Մահացել է «Բոսնիական սպանդի» հեղինակ, ցմահ ազատազրկված Ռատկո Մլադիչը
Հաագայի բանտային հիվանդանոցում 84 տարեկանում մահացել է բոսնիացի սերբերի նախկին ռազմական առաջնորդ Ռատկո Մլադիչը։ Այս մասին հայտնում է սերբական RTS պետական հեռուստառադիոընկերությունը։
1992-1995 թթ. պատերազմի ընթացքում նա գլխավորում էր բոսնիացի սերբերի բանակը։ Նրա ստորաբաժանումները ավելի քան երեք տարի պաշարման տակ էին պահում Սարաևոն՝ քաղաքացիականներին պահելով անընդհատ կրակի տակ և պատճառելով շուրջ 11 հազար զոհ։
1995-ի հուլիսին Սրեբրենիցայում նրա հրամանատարությամբ սպանվեց 8 հազար բոսնիացի՝ Եվրոպայի ամենամասշտաբային սպանդը Երկրորդ համաշխարհայինից հետո։ ՄՀՏ-ն նրան մեղադրեց 1995-ին, նա թաքնվեց մինչև 2011-ը, երբ ձերբակալվեց Սերբիայում, միջազգային դատարանը դատապարտեց նրան ցմահ՝ ռազմական հանցագործությունների և ցեղասպանության համար, իսկ Մլադիչը երբեք չընդունեց մեղքը՝ պնդելով, թե պաշտպանել է իր ժողովրդին։
