🔵 ЖУМА НАМАЗЫНА ЖӨНӨГӨН АДАМ АЛЛАХТЫН ЖОЛУНДА БОЛОТ
❏ Язид ибн Абу Мариям, радыяллаху анху, айтты:
«Мен жумага жөө баратсам Ибая ибн Рифаът, радыяллаху анху, артымдан келип: «Сага сүйүнчү! Чындыгында, сенин бул кадамдарың Аллах жолундагы кадамдар. Абу Аббастын мындай деп айтып жатканын уктум: «Аллахтын Элчиси ﷺ айтты: «Кимдин буттары Аллах жолунда чаң болсо, анда ал буттар тозокко арам болот». (Тирмизи)
❏ Имам Бухаринин риваятында мындай деп келет:
«Ибая айтты: «Мен жумага баратсам Абу Аббас мага жетип келип: «Аллахтын Элчисинин ﷺ: «Кимдин эки буту Аллах жолунда чаң болсо, анда аны Аллах тозокко арам кылат» – деп айтып жатканын уктум» – деп айтты».
❏ Башка бир риваятта: «Кайсы пенденин эки буту Аллах жолунда чаң болсо, анда ага тозок оту тийбейт» – деп келет. Бул риваятта Ибаянын Язидке айткан сөзү айтылбайт.
═════════
➤➤ https://t.me/tilmech
➤➤ https://t.me/tilmech
August 28, 2026 1.5K 5
