القدرة على مدح الآخرين الانسان الواثق فى نفسه المقدّر لذاته يعلم جيدا… — تقدير الذات ( دعاء راجح ) — TG.ME

القدرة على مدح الآخرين الانسان الواثق فى نفسه المقدّر لذاته يعلم جيدا مواطن القوة عنده عارف بالظبط ما لديه من قدرات و مهارات و إمكانات عارف طباعه الحلوة الى بتخلى الناس تحبه عارف مناطق الجمال الشكلى الى عنده الحقيقية فعلا الى هو شايفها و الناس كمان شايفاها علشان كدة لما حد بيمدحه بيبقى عارف ان دا مدح حقيقى و بيتقبله من غير خجل ولا انكار و بيشوف برده مناطق الجمال و التميز عند الآخرين و بيعبر عن دا بمنتهى الاريحية و سهل جدا يمدحهم ويشجعهم و يظهر الجمال الى فيهم الواثق من نفسه مش بيقارن نفسه بالاخرين لانه عارف و متقبل حقيقة ان اى حد متميز فى جانب ممكن مايكونش هو متميز فيه و دا اختلاف قدرات و مواهب البشر الواثق من نفسه مابيشوفش نفسه أقل من الناس و لا أعلى منهم و يعلم ان مارزقه الله من مهارات او امكانات هو فضل من ربنا عليه يجعله يتواضع أما المتكبرين فهم نوعين : واحد دايما شايف نفسه أحسن من الآخرين و دا المتكبر الى عنده فعلا مواهب و قدرات حقيقية بس دايما شايف نفسه الأفضل وواحد دايما شايف نفسه أقل من الآخرين و بيدارى احساسه بالنقص بانه يقعد ينفخ فى نفسه و يدعى ليها بطولات و انجازات غير حقيقية المتكبرين كثيرا ما يمدحون نفسهم بس عمرهم ما يمدحوا حد تانى لانهم دايما شايفين الناس أقل منهم و مفيش فيهم حاجة عدلة أصلا يتمدحوا عليها و بيحسوا بالتهديد لو اتمدح حد تانى أدامهم و يرفضوا المدح دا و يطلعوا فيه العيوب و الاخطاء و ساعات يقول انا افضل منه لانى باعمل كذا و كذا و فى نفس الوقت يستجدوا المديح من الآخرين و يحبوا التهليل و التبجيل و ينتشوا منه الانسان الخانع الضعيف دا شايف كل الناس احسن منه و غالبا ما بيقدرش يمدح حد إما خجلا أو لان دا بيزود احساسه بالنقص يخجل جدا من مدح الآخرين ليه و لا يصدق حد بيمدحه و يعتبر اى مدح ليه مجاملة و ينكر من يقوله الكبر آفة فى مجتمعاتنا رهيبة و موجودة جوانا بكثرة و لايدخل الجنة من كان فى قلبه مثقال ذرة من كبر فانتبه لقلبك #دعاء_راجح #الثقة_فى_النفس