مدح الأطفال الاطفال محتاجين انهم يحسوا انهم مقبولين و محبوبين و انهم… — تقدير الذات ( دعاء راجح ) — TG.ME

مدح الأطفال الاطفال محتاجين انهم يحسوا انهم مقبولين و محبوبين و انهم فى حد ذاتهم كويسين علشان نبنى نظرتهم الايجابية لنفسهم و المدح أحد الوسائل الى بنستخدمها لتوصيل الاحساس دا ليهم مدح الشكل مدح التصرفات الحلوة مدح الانجازات يعنى عرف يأكل نفسه عرف يلبس نفسه عرف يرتب اودته عرف يعمل الواجب لوحده عرف يروح يشترى حاجة من السوبر ماركت لوحده المدح مهم جدا يكون مرتبط بانجاز فيه ناس بتقعد تنفخ فى ولادهم عمال على بطال مدح فارغ طول النهار ياحلاوتك ياجمالك ياذكاءك يا عظمتك و هو ما عملش اى انجاز معتبر فى دنيته دا بيكون عامل زى البلونة المنفوخة منفوخ من كتر المدح و فاكر نفسه حاجة و هو مابيعملش اى حاجة و دا مدح مؤذى مش مفيد مدح الأطفال مهم لتنمية التقدير للذات بس ركز على مدح الانجازات و الاعمال و المهارات و القدرات الى بتنمو بالتدريج و اول ما يرسخ السلوك خلاص وقف المدح ركز على مدح المثابرة و الاجتهاد لتحقيق الهدف ما تقولوش انت ذكى و انت مؤدب و انت قوى و انت بطل و انت …..من غير ما تربطه بعمل معين بقوله انت ذكى علشان حليت المسألة دى انت شجاع علشان قلت الحقيقة انت حنون علشان اديت لاختك لعبتك التشجيع غير المدح التشجيع بقوله انا واثق انك هتعملها قبل العمل بعد العمل و الانجاز بقوله هايل برافو عليك لازم يكون عمل حاجة كويسة اصلا مش عمال على بطال كدة