اعرف شكد صعب من تشوف كلشي يضيع من عندك ، تعبان اي ادري بيكم حقكم… — اختبارات الخامس — TG.ME

Forwarded fromحيحيرة والسادس

اعرف شكد صعب من تشوف كلشي يضيع من عندك ، تعبان اي ادري بيكم حقكم مظلوم النتيجة ظلموني مو درجاتي مو استحقاقي وياك أنه انت حبيبي وعزيزتي، شتكول خلي اعيد السنة...؟ أنه وياك بكلشي گلته واسف لعيونكم التعبانة اسف الكم على كلشي ماذيكم بس ممكن تسمعني شويه وتقرا كل كلمة راح اكولة .. انت مو ضايع لا لا إنت بس واكف بنقطة رمادية بين التعب والأمل، بين "لو" و"يمكن"، بين نتيجة ما عجبتك، وحلم بعده يضوي برأسك انت قضيت سنة من أصعب السنين، ضغط، توتر، كلام الناس، مقارنات، وأحلام على كتفك أثقل من ظهرك اعرف كل هل أمور وعشته قبلك بس شنو لازم تسوي كبشر طبيعي من حقكم تبجون تنهارون كلش حقج وحقك بس لاتخلي هذا الشي يوكفك وياخذك نحو الهاوية شوف حتى لو كم مادة ما مشّت، مو معناها انتهى كلشي وضاع لا لا يعني محتاج وقت ترتّب بيه أفكارك زين، مو تتخلى عن حلمك وتشرد اكبر غلط هذا ... الضياع مو فشل الضياع مرحلة عبور، تطلع بيها أقوى شخصية عندك . أكو هواي ناس هواي تعثرت، فشلت، حتى رسبت بأكثر من مادة بس وكفت، وكملت، ونجحت، وبعضهم صاروا فخر ودائماً اسولفلكم على اصدقائي الي وياي وشلون طلعت معدل احسن منهم وهم صاروا احسن مني أضعاف عمره ما كان المعدل يحددك ويحدد وصولك المعدل مجرد خطوة من خطوات النجاح ، صح كلشي ضبابي يمكم هسه بس لتخلون الفشل ياكلكم وتضيعون المشيتين بعده الفرصة كدامكم وعدكم أكثر من 33 يوم تكدر تسوي بيه اكبر انجاز . الندم أن كان على درجات أو على الوقت الي راح منك او على اغلاط سويته ...؟؟ شوف الندم لا راح يقدم ولا يؤخر قلبي ونور عيني ابني وبنتي العزيزه الندم ياخذ من صحتكم وطاقتكم بدون نتيجة ،الندم إذا ظلّ ببالك وما حولته لفعل، راح يدمّرك لا تضل تحچي بس ندمان وتلوم على نفسك بدون فعل ، لا الندم ولا دمعة وحده من دموعكم الحلوة راح ترجع إلي راح بس الفرصة موجوده والمحاولات مفتوحة تكدر تحاول شوكت متريد ، الندم الحقيقي من تبقى عالق بالماضي بدون ما تقدم لنفسك اي نتيجة تستحقه شوف، أني ما جاي أجمّل الواقع واقنعك بكلام تحفيزي جاي اسولفلكم تجربة حقيقة ف اسمع مني ولا تبقى واكف واذا تريد اساعدك بأي شي اكدر عليه أنه خادمك ودائماً صديق واخ واب داعم لكم بكلشي ... اذكرك بشي لا ندم راح يرجع درجة ولا ندم راح يرجع وقتك اصنع فرصة لنفسك وابدي وأنه اعرف بيك شكد بطل ومجاهد انت لو بس تفتح عقلك وتركز زين حيدر مو أنه ظلموني دمروني ما راضي ليش هيج ليش أني هيج يصير وياي...؟ تعرف الله شيكول "وَلَا يَظْلِمُ رَبُّكَ أَحَدً" مستحيل ربكم بيوم راح يظلمكم الله يشوف ويجازيك على كلشي ،، لعد حيدر فهمني ليش صار ما جاي اتقبل نفسي اذا الله ما يظلم أحد أنه قصرت وي نفسي لو ما تعبت ؟؟ شوف حبيبي وحبيبتي وتاج راسي الله سبحانة عظيم جداً باختيارة لكم انت تشوف هذا المعدل وتحبة بس الله ما يشوف بي صالح الك مى تتوفق بي ويقول تعالى وعسى أن تكرهوا شيء وهو خير لكم وتحبون شيء وهو شر لكم كون على يقين تام بأن الله دائماً يختارلك الافضل ومستحيل يظلم أحد من عبادة ، بس مرات ياخر الجبر والعوض حتى يختبر صبرك خلي يقينك بالله عظيم واشكرة على كلشي انطاه الك وتوكل عليه وصدكني عمرك مى راح تضيع . حيدر تعبت مابيه اكمل إلى متى ابقى بالسادس والله مرض ..؟ تگول تعبت هواي؟حقك ما ألومك السنة مو سهلة، الظلم مو سهل، التوقّع شي ويصير شي ثاني مو سهل وإنت ما قصّرت بس صار هواي عليك، أكثر من طاقتك، ومن سعة صدرك، أنه وياك بكلشي بس تعال اكعد ارتاح هل راح تطمئن وانت ما مخلص وانت ما محقق الي تريده ؟؟ اكيد لا شوف حبي هن 33 يوم بس اضغط على نفسك شويه مو لخاطر دمعة امك وفرحته بيك وإذا مو لخاطرهم على الأقل لخاطر حلمك وهدفك ، وصدكني ساعات العمر كله راحة بس هل شهر اتعب وقدم لنفسك شي تستحقه ، وتذكر دائماً "إِنَّ مَعَ الْعُسْرِ يُسْرً" الفرج قريب صدك وراح تشوف جبر ينسيك كل هذا التعب .  الإعادة صح شتكول اعيد سنة وخصوصاً احنا طلاب الدخول الشامل والمؤجلين نحس ماكو فرصة بعد وحتى دور ثالث يكولون ماكو احنا هم تعبنا وملينه خلي نعيد حيدر اسمعنا..؟ شوف الإعادة هسه شيله من بالك تخيل هاي اخر سنة واريدك تذب كل حيلك عليه تطلع جنون الاستمرارية كله بية الشخصية السجاجة القوية ، ليش يا حيدر ليش مانفكر بالاعادة ؟؟!. شوف حبيبي الإعادة يعني تعب نفسي تعب جسدي يعني دوام صيف يعني دوام شتاء يعني برد يعني صيف يعني قهر تشوف اصدقائك بالجامعة يعني مدرسة يعني كل السادس ينعاد بكل تفاصيله ، حالياً هاي اكبر خطوة تتخذة خطأ خصوصاً إذا بعدك ما ممتحن ولا مادة أو امتحنت كم مادة .. شيل فكرة السنة مو بالك حالياً وتعبلي نفسك هل شهر وذب حيلك وبالنهاية هاي الدراسة والجهد كله راح يفيدك بالنسة الجاية اذا فكرت تعيد ...