يسعد أوقاتكم جميعاّ بكل خير مبدئياً حابة أحكي وسلط الضوء ع شغلة الا وهي أنو أنا مابستاهل الله يكرمني أنا مابستاهل الله يعطيني معقول الله يمن عليي ويعطيني؟ معقول الله يخترلي شي منيح بحقي؟ الجواب لكل هالأسئلة رب العالمين بعمرو ماكره عبد بس ( اذكروني أذكركم واشكروا لي) يعني انتوا نسيتوا رب العالمين ف أكيد رب العالمين رح ينساكم لهيك بدي منكن أول شي كل هالاسئلة نعيفها كبوها عن بالكن اتفقنا؟ تاني شغلة والأهم هالمرة أنا يلي بدي أسألكن انتوا عند يلي بتسالونا انو نعيد او لا طيب انتوا ليش حاطين هالفكرة ببالكن؟ ليش فكرتوا فيها بالأساس ؟ هل قصرتوا بالسنة يلي قبلها ؟ هل صار ظرف وانسحبتوا بمادة مثلاً او ماخلاكن تدرسوا كل هالقد وفي فكرة برضو انو هل ببالكن انو عدتها رح يقولوا عنكن فاشلين؟ إذا رح تهتموا للعالم بعمره الواحد مابصير الشغلة بدها شوية وعي مو الناس يلي بتحدد إذا انتوا فاشلين الا لا وغالباً يلي بقلكن فاشلين او حتى ناجحين بكون مابيعرف عن شو عم يحكوا أساسا بس هيك تحطيم ذات يلي بيرفع الشخص ويلي بنزله اهله واصراره بشيء معين فقط قعدوا مع حالكن وأسألوا حالكن عدها خدوا قرار ع أقل من مهلكن تمام؟ طيب نحن فايتين بالحيط ماعم نعرف كيف وشلون نبدأ شو نعمل ؟ أول شي مصدر وجاهز ليش فايتين بالحيط؟ تابعوا شرح المنصة وحلو اختبارات التطبيق والوضع ممتاز نصيحة التفكير بفترة التوتر مابجيب نتيجة انما يودي للهاوية صدقاً ... اللحظة مابتجي ع طبق من دهب انتوا يلي بدكن تخلقوا اللحظة وتاخدوا قراركن فيها الحياة مانها مثالية ونصيحتي من هلق الكن لا تستنوا مين يوفقكن ع حيلكن ماحدا سندكن بهي الرحلة غيركن بدكن تقعوا وتقوموا وترجعوا تقعوا وتقوموا لحالكن ماحدا رح يوفقكن ع حيلكن الرحلة رح تكونوا وحيدين فيها... وبدي اطلب منكن طلب لاتقارنوا حالكن بحدا حبابين لا شقد هاد جاب ولا ك عدد ساعات وتحددوا حالكن ع هاد المبدأ لا بدنا نتفق انو كل حدا الو قدرات كل حدا عنده ظروف بترجع الشغلة لتوفيق وعدم توفيق يمكن شخص متمكن مليون بالمية من المنهاج يمرض او بصير ظرف قوي يمنعه من التقديم او بجوز مايعرف يكتب بالفحص لهيك لا تحددوا حالكن ومستواكن من هلق ( طالما عم تشتغلوا ع حالكن) بس إذا ماعم تشتغلوا ع حالكن طبعاً هون بقى بتعرفوا حالكن وبتعرفوا انو هيك علامتي تقصير مني او هاد جاب أكتر مني تقصير مني وصلت ؟ طبعاً في كتير نصائح بس حاجتكم هلق 😂 واي سؤال اي استفسار تكرم عينكن بإذن الله بس بدكن تصبروا علينا عالتأخر بالرد منتمنالكم الخير أبطالنا الفخمين.🤍🤍💪
116
27
5
4
1August 28, 2026 2.2K 2 8
