مروتك يالعسكري
يظهرلنه الغايب
.........
جارت الايام بينه ومانشاهد بس ظلم
من حكم اهل السقيفه وباقي لسا هالحكم
واحنه من حقنه الألهي انعيش دنيه ابلا هضم
هوايه باسم الدين صارو يالحسن النه خصم
هذا حال الجعفري
وتدري حقه ايعاتب
مروتك يالعسكري
يظهرلنه الغايب
.........
جم مصيبه وجم رزيه وشكثر جار الزمن
بالوطن عشنه المأسي وجن نعيش ابلا وطن
زادت بهاي الليالي المناهج والسنن
والقصد من هالتغير سيدي الزرع الفتن
وعلى جدك يفتري
بالحديث الكاذب
مروتك يالعسكري
يظهرلنه الغايب
.........
يعمي خنجرهم ذبحنه من كثر ماننذبح
وهالوكت مولاي تدري بعد ميغزر ملح
والنريده ايصير بلسم عِّله ينزل عالجرح
حلهه يظهر صاحب امره غيره الهه مايصح
واحنه بالدم نشتري
طلعتك يالصاحب
مروتك يالعسكري
يظهرلنه الغايب
.........
شكَد تهجرنه ودفعنه ثمن حبنه الحيدره
احنه فدوه انروح لسمه علي داحي خيبره
وبسبب نهج التشيع عالقتل نلزم سره
الحد كَطعهه اركَاب واحنه هالعهد منغيره
والعهد ضل حيدري
على اعناد الغاصب
مروتك يالعسكري
يظهرلنه الغايب
.........
لا أمان ابلا عقيده وهسه الاسلام ابخطر
لاتقلد ناس كالت غايه عدهم بالأمر
شافو الحشد المقُلِد عالدواعش وانتصر
رادو ايبعدون ناسك عن رجالات الخبر
ردنه جفه الخيبري
اسد ربنه الغالب
مروتك يالعسكري
يظهرلنه الغايب
الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩🚀........