လက်ရှိမှာ တိုင်းပြည်ရဲ့နယ်စပ်စီးပွားရေးကရရှိတဲ့အခွန်၊ သူပုန်ထိန်းချုပ်နယ်မြေတွေမှာ ရောက်ရှိနေတဲ့ သယံဇာတကနေရရှိတဲ့အခွန်တွေ လျော့နည်းလာချိန်မှာ Property Tax ကို အမြန်ဆုံးပြဌာန်းသင့်နေပြီဖြစ်ပါ တယ်။ Property Tax က ထိုင်းနိုင်ငံမှာ တနိုင်ငံလုံး စုစုပေါင်းအခွန်ရဲ့ ၂ ရာခိုင်နှုန်းကနေ ၃ ရာခိုင်နှုန်းအကြား၊ စင်ကာပူနိုင်ငံမှာဆိုရင် ၇ ရာခိုင်နှုန်းကနေ ၈ ရာခိုင်နှုန်းအကြား ရရှိနေပြီးတော့ မြန်မာနိုင်ငံမှာဆိုရင်တော့ အနိမ့်ဆုံးသတ်မှတ်ချက်နဲ့ ကောက်ခံမယ်ဆိုရင်တောင် ၁၀ ရာခိုင်နှုန်းကနေ ၂၀ ရာခိုင်နှုန်းအကြား ရရှိနိုင်ပါ တယ်။
လတ်တလောမှာဆိုရင် ထိုင်းနိုင်ငံက အကောင်အထည်ဖော်ထားတဲ့ Property Tax က မြန်မာနိုင်ငံရဲ့ အခြေအနေနဲ့လည်း ကိုက်ညီနိုင်မယ်လို့ ဆိုနိုင်ပါတယ်။ ပထမအိမ်ကို အကာအကွယ်ပေးထားပြီး ဒုတိယအိမ်၊ စီးပွားရေးသုံးအိမ်ခြံမြေနှင့် လွတ်မြေများကို ပိုမိုအခွန်ကောက်သည့်ပုံစံက မြန်မာနိုင်ငံရဲ့ လက်ရှိစီးပွားရေး၊ လူမှုအခြေအနေတွေနဲ့ ပိုမိုလိုက်ဖက်နိုင်ပါတယ်။
“ အခုက အိမ်ခြံမြေမှာပဲ ရင်းနှီးမြုပ်နှံနေတော့ ကုန်ထုတ်လုပ်ငန်းမှာ မလုပ်တော့ဘူး။ ဘယ်လိုသိသာ သလဲဆိုရင် လှိုင်သာယာတို့ ရွှေပြည်သာတို့မှာ တချို့စက်ရုံတွေ ပိတ်သွားတယ်။ တချို့လုပ်ငန်းတွေ မလုပ်ကြ ဘူး။ အဲ့ဒီက မြေကွက်တွေကို ရောင်းစားဖို့ပဲ ကြံနေတယ်။ မြေဈေးတွေ တက်လာတော့။ လာရင်းနှီးမြုပ်နှံကြ တာကလည်း တရုတ် တွေလောက်ပဲရှိတော့တယ်။ အဲ့ဒီလိုဆိုတော့ ကြားထဲမှာ ခံရမှာက သာမန်လက်လုပ် လက်စားတွေပဲ။ ပြီးတော့ ဘဏ်တချို့က အလျင်အမြန်ကြီးထွားအောင် Home Loan တွေကို ချပေးနေတာ တွေရှိ မရှိ အဲ့ဒါတွေကို ဗဟိုဘဏ်က စိစစ်သင့်တယ်။ Loan တွေ လုပ်ထုံးလုပ်နည်းနဲ့မညီ အကြီးအကျယ် ချပေးနေတဲ့အတွက် အရေးယူရတာတွေရှိတယ်။ အဲဒီတော့ ဘယ်ဘဏ်တွေ လုပ်နေသလဲဆိုတာကို စစ်ဆေး သင့်တယ်။ ဟိုတုန်းကဆို ပထမ Home Loan တွေကြောင့်မို့လို အာရှဓနဘဏ် ပိတ်ရတယ်။ ဒုတိယ ဆာ့ချ်ပန်းရဲ့ ရိုးမဘဏ် စစ်ဆေးခံရတယ်။ အခုဆိုရင် အိမ်ခြံမြေဈေးကွက်မှာ မတရားသဖြင့် Home Loan တွေ ချပေးတာနဲ့ ပတ်သက်ပြီး ဘယ်ဘဏ်တွေက လှုပ်ရှားနေသလဲဆိုတာ စစ်ဆေးသင့်တယ်။ တခုခု ဖြစ်လာ ပြီဆိုရင် ပုဂလိကဘဏ်ထဲက ပြည်သူ့ငွေတွေ ဆုံးရှုံးသွားနိုင်တယ်” လို့ ပြည်တွင်း စီးပွားရေးလုပ်ငန်းရှင် တစ်ဦးက သုံးသပ်ပြောကြားပါတယ်။
Property Tax ကို အခြေခံလူတန်းစားနဲ့ လူလတ်တန်းစားတွေအတွက် ဖိစီးမှုရှိမယ့်အရာတစ်ခု မဟုတ်ပါဘူး။ အိမ်ခြံမြေဈေးကစားမယ့်သူတွေ၊ ငွေကြေးခဝါချမယ့်သူတွေကို တားဆီးနိုင်မယ့် အရာ တစ်ခုလည်းဖြစ်ပါတယ်။ Property Tax ကိုပြဌာန်းမယ်ဆိုရင် တိုင်းပြည်ရဲ့ အခွန်ဘဏ္ဍာကလည်း နှစ်စဉ် အနိမ့်ဆုံး ၁၀ ရာခိုင်နှုန်း တိုးတက်ရရှိနိုင်ပြီးတော့ အိမ်ခြံမြေစျေးကွက်မှာ ဝင်ကစားတဲ့သူတွေ၊ ငွေကြေးခဝါချမှု လုပ်ဆောင်မယ့်သူတွေကိုလည်း တားဆီးနိုင်ပြီးတော့ အများပြည်သူအကျိုးစီးပွားကို ကာကွယ်နိုင်မှာပဲ ဖြစ်ပါတယ်။
■ Website Link >>>> https://news-eleven.com/article/313853
#elevennews #Property Tax #အိမ်ခြံမြေစျေးကွက်
■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup
Eleven Media Group Co., Ltd
■ Property Tax က အခြေခံလူတန်းစား၊ လူလတ်တန်းစားနှင့် အများပြည်သူအပေါ် ဖိစီးမှုမရှိနိုင်
■ အိမ်နီးချင်းနိုင်ငံများကဲ့သို့ Property Tax ကောက်ခံမည်ဆိုပါက စုစုပေါင်းအခွန်ဝင်ငွေ၏ အနိမ့်ဆုံး ၁၀ ရာခိုင်နှုန်းခန့် နှစ်စဉ်တိုးတက်ရရှိနိုင် ■ တရားမဝင် ငွေကြေးဖြင့် ချမ်းသာနေသူများ၊ မြေစျေးကစားသူများနှင့် ငွေကြေးခဝါချမှုများအပေါ် ပြည်သူလူထု အကျိုးစီးပွားအတွက်…
1August 1, 2026 335 1
