مفيش حد في الدُنيا ماشي من غير ابتلاء!
فيه اللي وجعه باين للناس،وفيه اللي شايل همّ كبير محدّش يعرف عنه حاجة، بينه وبين ربّنا وبس..
وكل واحد فينا ليه اختباره اللي ربّنا كتبهوله.
ولمّا الإنسان يفهم إن الابتلاء مش عقاب بالضرورة، وإن الدنيا دي دار ابتلاء وشقاء، مش دار بقاء؛ قلبه بيهدأ، ونفسه بترتاح، وبيبدأ يسلّم أمره لربّنا وهو مطمّن.
ومهما اشتدّت الأيام، يفضل الأمل في وعد النبي ﷺ:
"ومن يتصبّر يُصبّره الله."
فالصبر مش بس بيهوّن الطريق،
ده كمان سبب إن ربّنا يرزقك قوّة وثبات ماكنتش تتخيّلهم.
ويمكن الحاجة اللي بتوجعك النهارده، تكون هي نفسها السبب اللي يقرّبك من ربّنا، ويغيّر فيك حاجات كتير للأحسن.
فاصبر واطمّن.. ربّنا أرحم بيك من نفسك، وما كتب لك ابتلاءً إلا وفيه حكمة، ولا بعد العُسر إلا يُسر. 🩵
