خامسا : حط لنفسك أهداف بسيطة قابلة للتحقق نظرتك لنفسك هتتغير لو حققت… — تقدير الذات ( دعاء راجح ) — TG.ME

خامسا : حط لنفسك أهداف بسيطة قابلة للتحقق نظرتك لنفسك هتتغير لو حققت أهداف بسيطة فى نفس المجال الى انت بتتهم نفسك بيه كل شوية بمعنى : لو انت بتقول لنفسك دايما "أنا فاشل " و حطيت بعض الاهداف البسيطة القابلة للتحقيق و حققتها هتحس بالتدريج انك بتنجز و ان فكرة الفشل دى غير صحيحة لو انتى بتقولى لنفسك دايما "أنا مش محبوبة" و بدأت تتعلمى مثلا بعض مهارات التواصل مع الآخرين و بدأت تبنى علاقات جيدة معاهم الفكرة دى هتروح مع الوقت لو انت دايما بتقول لنفسك "انا غبى " و حطيت لنفسك بعض التحديات الصغيرة الى تثبت ذكاءك و نجحت فى تخطيها الفكرة هتتغير مع الوقت لو الدنيا كلها اجتمعت على انك "مش جميل " و انت شايف نفسك جميل مش هيهمك كلام الاخرين و لو اجتمعت كلها على انك "جميل" و انت دايما شايف نفسك قبيح لن يفيدك رأيهم فيك و هتفضل جعان و محتاج حد علطول يأكد جمالك حاول تاخد خطوات مضمونة النجاح علشان تثبت لنفسك العكس #دعاء_راجح #الثقة_فى_النفس