Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #68003 — TG.ME

The Irrawaddy - Burmese@theirrawaddy · 76.1K subscribers Open in TelegramOpen

t.me/theirrawaddy/68003

24

3

October 11, 2026 3.8K

More from this channel

ကိုးကန့် BGF ခေါင်းဆောင်ဟောင်း ဝေဆန်းကို တရုတ်က သေဒဏ်ချမှတ် ဧရာဝတီ၊ အောက်တိုဘာ ၁၃၊ ၂၀၂၆ စစ်တပ်၏မဟာမိတ် ကိုးကန့် နယ်ခြားစောင့်တပ် (BGF) ခေါင်းဆောင်ဟောင်း ဝေစန်း (ခ) ဝေဝှိုင်ရန် အပါအဝင် အဓိက တရားခံ ၃ ဦးကို ရည်ရွယ်ချက်ရှိရှိ လူသတ်မှု၊ အွန်လိုင်းငွေလိမ်လည်မှု (ကျားဖြန့်) အပါအဝင် ကြီးလေးသောရာဇဝတ်မှုများဖြင့် တရုတ်တရားရုံးက ယနေ့တွင် သေဒဏ် ချမှတ်လိုက်ကြောင်း တရုတ်သတင်းများ၌ ဖော်ပြသည်။ သေဒဏ် ချမှတ်ခံရသူများမှာ ရှမ်းပြည်နယ်မြောက်ပိုင်း ကိုးကန့်ဒေသ အခြေစိုက် နာမည်ဆိုးဖြင့် ကျော်ကြားသည့် ဝေမိသားစုမှ ဝေစန်း၊ ချန်းတာ့ဝေနှင့် လျောင်းကျင်းဖန် တို့ ၃ ဦးဖြစ်ပြီး တရုတ်နိုင်ငံ၊ ဖူကျန့်ပြည်နယ်၊ ချွမ်ကျိုးမြို့ ပြည်သူ့တရားရုံးနှင့် နန်အန်း ပြည်သူ့တရားရုံးတို့က သေဒဏ် ချမှတ်ခဲ့ခြင်းဖြစ်သည်။ ထို့ပြင် ဝေချင်းထောင်း၊ ကောင်းမင် (ခန်းမင်း)၊ ရှုန့်ဟန်ရှင်း တို့ကိုလည်း တသက်တကျွန်း ထောင်ဒဏ် ချမှတ်ခဲ့ပြီး အမှုတွဲပါ ၅၅ ဦးကိုလည်း ထောင်ဒဏ် ၃ နှစ်နှင့် ၃ လ မှ ၂၄ နှစ်အထိ ပြစ်ဒဏ်များ အသီးသီး ချမှတ်ခဲ့သည်။ ဝေစန်းအပါအဝင် ကိုးကန့်ဒေသရှိ ပယ်မိသားစု၊ လျိုမိသားစုဝင်များကို ကျားဖြန့် လုပ်ကိုင်မှုများ အပါအဝင် ဒုစရိုက်ကျူးလွန်မှုဖြင့်၂၀၂၃ ခုနှစ်ကုန်ပိုင်းတွင် တရုတ်က ဖမ်းဆီးခဲ့ခြင်းဖြစ်သည်။ နယ်ခြားစောင့်တပ်ရင်း (၁၀၀၆) ဥက္ကဋ္ဌလည်းဖြစ်သည့် ဝေစန်း ခေါင်း ဆောင်သော ဝေမိသားစုသည် ကိုးကန့်ဒေသရှိ BGF လက်နက်ကိုင် အင်အားကိုအသုံးချ၍ ကျားဖြန့်ဇုန်ပေါင်း ၃၀ ကျော်ကို အကာအကွယ်ပေးကာ တရုတ်နိုင်ငံသားများကို ပစ်မှတ်ထား၍ အွန်လိုင်း ငွေလိမ်မှု၊ ပြည့်တန်ဆာလုပ်ငန်း၊ မူးယစ်ဆေးဝါး ကုန်ကူးမှု၊ တရားမဝင် နယ်စပ်ဖြတ်ကျော်မှု၊ ဆက်ကြေးတောင်းခံမှု၊ လောင်းကစားရုံများ ဖွင့်လှစ်မှုများ ကျူးလွန်ခဲ့ပြီး တရုတ်ယွမ် ၁၂ ဒသမ ၂ ဘီလီယံကျော် (အမေရိကန်ဒေါ်လာ ၁ ဒသမ ၇ ဘီလီယံခန့်) အထိ ရရှိခဲ့သည်ဟု ဆိုသည်။ ဝေမိသားစုသည် ကိုးကန့်ဒေသတွင် လက်နက်ကိုင် အာဏာနှင့် စီးပွားရေး အင်အားကို လက်ဝါးကြီး အုပ် ဩဇာလွှမ်းမိုးခဲ့သည့် နာမည်ကျော် မိသားစုကြီး ၄ စုအနက် အဓိက မိသားစုလည်းဖြစ်ပြီး ၂၀၂၄ ခုနှစ် ဇန်နဝါရီလက ရှမ်းပြည်နယ်မြောက်ပိုင်း၊ လောက်ကိုင်ဒေသမှ ကျားဖြန့် အွန်လိုင်း ငွေလိမ်လည်ဂိုဏ်း၏ အဓိက တရားခံဖြစ်သော ပယ်ဆောက်ချိန် အပါအဝင် ၁၀ ဦးကို ဖမ်းဆီးပြီး မြန်မာစစ်တပ်က နေပြည်တော် လေဆိပ်မှတဆင့် တရုတ်ထံသို့ လွှဲပြောင်းပေးအပ်ခဲ့ရာတွင် ဝေစန်းလည်း ပါဝင်ခဲ့ခြင်းဖြစ်သည်။ ပြီးခဲ့သည့် ၂၀၂၅ ခုနှစ် စက်တင်ဘာလအတွင်းကလည်း တရုတ်အစိုးရက မြန်မာစစ်တပ် လက် အောက်ခံ ကိုးကန့် ပြည်သူ့စစ်အဖွဲ့ဝင်ဟောင်း မြီရှောက်ချန်း၏ မိသားစုဝင် ၁၁ ဦးကို လူသတ်မှု၊ ကျားဖြန့် လိမ်လည်မှု၊ ဥပဒေမဲ့ ဖမ်းဆီးချုပ်နှောင်မှု၊ လောင်းကစားမှု၊ ပြည့်တန်ဆာမှုနှင့် မူးယစ်ဆေးဝါးမှုများဖြင့် သေဒဏ် ချမှတ်ခဲ့သေးသည်။ #WhatsHappeningInMyanmar #RejectMilitaryCoup 818·Oct 13

Album 729·Oct 13 ကျောက်ခွက်ရေနံမှော်အနီးတိုက်ပွဲ စစ်တပ်ဘက်မှ ထိခိုက်သေဆုံးမှုများ ဧရာဝတီ၊ အောက်တိုဘာ ၁၃၊ ၂၀၂၆ မကွေးတိုင်း၊ မြိုင်မြို့နယ်နှင့် ပေါက်မြို့နယ်အစပ် အညာဒူဘိုင်း ရေနံမြေအနီးရှိ စစ်တပ် အထိုင်ချထားသည့် တဲကြီးကျေးရွာကို တော်လှန်ရေး အင်အားစုများက ထိုးစစ်ဆင် တိုက်ခိုက်နေရာ စစ်ကြောင်းမှူး အပါအဝင် စစ်တပ်ဘက်မှ ထိခိုက်သေဆုံးမှု များပြားပြီး အရှင်ဖမ်းမိထားသူများလည်းရှိကြောင်း မြေပြင်စစ်ရေးသတင်းရင်းမြစ်များထံက သိရသည်။ အိမ်ခြေ ၈၀၀ ကျော်ရှိ တဲကြီးရွာတွင် အမှတ် ၁၀၁ ခြေမြန်တပ်မဌာနချုပ် (တမခ ၁၀၁) လက်အောက်ခံတပ်များဖြစ်သည့် ခလရ ၂၅၁၊ ၂၅၂၊ ၂၅၉၊ ၂၃၅ ထုတ်နုတ်အင်အားများနှင့် ပျူစောထီးများ ပူးပေါင်းအထိုင်ချထားခြင်းဖြစ်ပြီး တော်လှန်ရေး ပူးပေါင်းတပ်များ ဝိုင်းဝန်း ပိတ်ဆို့ တိုက်ခိုက်နေသည်မှာ တပတ်ခန့် ရှိပြီဖြစ်သည်။ မြေပြင် စစ်ရေး သတင်းရင်းမြစ်တဦးက “တဲကြီးမှာ ခြေကုပ်ယူပြီး စစ်ကြောင်း ထွက်လိုက်ဝင်လိုက် လုပ်နေတာကို ဝင်တိုက်တာ။ ယမန်နေ့က တိုက်ပွဲ တော်တော်ပြင်းတယ်၊ စစ်ကြောင်းမှူး သေတယ်လို့ သိရတယ်၊ အရှင်ဖမ်းမိတာတွေလည်း ရှိတယ်” ဟု ပြောသည်။ အောက်တိုဘာ ၁၂ ရက်က တိုက်ပွဲတနေကုန်ပြင်းထန်ခဲ့ပြီး စစ်တပ်ဘက်မှ Y-12 လေယာဉ်များဖြင့် ခဲယမ်း၊ ရိက္ခာများ ကြဲချပေးသည့်အပြင် လေကြောင်းနှင့် လက်နက်ကြီး ပစ်ကူများကို အလွန်အမင်း အသုံးပြု၍ ခုခံနေရကြောင်း သိရသည်။ မြိုင်မြို့နယ်နှင့် ပေါက်မြို့နယ်မှ အညာဒူဘိုင်းဟု ခေါ်ဆိုသော ရေနံမြေများကို ပြန်လည် ထိန်းချုပ်နိုင်ရေးအတွက် ပြီးခဲ့သည့် ဇူလိုင်လမှ စတင်ကာ အင်အား ၁ ထောင်ခန့်ဖြင့် စစ်ကြောင်းထိုးလာသည့် စစ်တပ်သည် တဲကြီးရွာတွင် တပ်စွဲထားသည်မှာ ၂ လနီးပါး ရှိနေပြီး တော်လှန်ရေးတပ်များ၏ ဝိုင်းဝန်း ပိတ်ဆို့မှုကြောင့် ရှေ့ဆက်မရဘဲ ပိတ်မိနေခြင်း ဖြစ်သည်။ စစ်တပ်၏ စစ်ကြောင်းထိုးမှုအတွင်း ရေနံမြေအတွင်းရှိ ကျေးရွာ ၂၀ ကျော်မှ အရပ်သား နေအိမ် ၄၀၀ ကျော် မီးရှို့ခံခဲ့ရပြီး ဒေသခံ ၃၀ ဦးထက်မနည်း သတ်ဖြတ်ခံခဲ့ရကြောင်း အညာမြေတပ်ပေါင်းစုက ထုတ်ပြန်ထားသည်။ ဓာတ်ပုံ- အညာမြေတပ်ပေါင်းစု #WhatsHappeningInMyanmar #RejectMilitaryCoup 1.2K·Oct 13

Photo 1.1K·Oct 13 မြန်မာပြည်သူများ လက်မလျှော့သေးကြောင်း သတိပေးလိုက်ခြင်းဟု ပရာ့ဂ်မြို့ဆုပေးပွဲ၌ ကင်မ်အဲရစ် ပြော ဧရာဝတီ၊ အောက်တိုဘာ ၁၃၊ ၂၀၂၆ ချက်သမ္မတနိုင်ငံ၊ ပရာ့ဂ်မြို့အခြေစိုက် Forum 2000 ဖောင်ဒေးရှင်းမှ ချီးမြှင့်သည့် ရဲစွမ်းသတ္တိနှင့် တာဝန်ယူမှုဆိုင်ရာ နိုင်ငံတကာဆုရရှိခဲ့ကြသည့် ကိုတေဇာဆန်း၊ ကိုနန်းလင်းနှင့် ကိုထက်မြတ်အောင်၊ မြန်မာနိုင်ငံ အထွေထွေသပိတ် ပေါင်းစပ်ညှိနှိုင်းရေးအဖွဲ့ (GSCB) တို့အတွက် ဂုဏ်ယူဝမ်းမြောက်ကြောင်းနှင့် မြန်မာပြည်သူများ လက်မလျှော့သေး ကြောင်း အသိပေးလိုက်ခြင်းဟု လူထုခေါင်းဆောင် ဒေါ်အောင်ဆန်းစုကြည်၏သားငယ် ကင်အဲရစ် (ခ) ကိုထိန်လင်းက ပြောသည်။ ဆုကို ကိုယ်စားလက်ခံရန်တချို့သာ ပရာ့ဂ်မြို့သို့ ရောက်လာနိုင်ခဲ့သော်လည်း တချို့မှာ မြန်မာပြည်တွင်း၌ ဆက်လက် ရုန်းကန်နေရဆဲဖြစ်ကာ ဆုရရှိခဲ့သည့် ကိုထက်မြက်အောင်သည် အကျဉ်းထောင်အတွင်း ရှိနေဆဲဟု ထည့်သွင်း ပြောဆို သည်။ “ခင်ဗျားတို့ရဲ့ ရဲစွမ်းသတ္တိ၊ စွန့်လွှတ် အနစ်နာခံမှုနဲ့ မဆုတ်မနစ် ကြိုးပမ်းနေမှုတွေကို ကျနော် အလွန် လေးစားပါတယ်။ အမှောင်မိုက်ဆုံး အချိန်တွေမှာတောင် သာမန်ပြည်သူတွေက ထူးခြားတဲ့သတ္တိကို ပြသနိုင်တယ်ဆိုတာ ခင်ဗျားတို့က ကမ္ဘာကြီးကို သက်သေပြနေကြပါတယ်။ ဒီဆုဟာ ခင်ဗျားတို့ရဲ့ ရဲစွမ်းသတ္တိကို အသိအမှတ်ပြုတာတင် မဟုတ်ပါဘူး။ မြန်မာပြည်သူတွေ လက်မလျှော့သေးဘူး ဆိုတာကိုလည်း ကမ္ဘာကြီးကို သတိပေးလိုက်တာပါ” ဟု ကင်အဲရစ်က လူမှုကွန်ရက်မှ တဆင့် ပြောကြားခဲ့သည်။ ထို့ပြင် Forum 2000 ညီလာခံကို ဒေါ်အောင်ဆန်းစုကြည်ကိုယ်စား တက်ရောက်ခွင့်ရခဲ့သည့်အတွက် ဂုဏ်ယူကြောင်း၊ ၎င်း၏ မိခင်နှင့်အတူ နိုင်ငံရေးအကျဉ်းသားများ လွှတ်ပေးရန်လည်း တောင်းဆိုခဲ့သည်။ ကင်မ်အဲရစ်က “မြန်မာပြည်သူတွေကိုလည်း မျှော်လင့်ချက် မပျောက်ကြပါနဲ့လို့ ပြောချင်ပါတယ်။ ကျနော်တို့ ဖြတ်သန်းနေရတဲ့ ခရီးက ခက်ခဲပါတယ်။ ဒါပေမယ့် ပြည်သူတွေရဲ့ သတ္တိနဲ့ ဇွဲလုံ့လကြောင့် လွတ်လပ်ရေးအတွက် မျှော်လင့်ချက်တွေ ဆက်လက်ရှင်သန်နေပါတယ်” ဟုလည်း ဆိုသည်။ ရဲစွမ်းသတ္တိနှင့် တာဝန်ယူမှုဆိုင်ရာ နိုင်ငံတကာဆုသည် ချက်သမ္မတနိုင်ငံ၏ သမ္မတဟောင်းနှင့် လူ့အခွင့်အရေး လှုပ်ရှားသူ ဗာကလဗ် ဟာဗဲလ် (Václav Havel) ကို ဂုဏ်ပြုသည့်အနေဖြင့် Forum 2000 က တည်ထောင်ပြီး ၂၀၂၁ ခုနှစ်မှ စတင်ကာ ဒီမိုကရေစီရေး၊ လူ့အခွင့်အရေးကာကွယ်ရေး၊ ငြိမ်းချမ်းရေးနှင့် လူ့အဖွဲ့အစည်း ဖွံ့ဖြိုးတိုးတက်ရေး တို့ရဲဝံ့စွာပါဝင်ဆောင်ရွက်နေကြသည့် ပုဂ္ဂိုလ်များ၊ အဖွဲ့အစည်းများကို ချီးမြှင့်သည့် ဆု ဖြစ်သည်။ #WhatsHappeningInMyanmar #RejectMilitaryCoup 1.8K·Oct 13

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/13/2026 · v0.2.0 · ec9a40f

Privacy Terms DMCA & complaints Report a violation

Similar channels

RFA Burmese44.9K subscribers

People's Spring59.6K subscribers

သတင်းမှန် ဖိုးစီ112.2K subscribers

Myanmar Now49.3K subscribers

VOA Burmese35.7K subscribers

Hlaing Info48.5K subscribers

Mizzima48.7K subscribers

DVB TV News41K subscribers