𝐒𝐚𝐦𝐈𝐒𝐈 | 𝐋𝐈𝐕𝐄 🚩

Samarqand iqtisodiyot va servis instituti buxgalteriya hisobi fakultetida talabalarning odob-axloq madaniyatini yuksaltirish, ichki tartib-qoidalarga rioya etilishini ta’minlash hamda sog‘lom ma’naviy-axloqiy muhitni mustahkamlash maqsadida tushuntirish ishlari olib borildi.

Tadbir davomida talabalarga institut odob-axloq kodeksi hamda ichki tartib-qoidalarining mazmun-mohiyati batafsil tushuntirilib, ta’lim jarayonida intizomga rioya qilish, ustoz va xodimlarga hurmat bilan munosabatda bo‘lish, institut hududida o‘zini tutish madaniyati, shuningdek, talabalarning huquq va majburiyatlari haqida ma’lumot berildi.

Bank-moliya xizmatlari fakultetida 1-bosqich talabalari uchun "Birinchi kurs maktabi" doirasida navbatdagi uchrashuv o'tkazildi. Tadbir davomida fakultet tyutorlari tomonidan talabalarga "Oliy ta'lim tizimini modernizatsiyalash davr talabi: kredit modul tizimini qo'llash misolida" mavzusida tushuntirishlar berildi.

Shuningdek, talabalarga oliy ta'lim muassasasining tuzilmasi, ya'ni rektorat, fakultet va dekanatlarning faoliyati hamda ularning asosiy vazifalari haqida ma'lumot berildi. Talabalar turli masalalar yuzasidan murojaat qilishi mumkin bo'lgan bo'limlar faoliyati bilan ham tanishtirildi.

Samarqand iqtisodiyot va servis institutida O’zbekiston Respublikasi Davlat mustaqilligining 35 yilligi munosabati bilan “Mustaqillik – 35 yil” shiori ostida tasviriy san’at tanlovi tashkil etildi.

Tanlovda talabalar o‘z ijodiy ishlari orqali Vatanimizning bugungi taraqqiyoti, mustaqillik yillarida erishilgan yutuqlar hamda yurtimizning go‘zal manzaralarini aks ettirdilar.