Тарихни бузмасдан, унга янги ҳаёт берилмоқда
Тошкентда 1912 йилда қурилган собиқ дизель электр станцияси биноси замонавий санъат марказига айлантирилмоқда.
Бир асрдан ортиқ тарихга эга бу иншоот узоқ йиллар давомида ташландиқ ҳолда турди. Энди эса Президент Шавкат Мирзиёев ташаббуси билан унинг тарихий қиёфаси сақлаб қолиниб, бино замонавий маданий ҳаётнинг янги масканига айлантирилмоқда.
Бугун дунёнинг кўплаб шаҳарларида эски бинолар ўрнини янги иншоотлар эгаллаётган бир пайтда, Тошкентда тарихий меросни асраб, унга замонавий мазмун беришга эътибор қаратилмоқда. Яъни тарихни сақлаш шаҳар тараққиётига тўсиқ эмас, аксинча, унинг ўзига хос қиёфасини бойитадиган имконият сифатида қаралмоқда.
Қурилганига 100 йилдан ошган бу бино энди санъат, таълим, тадқиқот ва ижод учун янги авлод майдони бўлиб хизмат қилади.
Энг муҳими, бу ерда эскилик шунчаки сақлаб қолинмаяпти. Тарихий иншоот замонавий ҳаётга қайтарилиб, янги мазмун билан бойитилмоқда.
Чунки тарих сақланса — шаҳарнинг хотираси сақланади. Тарихий бинога янги ҳаёт берилса — ўтмиш ва келажак ўртасида кўприк пайдо бўлади.
@pressuzb
September 4, 2026 8.3K 22
