاي الحالات ممسموحلك تتعاما معاها ومو مساحة للاجتهاد
مع العلم علميا ما ممكن المثبتات باي شكل من الاشكال تزيد فرص الاسقاط او الولادة المبكرة او المضاعفات بس بمجتمعنا القانون مو فوك الكل والمريض مابينك وبينه حواجز ميحتاج يدخل للمجمع او للعيادة او المستشفى وياخذ موعد حتى يحجي وياك اللي يفصل بينك وبينه هو باب الصيدلية (فقطط) فأكو سهولة بالوصول الك
👈 اكو مرضى تنطيهم حب مص للبلاعيم يجي ثاني يوم يكلك مفادني
فكيفك لو صار مثل السيناريو اللي ذكرناه ⁉️
9
3July 9, 2026 604 4
