Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Log in

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #67803 — TG.ME

The Irrawaddy - Burmese@theirrawaddy · 76K subscribers Open in TelegramOpen

t.me/theirrawaddy/67803

7

2

1

1

October 6, 2026 3.5K 5

More from this channel

အဖြေရှာနိုင်ရန်အတွက် ကော်မတီအစည်းအဝေးသို့ တင်ပြ ဆွေးနွေးသွားမည် ဖြစ်ကြောင်း The Reporters သတင်း၌ ပြောသည်။ ထိုင်းနိုင်ငံရှိ မြန်မာရွှေ့ပြောင်းလုပ်သား စီမံခန့်ခွဲရေးတွင် မြန်မာအာဏာသိမ်းအစိုးရအား ဝင်ရောက်စွက်ဖက်ခွင့် ပေးထားခြင်းသည် ထိုင်းနိုင်ငံ၏ အချုပ်အခြာအာဏာကို ထိခိုက်စေပြီး ငွေကြေးခဝါချမှုနှင့် နိုင်ငံဖြတ်ကျော် အကျင့်ပျက်ခြစားမှုများကို ဖြစ်ပေါ်စေကြောင်း ထိုင်းနိုင်ငံ ရွှေ့ပြောင်းသွားလာမှု ပြုပြင်ပြောင်းလဲရေးအဖွဲ့ (Thailand Migration Reform - TMR) အဖွဲ့က သတိပေးထားသည်။ ထို့ကြောင့် နိုင်ငံ၏ စီးပွားရေးလုံခြုံမှုနှင့် အလုပ်သမားများ၏ အခွင့်အရေးကို ကာကွယ်ရန်အတွက် CI စခန်းများ စိစစ်ဆောင်ရွက်နေမှုကို ပြန်လည်သုံးသပ်ရန်နှင့် ပန်းရောင်ကတ်စနစ်သို့ ပြောင်းလဲအသုံးပြုရန် တိုက်တွန်းထားသည်။ ယခင်က ထိုင်းရောက်မြန်မာလုပ်သားများအနေဖြင့် ပန်းရောင်ဘတ်ကတ် တမျိုးထဲဖြင့်သာ ထိုင်းနိုင်ငံတွင် နေထိုင် အလုပ်လုပ်ကိုင်ခဲ့ကြပြီး CI (Certificate of Identity)စနစ်ကို ၂၀၀၉ ခုနှစ်၌ မြန်မာနှင့် ထိုင်းနိုင်ငံတို့ နားလည်မှု စာချွန်လွှာ(MoU)လက်မှတ်ရေးထိုးပြီးနောက်ပိုင်းမှ စတင်ခဲ့ခြင်း ဖြစ်သည်။ ထိုင်းတွင် နှစ်ပေါင်း ၃၀ ကျော်ကြာ နေထိုင်ခဲ့သူတဦးက “လွန်ခဲ့တဲ့ ၂၀၀၈ မတိုင်ခင်တုန်းက ထိုင်းရောက် မြန်မာလုပ်သားတွေ ပန်းရောင်ကတ်နဲ့ နေခဲ့ကြတာပဲ။ အဲ့ဒီတုန်းကတောင် နေလို့ရရင် အခုရော အဲဒီစနစ်ကို ပိုကောင်းအောင် မွမ်းမံပြီး ပြန်သုံးလို့မရနိုင်ဘူးလား။ အခုအလုပ်သမားတွေ တောင်းဆိုနေတာလည်း ထိုင်းအစိုးရကို ထိခိုက်စေမှာမဟုတ်ပါဘူး”ဟု ပြောသည်။ ထိုင်းနိုင်ငံခြားသားအလုပ်သမား စီမံခန့်ခွဲရေးရုံး၏ ၂၀၂၆ ခုနှစ်၊ ဩဂုတ်လ ၁ ရက်နေ့အထိစာရင်းအရ ထိုင်းတွင် Work Permit ရရှိထားသော တရားဝင်မြန်မာလုပ်သား စုစုပေါင်းဦးရေ ၃ သန်းခွဲနီးပါးရှိပြီး ထိုထဲမှ မြန်မာလုပ်သား ၄ သိန်း ၃ သောင်းနီးပါးကို မြန်မာ အလုပ်သမားဝန်ကြီးဌာနမှ CI စာအုပ် ထုတ်ပေးထားကြောင်း သိရသည်။ လက်ရှိထိုင်းနိုင်ငံတွင် မြန်မာအလုပ်သမား အရေအတွက် ၄ ဒသမ ၁ သန်း ရှိကြောင်း ထိုင်းနိုင်ငံအလုပ်သမား ဝန်ကြီးဌာနက အောက်တိုဘာ ၁၄ ရက်တွင် ထုတ်ပြန်ထားသည်။ Website တွင် ဖတ်ရန် https://burma.irrawaddy.com/news/2026/10/20/417158.html 2.8K·Oct 20 CI မလို ပန်းရောင်ကတ်နှင့် အလုပ်လုပ်ခွင့်ရဖို့ ထိုင်းရောက်မြန်မာတို့ ကြိုးပမ်း ဧရာဝတီ၊ အောက်တိုဘာ ၂၀၊ ၂၀၂၆ အာဏာသိမ်းအစိုးရက မိသားစုလွှဲငွေနှင့် တနှစ်စာအခွန်ဆောင်ပြီးမှ မည်သူဖြစ်ကြောင်း သက်သေခံလက်မှတ် (CI) လုပ် ပေးမည်ဟု ဆိုနေချိန် ထိုင်းရောက် မြန်မာရွှေ့ပြောင်း အလုပ်သမားများကိုယ်စားပြု ညှိနှိုင်းရေးကော်မတီ (MMWRCCT) က ဦးဆောင်ပြီး ထိုင်းအစိုးရထံ (CI) မလိုဘဲ တရားဝင် အလုပ်လုပ်ခွင့်ရရှိရေး တောင်းဆိုလိုက်သည်။ ထိုင်းအစိုးရထံ တောင်းဆိုသည့် အချက်များမှာ CI စာအုပ်မလုပ်ရရေး၊ CI နှင့် ပတ်စ်ပို့မလိုဘဲ ပန်းရောင်ကတ်နှင့် Work Permit တွဲ၍ တရားဝင်အလုပ်လုပ်ခွင့်ရရေး၊ ဗီဇာမရှိဘဲ Work Permit သက်တမ်းတိုးခွင့်ရရေး၊ Work Permit နှင့် တွဲပြီး ပန်းရောင်ကတ်ဖြင့် ဗီဇာထုတ်ပေးရေးဆိုသည့် ၄ ချက်တို့ဖြစ်ပြီး အောက်တိုဘာ ၁၈ ရက်မှစ၍ အွန်လိုင်းပေါ်တွင်လည်း ဓာတ်ပုံကမ်ပိန်း ပြုလုပ်လျက်ရှိသည်။ NUG အစိုးရ အလုပ်သမားရေးရာဦးစီးဌာန လူသားချင်းစာနာဝန်ကြီးဌာနကလည်း ထိုင်းရောက် မြန်မာရွှေ့ ပြောင်းလုပ်သား များ ပန်းရောင်ဘတ်ကတ်၊ Work Permit တို့ဖြင့် တရားဝင်နေထိုင် အလုပ်လုပ်ခွင့် ရရှိရေး ကမ်ပိန်းစတင်နေကြောင်း ကြေညာထားသည်။ “ထိုင်းနိုင်ငံမှာနေထိုင်အလုပ်လုပ်ခွင့်ရနေတဲ့အတွက် အလုပ်သမားတွေရဲ့ အခွန်အခဟာလည်း ထိုင်းနိုင်ငံအတွက်ပဲ ဖြစ်သင့် ပါတယ်။ ပတ်စပို့တောင်မှ ဖြောင့်ဖြောင့်တန်းတန်း မလုပ်ပေးနိုင်တဲ့သူကို အခွန်မပေးဆောင်ချင်တာ အလုပ်သမား တိုင်းရဲ့ ဆန္ဒပါ”ဟု ချွန်ဘူရီတွင် အလုပ်လုပ်နေသည့် မြန်မာအလုပ်သမားတဦးက ပြောသည်။ အဆိုပါ လှုပ်ရှားမှုကို အောက်တိုဘာ ၁၄ ရက်တွင် စမွတ်ဆာခွန်၊ စမွတ်ပရာကန်၊ ဆူရတ်ဌာနီ၊ ချင်းမိုင်နှင့် ချွန်ဘူရီတို့၌ CI စခန်းများ စတင်ဖွင့်လှစ်ပြီးနောက် အောက်တိုဘာ ၁၈ ရက်မှစ၍ ကမ်ပိန်းပြုလုပ်နေခြင်း ဖြစ်သည်။ ယခုနှစ် CI စာအုပ်လုပ်ရာတွင် အလုပ်သမားများ၏ လုပ်ခ ၂ လစာ၏ ၂၅ ရာခိုင်နှုန်းကို မိသားစုထံ ပြန်လွှဲထားကြောင်း အထောက်အထား တင်ပြခိုင်းခြင်းမှာ အဓိက အခက်အခဲနှင့် ဝန်ထုပ်ဝန်ပိုးဖြစ်စေသည့်အတွက် ယခုလှုပ်ရှားမှု၌ ပါဝင်လာ ရခြင်းဖြစ်ကြောင်း အလုပ်သမားများက ပြောဆိုကြသည်။ ဦးခိုင်ကြီးက “လက်ရှိ ပန်းရောင်ကတ်နဲ့ နေလို့ရအောင် ကမ်ပိန်း လုပ်တယ်။ သက်တမ်းတိုးတဲ့ကိစ္စတွေကို ဖိအားပေးပြီး တော့ အခွန်ကောက်နေတာတွေ၊ အိမ်ပြန်ပို့ရမယ့် ၂၅ ရာခိုင်နှုန်း ပြခိုင်းတာတွေက အာဏာရှင်ကို သွားတားလို့ မရဘူး။ တားလို့ရတာဟာ အလုပ်သမားပဲ။ တောင်းတဲ့သူက တောင်းတယ်။ ပေးတဲ့သူက ပေးနေသ၍ ဘယ်တော့မှ မပြတ်တော့ ဘူး။ သံသရာလည်နေမှာ။ ဒါဟာ ဘယ်သူ့ကိုမှ ကန့်လန့်တိုက်တာ မဟုတ်ဘူး။ ဆန္ဒပြတာလည်း မဟုတ်ဘူး။ ထိုင်းအစိုးရ ကိုလည်း ဖိအားပေးပြီး ဒါကို မလုပ်ဘူး ပြောတာလည်းမဟုတ်ဘူး။ ဒါလေးကိုပဲ တောင်းဆိုတာ။ ဘာဥပဒေနဲ့မှလည်း မငြိဘူး။ ဒါလေးနဲ့ လုပ်ခွင့်ရမလားဆိုပြီး တောင်းဆိုကြတာပါ”ဟု ပြောသည်။ ထိုသို့ ငွေလွှဲရာတွင် ငွေလဲနှုန်းကွာဟမှု၊ စာရွက်စာတမ်းလိုအပ်ချက်နှင့် တရားဝင်ငွေလွှဲစနစ် အသုံးပြုရာ၌ ကြုံရသည့် နည်းပညာ အခက်အခဲများကြောင့် တရားဝင်ဘဏ်လမ်းကြောင်းတွေထက် ဟွန်ဒီကဲ့သို့ အလွတ်သဘော ငွေလွှဲစနစ် များကို အသုံးပြုနေရခြင်းဖြစ်ကြောင်း အလုပ်သမားများက ပြောသည်။ ထိုင်းနိုင်ငံရှိ "Bright Future" မြန်မာအလုပ်သမားကွန်ရက်က ဆူရတ်ဂျ်ဂီရီ ဦးဆောင်ပြီး ထိုင်းနိုင်ငံရောက် မြန်မာလုပ်သားများကို CI ထုတ်ပေးမှု ဖျက်သိမ်းပေးရေးနှင့် လုပ်သားများအပေါ် အမြတ်ထုတ်နေသည့် ပွဲစားများ ဖမ်းဆီးအရေးယူပေးရေး ထိုင်းအောက်လွှတ်တော်အလုပ်သမားရေးရာကော်မတီထံ အောက်တိုဘာလ ၇ ရက်က သွားရောက်တောင်းဆိုထားသည်။ မြန်မာအလုပ်သမားများ၏ တောင်းဆိုချက်များတွင် CI ထုတ်ပေးသည့်စင်တာများ၏ လုပ်ထုံးလုပ်နည်းများမှာ အချို့ကဏ္ဍများမှာ အလွန်ရှုပ်ထွေးနေပြီး ကုန်ကျစရိတ် မြင့်မားခြင်း၊ တရားဝင်စနစ်ပြင်ပမှ အခကြေးငွေ တောင်းခံမှုများ ရှိနေခြင်းတို့ကြောင့် ရွှေ့ပြောင်းအလုပ်သမားများအနေဖြင့် ငွေကြေးပိုမိုကုန်ကျနေရပြီး ဝန်ထုပ်ဝန်ပိုး ပိုမိုကြီးမားလာကာ အခက်အခဲများစွာနှင့် ရင်ဆိုင်နေရကြောင်း ပြောထားသည်။ အလုပ်သမားများအနေဖြင့် CI လုပ်ရန်အတွက် ပိုမိုကုန်ကျနေသလို ပွဲစားများကလည်း အခကြေးငွေများကို ပိုမို ကောက်ခံခြင်းတို့ ရှိနေရာ ပန်းရောင်ကတ် တခုတည်းကိုသာ အထောက်အထားအဖြစ် ထိုင်းအစိုးရမှ လက်ခံပေးရန် တောင်းဆိုထားကြောင်း သိရသည်။ မြန်မာအလုပ်သမားအများစုသည် ထိုင်းဘာသာစကားနှင့် စာရွက်စာတမ်းလုပ်ထုံးလုပ်နည်းများ မကျွမ်းကျင်မှုကြောင့် ပွဲစားများကို မှီခိုနေရပြီး တရားဝင်ကုန်ကျစရိတ်ထက် ပိုမိုတောင်းခံခြင်း၊ အလုပ်ပြောင်းခအမည်ခံ ငွေကောက်ခံခြင်း၊ စာရွက်စာတမ်းလုပ်ပေးမည်ဆိုပြီး ငွေယူကာ အလိမ်ခံရခြင်းများလည်း ကြုံတွေ့နေရကြောင်း သိရသည်။ မြန်မာအလုပ်သမားများထံမှ CI စင်တာများ ဖျက်သိမ်းရေးတောင်းဆိုမှုစာကို ထိုင်းအလုပ်သမားရေးရာကော်မတီ၏ ကော်မတီဝင်နှင့် အကြံပေးပုဂ္ဂိုလ်ဖြစ်သူက ယခုပြဿနာသည် အလုပ်သမားများ၏ အသက်မွေးဝမ်းကျောင်းနှင့် လူမှုဘဝအပေါ် များစွာသက်ရောက်မှုရှိနေကြောင်း၊ ကော်မတီအနေဖြင့် အဆိုပါကိစ္စရပ်ကို အလေးအနက်ထား စဉ်းစားသွားမည်ဖြစ်ပြီး အမြန်ဆုံး 2.5K·Oct 20 မင်းအောင်လှိုင် လောင်းရိပ်အောက်က တပ်ချုပ် ဧရာဝတီ၊ အောက်တိုဘာ ၂၀၊ ၂၀၂၆ အာဏာသိမ်းစစ်တပ်ရဲ့ တပ်မတော်ကာကွယ်ရေးဦးစီးချုပ် ရာထူးကို ဗိုလ်ချုပ်ကြီး ရဲဝင်းဦးဆီ လွှဲပြောင်းပေးထားပြီဆိုပေမယ့်၊ သမ္မတရာထူး အမည်ခံထားတဲ့ ဦးမင်းအောင်လှိုင်ကသာ စစ်တပ်အပေါ် အဓိကဩဇာ လွှမ်းမိုး ကိုင်တွယ်နေဆဲ ဖြစ်တယ်လို့ လေ့လာသူတွေနဲ့ CDM စစ်တပ်အရာရှိအချို့က သုံးသပ်ပြောဆိုနေကြပါတယ်။ မင်းအောင်လှိုင်ရဲ့ နိုင်ငံတကာခရီးစဉ်တွေနဲ့ ပွဲလမ်းသဘင်တွေမှာ ဗိုလ်ချုပ်ကြီး ရဲဝင်းဦးတို့ ဇနီးမောင်နှံက ခါးကိုညွတ်ကိုင်းမတက် အလွန်အကျွံအရိုသေပေး ကြိုဆိုနေရတာတွေ၊ ဦးမင်းအောင်လှိုင်ရဲ့ဘေးမှာ ခပ်ကုတ်ကုတ်အနေအထားနဲ့ ညွှန်ကြားချက်တွေကို လိုက်မှတ်နေရတဲ့ ပုံရိပ်တွေဟာဆိုရင် ဦးမင်းအောင်လှိုင်ရဲ့ လက်ရှိ တပ်ချုပ်သစ်အပေါ် ထားရှိတဲ့ လွှမ်းမိုးချုပ်ကိုင်မှုကို ထင်ရှားစွာ ပြသနေတာပဲ ဖြစ်တယ်လို့ ဆိုကြပါတယ်။ တကယ်လို့ တပ်မတော်ရာထူး တာဝန်မရှိတော့တဲ့ ဦးမင်းအောင်လှိုင်က သမ္မတတဦးအနေနဲ့သာ တပ်ကို အမိန့်ပေးညွှန်ကြားနေရတာဆိုရင် ဒါဟာ အရင် အရပ်သားအစိုးရလက်ထက်တွေတုန်းက နိုင်ငံရေးသမားတွေနဲ့ ပြည်သူတွေ မျှော်လင့်ခဲ့ကြတဲ့ စစ်တပ်ကို အရပ်သားက အုပ်ချုပ်တဲ့ နိုင်ငံရေးအခင်းအကျင်းမျိုး ဖြစ်လာနိုင်ပါတယ်။ ဒါပေမဲ့လည်း ၂၀၂၁ ခုနှစ် စစ်အာဏာသိမ်းမှုကို ကျူးလွန်ခဲ့တာ၊ သမ္မတရာထူးအတွက် ၂၀၀၈ ဖွဲ့စည်းပုံအခြေခံဥပဒေကိုပါ ကျော်လွန်လုပ်ဆောင်ခဲ့တာတွေကြောင့် ဦးမင်းအောင်လှိုင်ရဲ့ အခုလို လုပ်ဆောင်ချက် တွေဟာ အာဏာအရပ်ရပ်ကို ဆက်လက်လက်ဝါးကြီးအုပ်ဖို့ ကြိုးပမ်းနေတာသာဖြစ်တယ်လို့ နိုင်ငံရေးအသိုင်းအဝိုင်းက ဝေဖန်ထောက်ပြကြပါတယ်။ https://youtu.be/nzc6fVciH9Q 2.2K·Oct 20

Photo 2.1K·Oct 20

• ဒေါ်အောင်ဆန်းစုကြည် အမည်နဲ့ အသုံးနှုန်း ပြင်ဆင်လို့ လူထုဝေဖန် • မြန်မာကို အရှေ့တောင်အာရှ လူ့အခွင့်အရေးအဖွဲ့ကနေ ထုတ်ပယ် • အာဏာသိမ်း စစ်တပ်သုံ့ပန်းတွေကို PDF အဖြစ် NUG ခွင့်ပြု • ပုဂ္ဂလိကကျောင်းတွေကို မြန်မာအမည်ပြောင်းဖို့ USDP အမတ်တင်ပြ • မက္ကာမှာ နိုင်ငံသား ၂ ဦး ကွပ်မျက်ခံရမှု ဘင်္ဂလားဒေ့ရှ် ရှင်းလင်းချက်တောင်း နေ့စဉ်သတင်း၊ အောက်တိုဘာ ၂၀၊ ၂၀၂၆ https://youtu.be/iE_EC821x_I 2.2K·Oct 20

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.MEDIA network· Updated 10/20/2026 · v0.2.0 · 682cd71

Privacy Terms DMCA & complaints Report a violation

Where to next

Telegram News9.3M subscribers

اخبارفوری خبرفوری جنگ امریکا فوری6.9M subscribers

خبرفوری ࡆ اخبارفوری ࡆ جنگ فوری امریکا5.7M subscribers

The Signal 245.6M subscribers

خبرفوری5M subscribers

اخبارفوری خبرفوری جنگ امریکا فوری4.9M subscribers

خبرفوری4.6M subscribers

اخبارفوری🚨جنگ امریکا و ایران4.4M subscribers