ثباحو

اول شي تحتاجين شعرية باكستانية وحليب فجر وقشطة وكريم شانتي وبسكت
تكسرين الشعرية وتحمريها شوية عالنار بدون زيت بس تسهيها بعدين تحضرين الكريمة تجيبين كاسة مي باردة ضروري باردة تكون تفرغين الكريم شانتيه بعدين تخلين فوكاه كاسة المي الباردة وتخفقين لحدما تصير كريمة وتخلين القشطة وحليب الفجر وهم تخفقين لحدما يصير قوامها كريمي خفيف بعدها تجيبين البايركس وتحضرين حليب ومي حتى تنكعين البسكت بالحليب وترتبي بالبايركس وتخلين الكريمة فوكاه وبعدها تخلين الشعرية وتبقين تسوين طبقات واخر شي الطبقة الاخيرة تخلين باقي الكريمة وتخليها بالثلاجة تبرد شوية وتبدين تحضرين اي شوكلاته تذوبيها أني اخلي كندر اذوبها بطريقة البخار وضروري بعدما تذوب تخليها شوية تدفى برا مو بالثلاجة بعدين تطلعيها من الثلاجة وتخلين الشوكلاتة فوكاها وتزينين مثل متريدين وبالعافية ❤️

ماتيلدا كيك
3 بيضات و فانيلا
كوب شكر
نص كوب زيت
علبة زبادي
كوب ونص دقيق
ونص كوب كاكاو خام
وملعقة أو ضرف بيكينج باودر
وملعقة گهوة
ورشة ملح
وتنخبز بدرجة حرارة 180 من جوة من 40 ل45 دقيقة والقالب بنص الفرن

طريقةةة كباب

تحتاجين لحم مثروم
طماطه
وكرفس
وبهارات
سماق
وماجي
بصل اختياري اني محطيت مااحبةة
وتوست سوي كرسبي وحطي ويه كباب وعجني مكونات كله بعده تحتاجين قالب اي شكل ليعجبج وفرشي كباب ب قالب وحطي بصل وطماطه وكرفس وقبل لايدخل فرن قطعي كباب من يستوي رش سماق
الف عافيةةة

كوكيــز صحي تقريباً ❤️‍🔥❤️‍🔥

بيضة واحدة خلط خلط نص كوب راشي ( طحينيه ) ملعقتين كبيرتين دبس التمر ملعقتين ككو خام رشة صودا خلط خلط ضوكو شوفو يحتاج أكثر حلا ضيفو دبس بعد كيفكم
خلو على ورق زبدة ب الفرن لمدة 10دقايق وضروري كل شوي تجيكون الكوكيز بس تشوفون من جوة صار طلعو بس من جوة النار و ناصي

المكونات:
4 بيضات
1 كوب سكر
1/2 كوب زيت نباتي
1 كوب حليب سائل (ممكن حليب باودر و خلي عليه كوب ماي)
1 ظرف فانيليا
1 كوب طحين ( يفضل يكون طحين صفر)
1 ملعقة صغيرة بايكينغ باودر
برتقالتين
رشة ملح
الطريقة:

بطاسة اخلطي البيض و السكر بمضرب كهربائي 5-7 دقائق لحد ما يصير المزيج فاتح اللون وكريمي ( ممكن تستبدليه بمضرب يدوي العادي بس يحتاج وقت خلط اكثر )

ضيفي الزيت و الحليب والفانيليا، و كلبيهن بخفة حتى تتجانس المكونات.

واخر شي نخلّي الطحين مع البايكينغ باودر والملح.
وهنا اهم شي من تضيفين الطحين ضيفي شوية وحركي وشوية وحركي حتى لا يطلع الهوا الي الخليط هيج تطلع وياج هشة

بعدين لانو تريديه بالبرتقال ف اعصري برتقالتين وخليه ع المزيج ابد ما انصحج تخلين برش كشور البرتقال مرة سويته وطلعت مرة، العصير وحده يطي طعم كلش طيب

بعدين حضري القالب ادهني بزيت قليل و رشة طحين ( ممكن دهنين القالب بالراشي)
دخليها الفرن لمدة 25-30 دقيقة تقريبا اهم شي بهل وقت ابدا لا تفتحين الفرن ورة ما تخلص النص ساعة اختبريها بالعود إذا طلع نظيف بدون عجينة يعني الكيكة جاهزة واذا لا يعني بعد تريد فد 5 دقايق

سلطه سيزر 🥗
قطع كرسبي دجاج جاهز تقليها
وتقطعيها
وخس وتوست تقلي تقطعيهم مربعات صغيرة
للصوص زبادي وملعقة مايونيز وملعقة راشي وعصرة ليمون وملح تضيفين الخس اول شي وخلي شوية صوص بعدين الكرسبي والتوست وعالوجه صوص وبس

بسبوسة بالشعرية الباكستانية
٢ بيض
كوب شكر
نص كوب زيت
كوب لبن زبادي (سطل)
نص كوب حليب
كوب مبروش
كوبين سميد
كوب طحين منخول
ضرف بيكن باودر
تخليهة بقالب وترشين فوكاهة شعرية باكستانية مطحونة شوية

الشيرة أو تستبدلينهة بحليب مكثف

الشيرة

كوبين شكر
كوب ونص مي
حبات هيل اذا مموجود عادي
نص ملعقة لمندوزي

الشيرة تسويهة من وقت قبل البسبوسة حتة من تطلعين البسبوسة تضيفين الشيرة وكون باردة..

واني بهاي الصورة حطيت حليب مكثف

مكونات :
حشوه مال دولمه
وبصل
وباكله اختياري
وبتيته وجزر

طريقه :
تسلكين بصل كلش زين وخلي يبرد وبعدين لفي
ومن تريدين تخليه ع نار حطي هاي صلصه

دبس رمان
معجون شؤيه
ليمون
لمندوزي
وملح
وفلفل اسود
وماجي
ثوم مطحون
بهارات دولمه
هاي صلصه قبل لاتخلين جدر ع نار خلي هاي صلصه
من تستوي خلي صلصه صير ناشفه علمود تمتص لحموضه

باڤ باستري
نقطعة مربعات
ونخلي فوكاهم
بيض وفانيلا
ونخليهم بالفرن
الحشوة :
3 ملاعق نشا
5 ملاعق حليب
5 ملاعق شگر
فانيلا
أي كيمر
ونخليهم على النار ونوب نخليهم
بالثلاجة شوية
وتزينونهم بالشكل اللي تردونة
انا خليت الحشوة
وخليت شگر مطحون وبلوبيري🩷

تحمسين بصل لحد ما يصير لونه جوزي شوية بعدين تخلين اللحم يحمس ويا
وتضيفين البهارات الي عندج
اني استعملت بهارات مندي وسبع بهار وشوية كزبرة مطحونة وكاري وبابريكا
ورق غار ونومي بصرة واعواد دارسين
ورا ما يحمس عدل ويتغير لونه تضيفين عليه مي اذا مو بجدر ضغط خلي سااعتين حتى يستوي اللحم بعدين من يستوي تطلعين اللحم على صفحة تشوينة بالفرن
وبالمي مالته تركبين التمن وبس بلعافيه

كطعت بصلاية كبيرة وطماطة كبيرة وفلفلاية حجم متوسط لمكعبات وبرشت جزراية
اولشي بجدرية حمست الدجاجة بزيت وراها ضفت الخضروات وحمستهم لحد ماذبلوا
ضفت خاشوكه معجون كبيره وحمستها وضفت حامض ليمون ودبس رمان وحطيت بهارات صحيحه دارسين وفلفل اسود حبيبات وهيلاية
وحطيت بهارات برياني وملح وكاري حطيت مي بحيث يغطي الدجاج وعفته لمده ٤٥ دقيقة
بجدر لاخ اضيف التمن الي اني منكعه سابقه واحمسه بزيت لحد مايبدي احسه يلزك اضيف المي مالدجاج واصفي الخضار واضيفه عليه واقلبه
بالنسبه للدجاج احط دبس رمان وكجب وبالقلايه لمدة خمس دقايق
التمن وره ميستوي اجيب فحمايات على عين الطباخ لحد ماتحترك
احط ماعون ع التمن وفوكاها احط الفحمايات الحركتها واحط زين بحيث يطلع دخان ورأساً اغطي التمن واحط خاولي فوكاه علمود اتاكد الدخان يبقه موجود ويصير بيه طعم مدخن ويكون على نار ناصيه كلش لمده ربع ساعه ووراها اشيل الماعون مالفحم واكلب التمن
يفضل تقديمه ويه خيار مبروش ولبن
وبس بالعافيه

طاوة تحط بيها زيت وتحط خاشوكة معجون ورشة باربيكا تحمسها شوية حتى تروح زنخة المعجون وتنزل عليها مي حار (الجيس الواحد يعادل كلاص ونص مي) وراها تخبطه لحد ما تشوفه يفوز تنزل الاندومي ومن يبقى شوية مي تنزل كريمة طبخ والبهارات (افضل استخدم اندومي برتقالي) وراها تخبطه لحد ما ينشف وعصرة ليمون وتحط فوكاه رشة زعتر وهاي مارتديلا ديك رومي

فوتشيني
اول شي نسلگ الفوتشيني
ثانياً نسوي الصوص اذا عندكم صلصة كريمة الطبخ حتسهل عليكم بس تحمسوها شوي وتضيفون بهارات ( فلفل اسود - بابريكا- ماجي دجاج او كاري - ملح - بهار جبنة فرنسية ) احد ما تخلص سلك الفوتشيني رح تصفونهاا وتحطوها فوق الصلصة واذا تحبون تحطون جبن موزريلا حتكون اطيب والذ 😋
——————————————
واذا ماعندكم صلصة كريمة طبخ تكدرون تسووها بالبيت تجيبون قشطة تقريبا علبة وحده اذا كمية الفوتشيني هواي تحطون علبتين وراها تحطون مي نص كوب و حليب سائل نص كوب وكلبوها لحد ما تفور ويثخن القوام يصير مثل الصلصة وراها تضيفون الابهارات ( فلفل اسود - بابريكا - ماجي دجاج او كاري - بهار جبنة فرنسية - ملح ) وبعدين تصفون الفوتشيني وتضيفونها ع صلصلة وتضلون تقلبون وخلص بالعافية

فطائر بالبتيته والجبن 🥔✨✨:
1-نقطع البتيته مُكعبات صغيره ونگليها بزيت قليل كلش تقريبا 3 ملاعق أكل.
نضيف عليها بهارات مشكلة (كُركم ، فلفل اسود، فلفل احمر، بابريكا حارة، ثوم مطحون، بهارات دجاج،ملحح)
العجينه ✨:
1-كوب حليب دافي + كوب مي دافي✨.
2- خميره ملعة كبيره+ ملح رشة قليله
3- اربعة أكواب طحين +زبدة
وعجنيهم وخليهه تختمر
- نسوي العجينه ونضيف على كل قطعه بتيته ونخلي فوكهه جبن موزريلا(أي نوع جبن)ندخلها الفرن..
الصورة مو الي

سندويش حمص
زيت ومعجون ومعجون فليفلة ينحمسون
" تضيفون خضار تحمسوه حسب المذاق "
تضيفون حُمص مستوي ، عصرة ليمون
بهارات - بابريكا ، فلفل أسود ، ملح ، زعتر
"خس ، طماطم ، فلفل بارد - حار" مقطعات
صوص داخل - روبة ، راشي ، ليمون ، ملح
وأيضًا مُمكن أي صوص يعجبكم تضيفوا ، بالعافية