حبينا نكون معكن بهاللحظة متل ما عشنا معكن كل تعب هالسنة
قريباً حيكون اليوم اللي نطرتوه من أول ما فتحتوا الكتاب وقبل أي نتيجة بدنا نقلكن من القلب للقلب
نتو ما كنتوا مجرد طلاب بل كنتوا أبطال حاربوا التعب والخوف والسهر وكل مرة قلتوا ما عاد فيكن ووقفتوا من جديد وهاد انتصار
إذا كانت النتيجة متل ما بتحلموا فافرحوا لأنكن بتستحقوها وإذا ما كانت متل ما تمنيتوا لا تخلو رقم يسرق قيمتكن العلامة بتوصف امتحان بس ما بتوصف الإنسان
الحياة ما بتوقف هون ولسا في صفحات ناطرينكن تكتبوها
ومن فريق ستدي ميت كنا معكن بكل خطوة ومؤمنين فيكن حتى بأيام شكيتوا بحالكن
وأنا شخصياً فخورة بكل شخص قاتل كرمال حلمه وما استسلم تذكروا إنو الإنسان ما بينقاس بورقة بينقاس بقدرته يقوم ويتمسك بحلمه
يا رب تكون النتيجة فرحة تنسيكن كل تعب ويكون أول شعور بقلبكن الحمدلله
وإذا ضحكتوا نحنا رح نضحك معكن وإذا دمعت عيونكن رح نذكركن إنو لسا في فرص وإنو الحلم ما بيوقع طالما صاحبو واقف
انتو حكاية لأم وأب سهروا وتعبوا
شكراً لكل ثقة عطيتونا ياها الله يكتبلكن الفرح اللي يشبه قلوبكن ويحقق حلمكن ومتل ما عودتكن على وجودي بالبداية ح كون بالنهاية
كل الحب إلكن♥️
436
47
44
18
5
3
2
2
1July 31, 2026 14.7K 3 12
