انه جيتك والدرب يمطر رصاص
وكل رصاصة تثور يم بالي انچتل
افتح الباب برضاتك حتى افوت
كسرة الشباج هينة ع الخبل
انه راي بديرة اهلي و كل مضيف
ومن اشوفك مني يتبرى العقل
يا غرامك بية سوة المايصير
ويا رخاوة حضنك تردني طفل
وما تردني تفاگ اخوتك من تثور
انه زلمة و انعّد بميّة رجل
شوگي ذيب ولاحه جوع وماينام
لو يضل محروم منك ما يچل
ماغلبني الكاس ليلة من الليال
ومن شربت شفاك سمّوني الثمل
