Комсомольский посёлкасонть Валентина Яковлевна Чашина Ине Отечественной войнань ветеранонть туртов кудонзо вакссо ютавтсть торжественной парад.
Тесэ пурнавсть администрациянь представительтне, юнармеецтнэ, шабратне ды общественностесь.
Чаунзань муниципальной буень прявтось Валерий Буткеев ёвтась покш сюкпря Валентина Яковлевнанень Изнямонтень, мужествантень ды откерьксчинтень покш путовксонзо кисэ.
Ине Отечественной войнань вейкине ветеранось, конась эри Чаунзань буесэ, ды Мордовия Республикань Почетной гражданинэсь весе войнанть ютызе армиясо санинструкторокс. Олякстомтсь Минск, Калининград оштнэнь ды Латвиянть. Войнанть прядовомадо мейле Валентина Яковлевна ламо иеть важодсь республикань предприятиятнесэ.
101 иесэ Валентина Яковлевна кадови эряза ды мелень явиця ломанекс. Сон свалшкане вастневи школасо тонавтницятнень ды студенттнэнь марто, ёвтни ледстнематнеде ды Тиринь масторонтень вечкемань ды историянь ванстомань эрявиксчиденть.
Видеонть ды кулянть кис сюкпря Ольга Петякинанень!
