جنت ابحث عن علاجات ال SERMs
Selective estrogen receptor modulators
الادوية الي تحفز مستقبلات الاستروجين بنسيج معين وما تحفزه بنسيج اخر
لان اذا مثلا وحده بعد توقف الطمث صار عدها هشاشة عظام
اذا اطيها استروجين (هرمون الاناث) راح الاستروجين يحفز كل مستقبلاته بالجسم بما في ذلك بطانة الرحم والثدي وقد يرفع خطر الاصابة بالسرطان هيج
ولهذا سووا علاجات تطفي واحد وتشغل واحد مثل احد علاجات السرطان الي بالعراق الي هو tamoxifen
يطفي مستقبلات الاستروجين بالثدي حتى يقلل من نمو سرطان الثدي بينما يحفز بطانة الرحم (ولهذا قد يزيد خطر الاصابة بسرطان بطانة الرحم endometrial cancer)
واكو احد ذني العلاجات الي يستهدف بس مستقبلات الاستروجين بالعظام
Raloxifen
بس لاحظت عدم صرفه بمحافظتي فسألوني عن بدائله
انا توقعت ان ماكو بدائل طبيعية تطي نفس دقة الانتقاء او ال selectivity لان عادة احنه نعدل على المركبات الطبيعة حتى نحصل انتقائية اعلى
الى ان شفت هاي الدراسة
هنا جاي يقارن مفعول الاستروجينات النباتيه خصوصا الي بالصويا واثرها على الوقاية من السرطان وتقليل هشاشة العظام وضرب مثال بالأحصائيات اليابانيه لان همه شعب عايش على التوفو والصويا
هنا تعرف ابداع الله بالمركبات الطبيعة
#health
#nutrition
