Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #67858 — TG.ME

The Irrawaddy - Burmese@theirrawaddy · 76.1K subscribers Open in TelegramOpen

t.me/theirrawaddy/67858

10

9

3

October 7, 2026 3K 8

More from this channel

ရီပတ်ဘလစ်ကန်တို့ ကြားဖြတ်ရွေးကောက်ပွဲအောင်နိုင်ရေး ဒေါ်လာ ၃၆၆ သန်း အီလွန်မတ် သုံးစွဲ ဧရာဝတီ၊ အောက်တိုဘာ ၁၄၊ ၂၀၂၆။ အီလွန်မတ်သည် ၂၀၂၆ ခုနှစ် အမေရိကန်ကြားဖြတ်ရွေးကောက်ပွဲ ကာလအတွင်း ကွန်ဆာဗေးတစ် လွှတ်တော်အမတ်လောင်းများနှင့် လက်ယာယိမ်း လှုပ်ရှားမှုများကို ထောက်ခံအားပေးရန်အတွက် နိုင်ငံရေးအဖွဲ့အစည်းများနှင့် မဲဆွယ်စည်းရုံးရေးလုပ်ငန်းများထံ ဒေါ်လာ ၃၆၆ သန်းခန့် ထည့်ဝင်ခဲ့ပြီး အကြီးမားဆုံးသော နိုင်ငံရေးအလှူရှင် ဖြစ်လာခဲ့သည်။ ကမ္ဘာ့အချမ်းသာဆုံးပုဂ္ဂိုလ်ဖြစ်သည့် အီလွန်မတ်သည် ဇူလိုင်လမှစ၍ နိုင်ငံရေးတွင် ဒေါ်လာ ၂၇၆ သန်းကျော် သုံးစွဲခဲ့ရာ အမေရိကန်သမိုင်းတွင် အမြန်ဆန်ဆုံး အသုံးပြုခဲ့သည့် နိုင်ငံရေးအသုံးစရိတ် ဖြစ်လာခဲ့သည်။ ၎င်းသည် အမေရိကန်အထက်လွှတ်တော် (Senate) ကို မည်သည့်ပါတီက ထိန်းချုပ်မည်ဆိုသည်ကို အဆုံးအဖြတ်ပေးမည့် အရေးပါသော ရွေးကောက်ပွဲမဲဆွယ်ပွဲများကို ပစ်မှတ်ထားလျက်ရှိသည်။ အီလွန်မတ်၏ ယခုသုံးစွဲမှုသည် ဒေါ်နယ်ထရမ့် ပြန်လည်အရွေးခံရရေး မဲဆွယ်ပွဲအတွက် ဒေါ်လာ သန်း ၃၀၀ နီးပါး ထည့်ဝင်ခဲ့သည့် ၂၀၂၄ ခုနှစ် သမ္မတရွေးကောက်ပွဲ မဲဆွယ်စရိတ်ထက်ပင် ပိုမိုများပြားသည်။ SpaceX နှင့် Tesla ကုမ္ပဏီတို့၏ စီအီးအို ဖြစ်သူ၏ ယခုကဲ့သို့ နိုင်ငံရေးအသုံးစရိတ် သုံးစွဲမှုသည် ၎င်းကို ရီပတ်ဘလစ်ကန်ပါတီ၏ ထိပ်တန်း အလှူရှင်ကြီးအဖြစ် ပြန်လည်ခိုင်မာစေခဲ့ပြီး လက်ယာယိမ်း နိုင်ငံရေးဩဇာလွှမ်းမိုးမှုကို ပိုမိုကြီးထွားစေခဲ့သည်။ ပြီးခဲ့သည့်နှစ်က ထရမ့်အစိုးရ၏ ဖက်ဒရယ်အေဂျင်စီများ လျှော့ချရေး ကြိုးပမ်းမှုကို ဦးဆောင်ခဲ့သူ အီလွန်မတ်သည် ရွှေ့ပြောင်းနေထိုင်သူ ဆန့်ကျင်ရေး ကွန်ဆာဗေးတစ် ခေါင်းဆောင်များနှင့် ပူးပေါင်းဆောင်ရွက်လာခဲ့သဖြင့် လွန်ခဲ့သည့်နှစ်များအတွင်း လက်ယာယိမ်း နိုင်ငံရေးလှုပ်ရှားမှုများ၏ နိုင်ငံတကာ ဗဟိုချက် ပုဂ္ဂိုလ်တဦး ဖြစ်လာခဲ့သည်။ နည်းပညာနယ်ပယ်မှ သူဌေးကြီး၏ သုံးစွဲမှုသည် လွန်ခဲ့သည့်နှစ်လယ်ပိုင်းက ယခုကဲ့သို့ အကြီးစားနိုင်ငံရေးအလှူငွေများ လှူဒါန်းခြင်းမှ နောက်ဆုတ်မည်ဟု ၎င်းကိုယ်တိုင် ပြောကြားခဲ့သည့် မူလရပ်တည်ချက်ကို ပြောင်းပြန်လှန်လိုက်ခြင်းလည်း ဖြစ်သည်။ ၎င်း၏ "အစိုးရထိရောက်မှုရှိရေးဌာန" (DOGE) ဟုခေါ်သော အဖွဲ့၏ ပျက်စီးဆုံးရှုံးမှုများ၊ ၎င်း၏ နိုင်ငံရေးဩဇာအပေါ် ကုန်ကျစရိတ်ကြီးမားမှုများ၊ ထရမ့်နှင့် ဆက်ဆံရေး တင်းမာပျက်စီးသွားမှုတို့ကြောင့် ဝါရှင်တန်နိုင်ငံရေးအပေါ် ၎င်း၏ စိတ်ဝင်စားမှု လျော့နည်းသွားခဲ့ပုံရသည်။ Reuters နှင့် New York Times တို့၏ ဖော်ပြချက်အရ အီလွန်မတ်၏ အသုံးစရိတ်များသည် ၎င်းကိုယ်ပိုင် America PAC အပါအဝင် နိုင်ငံရေးလှုပ်ရှားမှုကော်မတီ များစွာသို့ ပံ့ပိုးပေးထားခြင်းဖြစ်သည်။ ၎င်း၏ အကြီးမားဆုံး သီးခြားထည့်ဝင်မှုမှာ ရီပက်ဘလစ်ကန်များ အထက်လွှတ်တော်ကို ဆက်လက်ထိန်းချုပ်နိုင်ရေးအတွက် ကူညီဆောင်ရွက်ပေးနေသည့် Super PAC တခုဖြစ်သော Senate Leadership Fund သို့ ဒေါ်လာ ၁၅၈ သန်း ပေးအပ်ခဲ့ခြင်း ဖြစ်သည်။ အီလွန်မတ်သည် ဒီမိုကရက်တစ်အမတ်လောင်း ဂျိမ်းစ်တလာရီကို (James Talarico) နှင့် အပြိုင်အဆိုင် အကြိတ်အနယ် ယှဉ်ပြိုင်နေရသည့် တက်ဆက်ပြည်နယ် ရီပက်ဘလစ်ကန် အထက်လွှတ်တော်အမတ်လောင်း ကင်းပက်စ်တွန် (Ken Paxton) ကို ထောက်ခံသည့် PAC သို့လည်း ဒေါ်လာ ၁၀ သန်း လှူဒါန်းခဲ့သည်။ အီလွန်မတ်၏ အခြားသော အဓိကလှူဒါန်းမှုများတွင် America PAC အတွက် ဒေါ်လာ ၇၆ သန်း၊ ရီပတ်ဘလစ်ကန် Super PAC တခုဖြစ်သော Congressional Leadership Fund အတွက် ဒေါ်လာ သန်း ၂၀ နှင့် ရီပက်ဘလစ်ကန် ပြည်နယ်အုပ်ချုပ်ရေးမှူးများအသင်းအတွက် ဒေါ်လာ ၁၀ သန်းတို့ ပါဝင်သည်။ အီလွန်မတ်၏ ငွေကြေးအချို့သည် လိင်ပြောင်းလဲထားသူများ ဆန့်ကျင်ရေးနှင့် ဒီမိုကရက်တစ် အမတ်လောင်းများကို အစွန်းရောက်ဆိုရှယ်လစ်များအဖြစ် စွပ်စွဲသည့် ကြော်ငြာများနှင့် သတင်းစကားဖြန့်ဝေရေး စိစစ်လှုပ်ရှားမှုများထံ သို့ ရောက်ရှိသွားသည်။ အီလွန်မတ်၏ ကြီးမားလှသော အသုံးစရိတ်များသည် အမေရိကန်သမိုင်းတွင် အကြီးမားဆုံးသော နိုင်ငံရေးလှူဒါန်းမှုများတွင် ပါဝင်သော်လည်း ၎င်း၏ ဒေါ်လာ ၁ ထရီလီယံနီးပါးရှိသော ကြွယ်ဝမှုနှင့် နှိုင်းယှဉ်ပါက အလွန်သေးငယ်သည့် ပမာဏသာ ဖြစ်သည်။ ကြားဖြတ်ရွေးကောက်ပွဲတွင် သုံးစွဲခဲ့သည့် ဒေါ်လာ ၃၆၆ သန်းသည် ၎င်း၏ စုစုပေါင်းပိုင်ဆိုင်မှု၏ ဝ.၀၄ ရာခိုင်နှုန်းအောက်သာ ရှိသည်။ ကိုးကား။ ။ The Guardian သတင်း Elon Musk becomes biggest donor of US midterms cycle with $366m spent 1.5K·Oct 14

Photo 1.4K·Oct 14 ပုပ်ရဟန်းမင်းကြီး လီယို အဆုတ်ကင်ဆာ ခွဲစိတ်ကုသမှု ခံယူခဲ့ရကြောင်း ဗာတီကန် ထုတ်ပြန် ဧရာဝတီ၊ အောက်တိုဘာ ၁၄၊ ၂၀၂၆။ ပုပ်ရဟန်းမင်းကြီး လီယို (၁၄) သည် အဆုတ်အတွင်းရှိ ကင်ဆာ အကျိတ်ကို ဖယ်ရှားရန် အင်္ဂါနေ့က ခွဲစိတ်ကုသမှု ခံယူခဲ့ကြောင်း ဗာတီကန်က ထုတ်ပြန်ခဲ့သည်။ ရောမမြို့ရှိ Gemelli ဆေးရုံတွင် ပြုလုပ်ခဲ့သော အဆိုပါ ခွဲစိတ်မှုအတွင်း ပုပ်ရဟန်းမင်းကြီး၏ ညာဘက်အဆုတ်၏ အောက်ပိုင်းအစိတ်အပိုင်းကို ဖယ်ရှားခဲ့ရကြောင်း ပုပ်ရဟန်းမင်းကြီး၏ ဆရာဝန်များက ဘုရားကျောင်းမှတဆင့် ထုတ်ပြန်သည့် ကြေညာချက်တွင် ဖော်ပြထားသည်။ ခွဲစိတ်ပြီးနောက် စစ်ဆေးခဲ့သော အဆုတ်တစ်ရှူးများအရ ယခင်စစ်ဆေးချက်အတိုင်း အဆုတ်ကင်ဆာအမျိုးအစား (lung adenocarcinoma) ဖြစ်ကြောင်း အတည်ပြုခဲ့သည်ဟု ဗာတီကန်က ပြောကြားခဲ့သည်။ အမေရိကန် အဆုတ်ကင်ဆာ ဖောင်ဒေးရှင်း (Lung Cancer Foundation of America) ၏ အဆိုအရ Adenocarcinoma အဆုတ်ကင်ဆာသည် အမေရိကန်ပြည်ထောင်စုတွင် အတွေ့ရဆုံး အဆုတ်ကင်ဆာအမျိုးအစားဖြစ်ပြီး စုစုပေါင်း အဆုတ်ကင်ဆာဖြစ်ပွားမှု၏ ၄၀ ရာခိုင်နှုန်းခန့် ရှိသည်။ ဆရာဝန်များ၏ ပြောကြားချက်အရ ခွဲစိတ်မှုမှာ အောင်မြင်ခဲ့ပြီး မိနစ် ၉၀ ခန့် ကြာမြင့်ခဲ့သည်။ ထို့နောက် ပုပ်ရဟန်းမင်းကြီး လီယိုသည် ပုံမှန်အတိုင်း ပြန်လည်နိုးထလာခဲ့ပြီး ခဏတာ စောင့်ကြည့်လေ့လာပြီးနောက် ဆေးရုံ၏ ၁၀ ထပ်ရှိ သူ၏ သီးသန့်အခန်းသို့ ပြန်လည်ရောက်ရှိခဲ့သည်။ အသက် ၇၁ နှစ်ရှိပြီဖြစ်သော လီယိုသည် ပုပ်ရဟန်းမင်းကြီးတပါးအနေဖြင့် ငယ်ရွယ်သူဖြစ်ပြီး ကိုယ်လက်လှုပ်ရှားမှုလည်း တက်ကြွစွာ ပြုလုပ်သူဖြစ်သည်။ သူသည် သီးသန့်အတွင်းရေးမှူးနှင့် ပုံမှန် တင်းနစ်ရိုက်ခြင်းအပါအဝင် အပတ်စဉ် လေ့ကျင့်ခန်းလုပ်လေ့ရှိသလို၊ ပုပ်ရဟန်းမင်းကြီး၏ နွေရာသီ စံအိမ်ဖြစ်သော Castel Gandolfo တွင် မြင်းစီးရခြင်းကိုလည်း နှစ်သက်သူဖြစ်သည်။ လီယိုသည် ဆေးလိပ်သောက်သည့် ရာဇဝင်မရှိသော်လည်း ပုပ်ရဟန်းမင်းကြီး၏ မိသားစုတွင် ကင်ဆာရောဂါ ဖြစ်ပွားခဲ့သည့် ရာဇဝင်ရှိသည်။ ဖလော်ရီဒါတွင် နေထိုင်သော လီယို၏ အစ်ကိုဖြစ်သူ လူးဝစ် (Louis) သည် လက်ရှိတွင် ကင်ဆာရောဂါဖြင့် ဆေးရုံတက်နေရကြောင်း ဗာတီကန်က အင်္ဂါနေ့တွင် ကြေညာခဲ့သည်။ ထို့အပြင် လီယို၏ မိခင်ဖြစ်သူ မေးလ်ဒရက်ဒ် (Mildred) သည်လည်း ၁၉၉၀ ပြည့်နှစ်က အသက် ၇၇ နှစ်တွင် ကင်ဆာရောဂါဖြင့် ကွယ်လွန်ခဲ့သည်။ အနည်းဆုံး အောက်တိုဘာ ၂၀ ရက်အထိ လာမည့်ရက်အနည်းငယ်အတွင်း ပုပ်ရဟန်းမင်းကြီး၏ အများပြည်သူနှင့် တွေ့ဆုံပွဲ အစီအစဉ်များကို ပယ်ဖျက်ထားကြောင်း ဗာတီကန်က ပြောကြားခဲ့သည်။ နောက်ထပ် ဆက်လက်ကုသရမည့် အစီအစဉ်များကိုမူ ဗာတီကန်က ထုတ်ပြန်ကြေညာခြင်း မရှိသေးပေ။ ကိုးကား။ ။ NPR သတင်း Pope Leo has lung cancer, the Vatican announces after surgery 1.5K·Oct 14

Photo 1.3K·Oct 14 ကြံ့ခိုင်ရေးပါတီ ညီလာခံရဲ့ လာရာနဲ့ လားရာများ ဧရာဝတီ၊ အောက်တိုဘာ ၁၄၊ ၂၀၂၆ ပြီးဆုံးသွားတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ညီလာခံလို သမ္မတ မင်းအောင်လှိုင် ဩဇာလွှမ်းမိုးမှုကို တပ်ချုပ်သစ် ဗိုလ်ချုပ်ကြီး ရဲဝင်းဦးကလည်း ပယ်ချလာနိုင်သလားဆိုတာ ဒီတပတ် ဧရာဝတီ အင်တာဗျူးမှာ စာရေးဆရာ တင်မောင်သန်း (သင့်ဘဝ)က ဆွေးနွေးသုံးသပ်ထားပါတယ်။ https://youtu.be/oY7X397RQ18 #မြန်မာ #ဧရာဝတီ #ကြံ့ခိုင်ရေးပါတီ #မင်းအောင်လှိုင် #USDP #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join button ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation 1.5K·Oct 14

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/13/2026 · v0.2.0 · ec9a40f

Privacy Terms DMCA & complaints Report a violation

Similar channels

RFA Burmese44.9K subscribers

People's Spring59.6K subscribers

သတင်းမှန် ဖိုးစီ112.1K subscribers

Myanmar Now49.3K subscribers

VOA Burmese35.7K subscribers

Hlaing Info48.4K subscribers

Mizzima48.7K subscribers

DVB TV News41K subscribers