القدرة على الشكر المقدر لذاته الواثق فى نفسه بيعرف يشكر الناس لو حد… — تقدير الذات ( دعاء راجح ) — TG.ME

القدرة على الشكر المقدر لذاته الواثق فى نفسه بيعرف يشكر الناس لو حد قدم له معروف و عنده مشاعر الامتنان عالية و مابيحسش بمشكلة انه ينسب الفضل لأهله أو انه يشكر الناس علانية المتكبر مابيقدرش يشكر حد على حاجة اتعملت ليه لانه حاسس باستحقاق عالى ان الناس "واجب " عليها تقدم له الخدمات دى لانه يستحق و ممكن "يستصغر" عطاءات الناس و يستقلها و يحس انه كان يستاهل أحسن من كدة و ساعات يحس انهم ماعملوش حاجة دا مجرد بيردوا جمايلى عليهم أما الخانع الخاضع ضعيف التقدير لذاته فدا بيتحرج انه يشكر الناس أصلا لانه بيحس ان تلقى العطاء او الاحسان من الآخرين دا ضعف و ممكن لو شكر يشكر فى السر مش فى العلن المقدّر لذاته يعلم تماما انه لن يستغنى عن الآخرين مهما كانت قوته و بيحس بعطاءاتهم و بيشكرهم عليها عادى الى عنده المشكلة دى بتلاقيه نادرا ما يشكر الله أيضا من لايشكر الناس لايشكر الله #دعاء_راجح #الثقة_فى_النفس