لەیرە، نیمەی شەوارە، شار کوڵن ئاڵمان...
واێگ هیلنێ و لۊلنێ و سەر وە دەر و دیوارا کوتێ...
کەلەوانچەگە چەکانم، لی پرسیم:
کابرا چوەدە چمان قاتر نەوەس سۊڕنی، ناود کییە و لە کام باوەت هاتیدە؟
وا شێتانە شێتانە، پیم خەنی...
وەتم تن خودا وای دار چەقنێ یا کەلەوا، هڵم سام گەرمەسێر دێری یا بوو خاک نەجەف دەیشت؟
هاتیدە زۊتر لە جاران، کەپرگ و قورژەی داران بچەقنی یا هاتیدە دڵخوەشی بەی وە ڕیەن دار و گەلیار و بۊشی ڕۊسییە وە کەی جۊەداران...
وا، ناموو ناموو، نوڕسە پیم، وە باوڕم گومان کرد لێوە بۊە...
لەیرە، لەی وڵاتە، وایش نەناس و نامووە...
شەو چمان دەیدامێ، وڵات داپووشاس و وا نرکنێ و هیلنی و لۊلنی و منیش دڵەگەم کەلاوەی زۊخە...
4
4August 30, 2026 721 7 6
