الصيدلاني مو بس يصرف الدواء:
- لازم يتحمل المريض بكل حالاته لان واجبه هذا
لازم يحفظ ادوية المراجعين الي يتكررون دائما للصيدلية لان مرات ينسونها مو من يكلك ناسي تصيح بوجهة
- اذا المراجع من ذوي الاحتياجات الخاصه ومايكدر يدخل للصيدلية لازم تنزله مو تنتظر احد من شارع يساعده..
لازم تسمع للمراجع وتفهم من عنده شنو يريد بالضبط سواء راد ابو السعفه ودواء الي مرسوم عليه الكعبة او اي وصف
- ابتسم بوجه المريض واتلكاه ملكه حلو مو تعبس بوجهة ومو تلزم الموبايل وانت تمشيه وحتى بالك مو يمه
ضغوطك النفسية خليهن خارج الصيدلية لا تذب حركتك بالمراجع
انت جاي تاخذ فلوس على كل هذا فهذني كلهن من واجباتك مو بس علمية وهذا للمعدى وهذا للقلب واذا متكدر تطبقهن فلاتداوم بالصيدلية افضل اكو غيرك ممكن يطبقهن وهم تكدر تتخيل أهلك نفسهم الي يجون الصيدليات هم حتقبل إن الصيدلاني يصيّح بوجهم
منقول…
ومعبر جدا
