لطميات كتابه: post #54 — TG.ME

قصيدة | الحمد لله والشكر أداء | مســلم الـوائـلي كلمات | علي الأكبر الغرابي _____________ الحمد لله والشكر عيشتني ابخيرك داك بيبان شكثر ماكو من تقديرك يا ابا عبدالله _________________ ابوجه اليكصدك حبيبي تنفتح باب السمه وطلب عندي اتسجل اسمي و التوقع فاطمه وكل بشر بأسم امه كالو منكر من ايكلمه و انه امنيتي يكلي الخادم ابن الخادمه ومن يضم جسمي الكبر مالي واحد غيرك داك بيبان شكثر ماكو من تقديرك يا ابا عبدالله ____________________ وجهت وجهي لحضرتك يبن باء البسمله ولليجي فاتح مضيفك بابك ابكد كربله و يطلع العباس احسه لزايرك يستقبله و ويه كل خطوه لضريحك يا هله ويت هله شما يمر بيه العمر ماعرف تفسيرك داك بيبان شكثر ماكو من تقديرك يا ابا عبدالله ______________________ يا هوى الله وشحلآتك من تمر عالمختنك جذب هاي الدنيه كلهه وانت بس انت الصدك المو مثل عابس اشوفه لآ يسولف بالعشك كون اليودك حبيبي ابنار هجرك يحترك وحتى لو طال الهجر حكمه بي تأخيرك داك بيبان شكثر ماكو من تقديرك يا ابا عبدالله _____________________ انت يا خيمه محنه وبيهه تلتم الخدم وعمري كله من احسبه ابكد دمعتك عالخيم الما لطم صدرك عالمودك ماعرف طعم الألم الما بجه لطيحت كفيلك عمره ما شايل علم القاري واليكتب شعر جاهل ابتعبيرك داك بيبان شكثر ماكو من تقديرك يا ابا عبدالله ______________________ يالبعت كلشي اعله مودي شرد اقدم واقتنع وانه مالك بس دمعتي وادري مايكفي الدمع واللطم ما يشفي صدري ياحسين بهل وضع استحي من احضر عزائك وانه ما كاسر ضلع عايش ابسجن الصبر وانتظر تحريرك داك بيبان شكثر ماكو من تقديرك يا ابا عبدالله ______________________