*📣 रामदेवबाबांनी स्मार्ट जाहिरात पद्धतींचा वापर करून अविश्वसनीय यश कसं संपादन केलं?*
✨ कोणत्याही व्यवसायामध्ये मार्केटिंग, ऍडव्हर्टायझिंग हे महत्त्वपूर्ण भाग असतात. विशेषतः बीटूसी व्यवसायांना आपली उत्पादने/सेवांबद्दल आपल्या संभावित ग्राहकांना माहिती प्रदान करण्यासाठी आणि नफा कमविण्यासाठी मार्केटिंग आणि ऍडव्हर्टायझिंग हे अतिशय महत्त्वाचे घटक आहेत.
ऍडव्हर्टायझिंगमुळे व्यावसायिकांना आपल्या संभाव्य ग्राहकांसोबत चांगले कम्युनिकेट करता येते. आपल्या उत्पादनांना, सेवांना आणि ब्रॅण्डला प्रमोट करणे हा ऍडव्हर्टायझिंग मागचा मूळ उद्देश असतो. बहुतांश उद्योग जाहिरातींसाठी बराच खर्च करतात. परंतु आपल्या जाहिराती आपल्या ग्राहकांशी प्रासंगिकता असणाऱ्या असल्या की ग्राहक आपल्या ब्रॅण्डकडे आणि उत्पादनांकडे आपोआप आकर्षित होतात आणि परिणामी व्यवसायातील सेल्सचे प्रमाण वाढत जाते. याचे सर्वांत उत्तम उदाहरण म्हणजे रामदेव बाबांचा 'पतंजली' ब्रँड... त्याआधी ऍडव्हर्टायझिंगचे ३ प्रकार समजून घेऊ.
*🧐 १) थेट जाहिराती (Direct Advertisements) :*
थेट जाहिरात किंवा डायरेक्ट ऍडव्हर्टायझिंग हा जाहिरातींचा एक व्यापक प्रकार आहे ज्यामध्ये मध्यस्थ मीडिया आणि प्रसारमाध्यमांचा वापर करता आपली जाहिरात थेट ग्राहकापर्यंत पोहोचते. थेट जाहिरात किंवा डायरेक्ट ऍडव्हर्टायझिंग म्हणजे ग्राहक किंवा लीड्स सोबत थेट एंगेज होणे. ईमेल मार्केटिंग, ऑनलाईन ऍडव्हर्टायझिंग, फ्लायर्स, प्रमोशनल लेटर्स, वृत्तपत्रे, एसएमएस, कुपन्स, फोन कॉल्स, वेबसाईट्स, प्रॉस्पेक्ट मार्केटिंग, कॅटलॉग डिस्ट्रिब्युशनस, सेल्स टीमद्वारे थेट संवाद हे थेट जाहिरात किंवा डायरेक्ट ऍडव्हर्टायझिंगचे काही निवडक प्रकार आहेत. डायरेक्ट ऍडव्हर्टायझिंगमुळे आपली उत्पादने/सेवा थेट ग्राहकांना प्रमोट करता येतात, त्यामुळे डायरेक्ट ऍडव्हर्टायझिंग हा जाहिरातींचा सर्वांत प्रभावी मार्ग म्हणून ओळखला जातो.
*😎 २. सेलिब्रिटी ऍडव्हर्टायझिंग :*
सेलिब्रिटी ऍडव्हर्टायझिंगमध्ये उत्पादने/सेवा प्रमोट करण्यासाठी सेलिब्रिटीज म्हणजे लोकप्रिय अभिनेते, कलाकार, खेळाडू यांसारख्या व्यक्तींचा जाहिरातींसाठी वापर केला जातो. सेलिब्रिटी ऍडव्हर्टायझिंगचा मूळ उद्देश सेलिब्रिटींच्या फॅनबेस आणि एकंदर प्रभावाच्या आधारे अधिकाधिक लोकांपर्यंत आपला ब्रँड, उत्पादने आणि सेवा पोहोचवणे हा असतो. मीडिया आणि प्रसारमाध्यमांमध्ये हा प्रकार पाहायला मिळतो. हा प्रकार खूप खर्चिक असतो. परंतु सेलिब्रिटी ऍडव्हर्टायझिंगमुले ब्रॅण्डला मार्केटमध्ये विश्वासार्हता आणि ग्लॅमर प्राप्त होण्यास मदत होते. तसेच या जाहिराती दीर्घ काळापर्यंत लोकांच्या स्मरणात राहतात.
*🤩 ३) सटल ऍडव्हर्टायझिंग :*
सटल ऍडव्हर्टायझिंग म्हणजे आपल्या ब्रॅण्डची, उत्पादनांची जाणीव ना बाळगता ग्राहकांना सतत जागरूक करणे. रामदेव बाबांनी याच प्रकारचा वापर करत एफएमसीजी क्षेत्राची कसलीही पार्श्वभूमी नसतानासुद्धा हिंदुस्थान लिव्हर सारख्या मोठ्या ब्रॅण्डला टक्कर देईल इतक्या पातळीवर त्यांचा पतंजली हा ब्रँड अल्पावधीतच मार्केटमध्ये यशस्वीरीत्या उभा केला. त्यांची जाहिरात पद्धती पाहता वर्षानुवर्षे ऑरगॅनिक फूड, नैसर्गिक भारतीय आहारपद्धती, योग, आरोग्य यावर ते काम करत होते. परंतु हे करीत असताना त्यांनी कधीही त्यांच्या ब्रॅण्डची आणि उत्पादनांची थेट जाहिरात कधीच केली नाही. आपल्या ब्रॅण्डची, उत्पादनांची जाहिरात त्यांच्या बद्दल न बोलता अश्या काही ऍक्टिव्हिटी करायच्या की ज्याद्वारे आपला ब्रँड आणि उत्पादने प्रमोट करता येईल. पतंजली ब्रँड याचे आदर्श उदाहरण आहे. रामदेव बाबांचे प्रसारमाध्यमांवर रोज सकाळी योग अभ्यासाचे कार्यक्रम प्रसारित होत असतात, या कार्यक्रमांमध्ये पतंजलीची उत्पादने विक्रीसाठी दिसत नसतात. परंतु त्यांच्या अशा कार्यक्रमांमुळे त्यांच्या ब्रॅण्डला आणि उत्पादनांना विश्वासार्हता प्राप्त होते आणि ती आपोआप विकली जातात. हा जाहिरातींचा दीर्घकाळ चालणारा प्रभावी मार्ग आहे. यामुळे तुमचा ब्रँड आणि उत्पादने यशस्वीरित्या बाजारात कामगिरी करतात. या प्रकारच्या स्मार्ट जाहिरातीमुळे तुमच्या ब्रॅण्डची इमेज, विश्वासार्हता, आणि प्रभाव दीर्घकाळ मार्केटमध्ये टिकून राहतो.
