Rain Of Fire စစ်ဆင်ရေးအဖြစ် တောင်ငူလေတပ်စခန်းဌာနချုပ်ကို တိုက်ခိုက်
မတ်၂၉ ၊ ၂၀၂၃
ပဲခူးတိုင်း၊ တောင်ငူမြို့မြောက်ဘက်ရှိ အကြမ်းဖက်စစ်ကောင်စီ၏ တောင်ငူလေတပ်စခန်းဌာနချုပ်ကို Rain Of Fire စစ်ဆင်ရေးအဖြစ် KNLA နှင့် PDF ပူးပေါင်းတပ်ဖွဲ့က မတ်လ၂၅ရက်နေ့တွင် ရှော့တိုက်ဒုန်း(၄)လုံး၊ မတ်လ၂၇ရက်နေ့ (ဖက်ဆစ်တော်လှန်ရေးနေ့)တွင် ရှော့တိုက်ဒုန်း(၄)လုံးဖြင့် ပစ်ခတ်တိုက်ခိုက်ခဲ့သည်။
မတ်လ၂၅ရက်နေ့ တိုက်ခိုက်မှုတွင် ရှော့တိုက်(၂)လုံးမှာ ဝန်ထမ်းလိုင်းခန်း မြောက်ဘက်တောစပ်နှင့် လေယာဉ်ပြေးလမ်း အနောက်မြောက်တောင့် ဖြူးကန်ဘေးသို့ ကျရောက်ပေါက်ကွဲခဲ့သည်။ ထိခိုက်ပျက်စီးမှု အသေးစိတ်ကိုမူ အတည်ပြုဆဲဖြစ်သည်။
မတ်လ၂၇ရက်နေ့ တိုက်ခိုက်မှုတွင် လေတပ်စခန်းအတွင်း ဗုံးဂိုထောင်အနီး၊ ဆီလှောင်ကန်အနီးနှင့် လေယာဉ်ဂိုထောင်အနီးသို့ ကျရောက်ပေါက်ကွဲခဲ့ပြီး လေတပ်စခန်းအတွင်းမှ မီးခိုးများ အူထွက်လာခဲ့သည်။
ဒေသခံပြည်သူများနှင့် တပ်တွင်းနီးစပ်သည့် သတင်းရင်းမြစ်များ၏ ခိုင်ခိုင်မာမာပြောဆိုမှုများအရ မတ်လ၂၇ရက်နေ့ တိုက်ခိုက်မှုကြောင့် အကြမ်းဖက်စစ်ကောင်စီတပ်ဖွဲ့ဝင် (၃)ဦးသေဆုံးပြီး ရဟတ်ယာဉ်(၁)စီး ထိခိုက်ပျက်စီးမှုရှိသည်ဟု သိရသည်။
လေတပ်စခန်း တိုက်ခိုက်ခံရမှုအပြီး၌ အကြမ်းဖက်စစ်ကောင်စီတပ်ဖွဲ့များက ကား၊ ဆိုင်ကယ်များဖြင့် ဒိုးအင်းကျေးရွာအတွင်းသို့ ဝင်ရောက်၍ စစ်ဆေးမှုများ ပြုလုပ်ခဲ့သည်။ တော်လှန်ရေးပူးပေါင်းတပ်ဖွဲ့များ၏ တိုက်ခိုက်မှုများကြောင့် လေတပ်စခန်းအတွင်း၌လည်ကတုတ်ကျင်း၊ ဗုံးခိုကျင်းများတူးကာ ကျီးလန့်စာစား နေထိုင်လျက်ရှိသည်ဟု သိရသည်။
15
14
3
1
1March 29, 2023 12.9K 8
