ثالثا : اعرف انت شاطر فى ايه نظرية الذكاء المتعدد لجاردنر أعطتنا صورة… — تقدير الذات ( دعاء راجح ) — TG.ME

ثالثا : اعرف انت شاطر فى ايه نظرية الذكاء المتعدد لجاردنر أعطتنا صورة عن اختلاف طبيعة الذكاء بين البشر مفيش حد غبى و حد ذكى الا لو متخلف عقليا و يعانى من مشكلة عصبية فى المخ و مقاييس الذكاء أقل من المتوسط الاغلبية مننا ذكاءنا متقارب لكن مختلفين فى النوع فيه واحد شاطر فى الذكاء الاجتماعى واحد شاطر فى الذكاء الرياضى المنطقى واحد شاطر فى الذكاء العاطفى واحد شاطر فى الذكاء الجسمانى الذكاءات متعددة و كل واحد فينا عنده نوع او نوعين او تلاتة من الذكاءات هو شاطر فيهم اكتر من الانواع التانية لما بتعمل اختبارات الذكاء و بتقدر تعرف انت شاطر و متميز فى ايه بالظبط بتبدأ تحدد نقاط القوة لديك و يمكن كمان يديك فكرة عن مناطق الضعف و من تجربتى الخاصة لما عملت اختبارات الذكاء من حوالى ٢٠ سنة و عرفت انا شاطرة فى ايه و قدرت افهم ايه المجالات العملية الى ممكن استثمر فيها هذه النوعية من الذكاء دا ساعدنى جدا على تغيير التوجه و المسار و انى أكتشف انا ممكن انجح فى ايه رؤيتك لنقاط القوة عندك دا بيساعدك على تغيير نظرتك لنفسك و اكتساب المزيد من الرضا و النظرة الايجابية ليها #دعاء_راجح #الثقة_فى_النفس