هل ممكن تقديرى لنفسى يتحسن ؟ ممكن طبعا بس هى مش حبة بانادول هتاخدها… — تقدير الذات ( دعاء راجح ) — TG.ME

هل ممكن تقديرى لنفسى يتحسن ؟ ممكن طبعا بس هى مش حبة بانادول هتاخدها الصداع هيخف دا محتاج شغل كتيييير و طويييييل على نفسك بتبدأ بزيادة الوعى انك تراقب نفسك بتقولك ايه ايه الافكار الى بتيجى فى مخك لما تقعد لوحدك مع نفسك ايه الافكار الى بتقولها لما تكون هتعمل مهمة معينة ايه الكلام الى نفسك بتقوله لنفسك لما تقع فى الغلط او تفشل فى هدف لو انت واقف ادام نفسك فى المراية بتقول لها ايه ؟ التنمية البشرية بتقولك دايما قول كلام ايجابى لنفسك (انا مش قصير أزعة أنا طويييل و أهبل) لكن علم النفس بيقولك الكلام دا بيبقى نفخ على الفاضى مهم تكون "واقعى" مع نفسك ايوة أنا قصير أزعة لكن أنا ب"اجتهد" علشان اتجنب سلبيات العيب دا بالبس كعب أحيانا بالبس هدومى بطريقة تظهرنى طويلة شوية بحاول احافظ على وزنى علشان ما اتخنش ومع الوقت ممكن أفكارى عن "القصر" تتغير البنت القصيرة المحافظة على وزنها ممكن تبان أصغر فى السن ممكن تعجب بعض الرجال القصيرين ممكن كمان تعمل طفلة صغنونة و تلعب مع الأطفال بسهولة و تظهر طفولتها من غير ما حد يستتقل دمها تغيير طريقة التفكير مش معناه انى اضحك على نفسى بكلام مش حقيقى لكن معناه انى اشوف الواقع و اجتهد فى حل مشكلاته و اشتغل عليه و لو تفكيرى مع الوقت أصبح أكثر ايجابية هشوف مميزات الواقع دا و استمتع بيه كمان #دعاء_راجح #الثقة_فى_النفس