Sheger Press️️: post #15262 — TG.ME

Sheger Press️️@sheger_press · 35.4K subscribers Open in TelegramOpen

t.me/sheger_press/15262

More from this channel

የአሜሪካ የዜግነት እና የኢሚግሬሽን አገልግሎት በኢትዮጵያ የሚከፍተው ቢሮ በነገው ዕለት ስራ ሊጀምር ነው። በቢሮው ለመስተናገድ የሚሹ ኢትዮጵያውያን አስቀድመው ቀጠሮ መያዝ እንደሚጠበቅባቸው አገልግሎቱ ገልጿል። መቀመጫውን በአዲስ አበባ የሚያደርገው አዲሱ ቢሮ ለቪዛ ማመልከቻዎች ውሳኔ የሚሰጥ እንዳልሆነ የአሜሪካ የዜግነት እና የኢሚግሬሽን አገልግሎት አስታውቋል። ሆኖም ቢሮው ኢትዮጵያውያን ለፍልሰት ማመልከቻዎቻቸው የሚያቀርቧቸውን ሰነዶች ትክክለኛነት የማረጋገጥ ስራን የሚያከናውን መሆኑን አገልግሎቱ አስገንዝቧል። የተጠረጠሩ የሰነድ “ማጭበርበሮችን” የሚመረምሩት እና የቤተሰቦችን ዝምድና ለማረጋገጥ የዘረ-መል (DNA) ናሙናዎችን የሚሰበስቡት በአዲስ አበባ የሚከፈተው የአገልግሎቱ ቢሮ ሰራተኞች ይሆናሉ። እነዚህ ስራዎች ከዚህ ቀደም ሲከናወኑ የነበረው፤ ከአሜሪካ ውጭ ጉዳይ ሚኒስቴር ጋር በመቀናጀት እንደነበር ከአገልግሎቱ የተገኘው መረጃ ጠቁሟል። የአሜሪካ የዜግነት እና የኢሚግሬሽን አገልግሎት “ወሳኝ የስራ ኃላፊነቶች” ያላቸውን እነዚህን ተግባራት፤ አዲሱ ቢሮ “በቀጥታ ለማከናወን የሚያስችለውን ልዩ ውክልና ይሰጠዋል” ተብሏል። 361Sep 8 እንኳን ለቅዱስ ሩፋኤል አመታዊ ክብረ በዓል አደረሳችሁ፤ አደረሰን🙏 ቊጥሩ ከሰባቱ ሊቃነ መላእክት ሲሆን፤ “ሩፋ” ማለት ሐኪም፤ ኤል ማለት እግዚአብሔር ማለት ሲኾን ሩፋኤል ማለት “እግዚአብሔር ሐኪሜ ነው” ማለት ነው፡፡ ቅዱስ ኤጲፋንዮስም በመጽሐፈ አክሲማሮስ “በራማ ሰማይ የሚገኘውን ሁለተኛውን ዐሥሩን ነገድ መናብርት ሲላቸው አለቃቸው ቅዱስ ሩፋኤል ነው፤ እነዚህም ረቂቅ የሆነ የመብረቅ ጋሻ የእሳት ጦር ይዘው ከነፋስ ይልቅ የፈጠኑ ሲሆኑ በራማ በሁለተኛው ክፍል ላይ አስፍሯቸዋል፡፡ ቅዱስ ሩፋኤል ነገደ መናብርት የሚባሉትን ራማ በሚባለው ሰማይ የሚኖሩትን ነገደ መላእክት የሚመራቸው ናቸው፡፡ አባ ጊዮርጊስም በሰዓታቱ “ጽርሐ አርያም አዳራሹ፤ የትጉሃን መኖሪያ ቦታው የሚኾን እግዚአብሔር ቅዱስ፣ ቅዱስ፣ ቅዱስ ተብሎ በአንድነት በሦስትነት ይመሰገናል፤ ካህናተ ሰማይ በዙሪያው ይቆማሉ፤ በዙፋኑ ፊት እየሰገዱ አክሊሎቻቸውን ያወርዳሉ፤ እሳትነቱ በሚበርቅ፣ በሚል ጊዜ እንዳይመታቸው ይንቀጠቀጣሉ” ይላል፡፡ ቅዱስ ሩፋኤል ከሚመራው ከዚህ ነገድ 24ቱ ካህናተ ሰማይ ወጥተዋል፡፡” ይለናል፡፡ በመጽሐፈ ሄኖክ 6÷3 ላይም “በሰው ቁስል ላይ የተሾመ ከከበሩ መላእክት አንዱ ቅዱስ ሩፋኤል ነው” ተብሏል፡፡ ሊቁ ቅዱስ ባስልዮስም “በፊቱ የሚቆሙ የመላእክት ሰራዊትም ሁሉ ጩኸው ያመሰግኑታል፤ የመላእክት አለቆችም ለማይታይ ለባለዚህ ስም ዘንበል ብለው ይሰግዳሉ፤ ዙፋኑን የሚሸከሙ አርባዕቱ እንስሳ ጩኸው ያመሰግኑታል፤ ዕጣንን የተመሉ የወርቅ ማዕጠንት በእጆቻቸው ያለ ሃያ አራቱ ካህናተ ሰማይ ይኸውም የቅዱሳን ጸሎት ነው እስከ ዘላለሙ ሕያው በሆነው ፊት የሚቀበለው መሥዋዕት አድርገው ወደ ላይ ያሳርጋሉ” በማለት አስተምሯል፡፡ ቅዱስ ሩፋኤል ፈታሔ ማኀፀን ወሰፋድል። መወለድ መንፈሳዊ። ወሐኪም ሰማያዊ ይባላል። የወላድ ማኀፀን እንዲፈታ በእግዚአብሔር ስለተሾመ አዋላጅ ብትኖርም ባትኖርም ቅዱስ ሩፋኤል በዚያ አይታጣም፡፡ በተለይ በባላገር ያሉ ሴቶች በምጥ ጊዜ ሁሉ መልክአ ሩፋኤል በአንገታቸው ያነግታሉ፣ ይጸልያሉ፣ የተጸለየበትንም ጸበል ይጠጣሉ፤ በፍጥነትም ይወልዳሉ። በየወሩ በ13 ቀን መታሰቢያ በዓሉ የሚከበር ሲሆን ጳጉሜ 3 ደግሞ ዓመታዊ በዓሉ ነው፡፡ የቅዱስ ሩፋኤል በረከትና ረድኤቱ አይለየን፤ ምልጃው ይጠብቀን፡፡ ገዳማውያንም ይህን ተራዳኢነቱን በመታመን ዘወትር በጸሎታቸው ይጠሩታል፡፡ ገዳማቸውን በመደገፍና በዓታቸውን በማጽናት የበረከታቸው ተሳታፊ እንሁን፡፡ ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም ኢትዮጲያ ንግድ ባንክ 1000442598391 ወይም አቢሲኒያ ባንክ 141029444 የገዳሙ ስልክ ቁጥር:-0918077957 ወይም 0938644444 396Sep 8

[media post] 355Sep 8 ሩፋኤል - የአማራ እና ኦሮሞ ሕዝቦች የአብሮነት ምስክር በዓባይ ወንዝ! ጳጉሜን 3 በኢትዮጵያ ኦርቶዶክስ ተዋሕዶ ተከታዮች ዘንድ የሩፋኤል መንፈሳዊ በዓል የሚከበርበት ቀን ነው፡፡ በሁሉም አካባቢ የሚከበር በዓል ቢኾንም በደጀን እና ጎሐጽዮን መካከል በዓባይ ወንዝ ሁለቱ ዳርቻዎች ላይ የሚከናወነው አከባበር ግን በድምቀቱ፣ በአከባበር ሥነ- ሥርዓቱ እና በተሳታፊዎች ቁጥር ልዩ እንደኾነ ይነገርለታል። በአማራ እና በኦሮሞ ማኅበረሰብ ዘንድ ለረጅም ዓመታት በአብሮነት ሲከበር የቆየው ይህ የጋራ ሃይማኖታዊ በዓል ጊዜ በማይሽረው ፍቅር እና ትስስር ዘንድሮም እየተከበረ ነው። ዓባይ ላይ የሚከበረው የሩፋኤል በዓል ሃይማኖታዊ ክዋኔ የሚከናወንበት ብቻ አይደለም። የሁለቱ ታላላቅ ሕዝቦች የደም፣ የባሕል እና የጽኑ ወንድማማችነት ትስስር ማረጋገጫም ጭምር እንጂ። አሚኮ ዲጂታል ሚዲያ ያነጋገራቸው በደጀን አቅጣጫ በሚገኘው ዓባይ በረሃ ውስጥ ኩራር ቀበሌ ነዋሪ የኾኑት እሱባለው አባተ ይህንኑ ሀሳብ የሚያጠናክር መልዕክት ነግረውናል። ዓባይ ወንዝ ላይ በሚከበረው የሩፋኤል በዓል ልዩ ትዝታ እንዳላቸውም አጫውተውናል። ወደ ኋላ በትዝታ ተጉዘው ከ1970 እና 80ዎቹ ዓ.ም ወዲህ ያለውን የበዓሉን አከባበርም ገልጸውልናል። በዚህም ጳጉሜን 3 ዓባይ ወንዝ ላይ ለሚከበረው የሩፋኤል በዓል ከአማራ እና ኦሮሚያ ክልል የተለያዩ አካባቢዎች የሚሠባሠቡ የበዓሉ ተሳታፊዎች በበዓሉ ዋዜማ ቀድመው እንደሚገኙ ነግረውናል። በዓባይ ወንዝ ዳርቻ ላይም ጊዜያዊ መጠለያ አዘጋጅተው እንደሚያድሩ ነው የገለጹልን። የሚያድሩትም ከአማራ ክልል የተጓዙት የዓባይን ድልድይ ተሻግረው በኦሮሚያ ክልል አቅጣጫ በቀኝ በኩል፣ ከኦሮሚያ ክልል የተጓዙት ደግሞ ድልድዩን ተሻግረው በአማራ ክልል አቅጣጫ በቀኝ በኩል ባለ የወንዙ ዳርቻ እንደኾነ ነው የነገሩን። ይህም የሚኾነው የዘመን ሽግግርን ለመግለጽ ነው ብለውናል። በቀኝ በኩል የመኾናቸው እሳቤ ጥሩ ነገር የመመኘት እና ብሩህ ነገር ይመጣል ብሎ የማሰብ መኾኑን ጠቅሰውልናል። የኩራር ነዋሪ የኾኑት እሱባለው አባተ በበዓሉ ቀንም ባደሩበት አቅጣጫ በሃይማኖት አባቶች የተባረከውን ጸበል ተጠምቀው፤ የሩፋኤልን የንግሥ ሥርዓት በአንድነት ተገናኝተው በሩፋኤል ቤተክርስቲያን ያከብራሉ። የንግሥ ሥርዓቱ እንዳበቃም የውኃ ዋና ችሎታ ያላቸው የሁለቱም አካባቢ የበዓሉ ታዳሚዎች በጋራ ዓባይ ወንዝ ላይ ይዋኛሉ። የዋና ውድድርም እንደሚያደርጉ ገልጸውልናል። ቀሪ የበዓሉ ተሳታፊዎች ደግሞ በድልድዩ እና በዓባይ ወንዝ ዳርቻ ላይ ኾነው በጋራ ዋናተኞቹን ይመለከታሉ። ጠንካራ ዋናተኞቹንም እንደሚያበረታቱ ነው የነገሩን። ሳቅ እና ጨዋታው ይደራል፤ በጋራ ይዘምራሉ። ስለክራሞታቸው፣ ስለጤናቸው፣ ስለቀያቸው ሰላም፣ ስለሀገር ሰላም እና ስሌሎቹ ጉዳዮች በጠለቀ ቤተሰባዊ ስሜት ይጠያየቃሉ። በጋራ ማዕድ ይጋራሉ። የተለያዩ ባሕላዊ ቁሳቁሶችን ይገበያያሉ። አብሮነትን የሚያሳዩ ክዋኔዎች ሁሉ ሲከናወኑ ይውላሉ። ከዛም ፈጣሪ ለቀጣዩ ዓመት በሰላም እንዲያገናኛቸው ተመኝተው ይሠነባበታሉ። በዚህ የእርስ በርስ ግንኙነት ብዙ ወዳጆች ማፍራታቸውን እና አንዳቸው በአንዳቸው ደስታ እና ሀዘን እንደማይለያዩ ጠቅሰውልናል። የእራሳቸው የቅርብ ዘመዶች እስከ አምቦ ድረስ በጋብቻ መተሳሰራቸውንም ነግረውናል። ከቅርብ ጊዜ ወዲህ ግን በጸጥታ ሁኔታው የበዓሉ ተሳታፊ እየቀነሰ መምጣቱን አንስተውልናል። የበዓሉ ተሳታፊ የመቀነስ ሁኔታ ቢኖርም ዘንድሮም በዓሉ ነባር እሴቱን ጠብቆ እየተከበረ እንደሚገኝ ገልጸውልናል። የተለያየ ቋንቋ ተናጋሪ ማኅበረሰቦች በአንድነት እና በፍቅር የሚያከብሩበትን ይህን ሃይማኖታዊ መሠረት ያለው ትልቅ የአብሮነት እሴት ወደፊት ማጠናከር እንደሚገባም መክረዋል። ለዚህም ከሃይማኖት አባቶች፣ ከሀገር ሽማግሌዎች፣ ከምሁራን፣ እና ከራሱ ከሕዝቡ ትልቅ ሥራ ይጠበቃል ብለዋል። የምሥራቅ ጎጃም ዞን ባሕል፣ ቱሪዝም እና ስፖርት መምሪያ የቅርሰ ጥበቃ እና እንክብካቤ ቡድን መሪ ሙሉዓለም አየሁ ዓባይ ወንዝ ላይ የሚከበረው የሩፋኤል በዓል ከቱሪዝም ዘርፍ አኳያ በርካታ የሀገር ውስጥ ጎብኝዎች የሚሳተፉበት እንደኾነ ነግረውናል። ጠቃሚነቱን ለማጉላትም የማስተዋወቅ ሥራ እየተሠራ እንደሚገኝ ነው የገለጹልን። በቂ ግን አይደለም ብለዋል። አብሮነትን ለሚያጎለብተው ለዚህ የቱሪዝም መዳረሻ አገልግሎት የሚሰጡ ተቋማት እና የጎብኝዎች ማረፊያ ያስፈልጋል ነው ያሉት። በቀጣይ በማኅበረሰቡ ትብብር፤ በመንግሥት ድጋፍ እና ልማት ላይ በሚሠሩ ባለሃብቶች ይህ አካባቢ እንዲለማ እና ለቱሪዝም ዘርፉ የጎላ አስተዋጽኦ እንዲኖረው በርካታ ሥራዎች መሥራት ይጠበቅብናል ብለዋል። #አሚኮ #VisitAmhara #ኢትዮጵያ🇪🇹 #ባሕር_ዳር #ጳጉሜን_03_2018_ዓ_ም ✍️ዘጋቢ፦ ሮዛ የሻነህ የአሚኮ ዲጂታል ሚዲያ ቤተሰብ ይሁኑ! 2.8KSep 8 ቻይና ዓለም አቀፍ ቀዳሚ የሆነውን አእምሮን ከኮምፒውተር ጋር የሚያገናኝ ቴክኖሎጂ ለገበያ እንዲቀርብ ፈቀደች የቻይና ብሔራዊ የመድኃኒትና የሕክምና ምርቶች አስተዳደር NEO የተሰኘውን የሳንቲም ያህል መጠን ያለው አእምሮን ከኮምፒውተር ጋር የሚያገናኝ (BCI) ቴክኖሎጂ ለገበያ እንዲቀርብ ፈቃድ ሰጥቷል። በጽንግሁዋ ዩኒቨርሲቲ እና በኒውራክል ቴክኖሎጂ የተገነባው ይህ መሳሪያ፣ ከምርምር ማዕከላት ውጭ የሰዎችን የእንቅስቃሴ አቅም ለመመለስ ለገበያ እንዲቀርብ ፈቃድ ያገኘ በዓለማችን የመጀመሪያው በአእምሮ ውስጥ የሚተከል ቴክኖሎጂ ሆኗል። የኢሎን መስክ ኒውራሊንክ (Neuralink) አሁንም በሰው ልጅ ላይ በሚደረግ የሙከራ ደረጃ ላይ ብቻ የሚገኝ ሲሆን፣ NEO ግን ደህንነቱን ባስቀደመው ልዩ ዲዛይኑ ምክንያት በፍጥነት የንግድ ፈቃድ ማግኘት ችሏል። መሳሪያው የአእምሮ ክፍሎችን ጥሶ ከመግባት ይልቅ ስምንት ሴንሰሮቹ ከአእምሮ ውጫዊ ሽፋን (dura mater) ላይ በደህና ሁኔታ የሚያርፉ በመሆናቸው የህብረህዋሳት ጉዳትንና ደም መፈሰስን በእጅጉ ይቀንሳል። ይህ ፈቃድ በፅኑ የአንገት አጥንትና የሕብረ-ሰstandard አደጋ ምክንያት ሙሉ በሙሉ የእጅና የእግር ሽባነት ለገጠማቸው ነገር ግን የተወሰነ የእጅ እንቅስቃሴ ላላቸው ከ18 እስከ 60 ዕድሜ ክልል ውስጥ ላሉ አዋቂዎች ብቻ የሚያገለግል ነው። በ11 ሆስፒታሎች ውስጥ በተደረጉ የሕክምና ሙከራዎች፣ ስርዓቱ በቤት ውስጥ በአእምሮ እዘዛ ዕቃዎችን የመጨበጥ ድጋፍ በመስጠት 100 በመቶ ስኬት አስመዝግቧል። ይህ ቴክኖሎጂ የሰዎችን የሃሳብ ፍላጎት በመተርጎም ከሮቦቲክ የእጅ ጓንት ጋር በማያያዝ፣ ታካሚዎች እንደ መብላትና መጠጣት ያሉ የዘወትር ተግባራቸውን በራሳቸው እንዲያከናውኑ አስችሏቸዋል። 2.9KSep 8