لا تفكر بالمفقود حتى لا تفقد الموجود،
لأن مو كل شي يروح يعني نهايتك، مرات الأشياء تنتركك حتى تتعلم شلون تكمل بدونها.
والواحد من يظل متعلق بالراح، ينسى النعم اللي بعدها يمه.
مو كل شخص غاب لازم نكسر روحنا عليه، ولا كل حلم تأخر يعني الدنيا وكفت وخلص.
مرات ربك يبعد عنك شي لأن مو خير إلك، وإنت تبقى تزعل عليه وكأنه جان كل حياتك. ركز على اللي بعده باقي، على الناس اللي صدگ تحبك، على راحتك، على صحتك، على الأيام الحلوة حتى لو قليلة. لا تضيع عمرك تلاحگ شي انتهى، وتنسى أشياء حلوة بعدها مستمرة وياك.
الدنيا ما تمشي على كيفنا بكل مرة، بس الذكي مو اللي ما يخسر، الذكي اللي يعرف شلون ما يخسر نفسه بعد الخسارة. وصدكني،
أكبر خسارة مو إنو شي يضيع منك،
أكبر خسارة إنك تضيع الحاضر وأنت صافن بالماضي.
وبالنهاية،
الراحة مو بأنه كلشي يبقى،
الراحة إنو تتقبل اللي راح بدون ما تخسر نفسك وياه.
2
1May 11, 2026 546 2
