سلام
يارب تكونون بخير
, احنا نادي البحث او ال"search club"مثلما اقترح تسميته د ضرغام , مجموعة من طلاب مرحلة رابعة اسسنا هذا النادي على مبدأين الاول هو الفهم العلمي لمواضيع مختارة من الي ندرسها (بعيدا عن ضيق الرؤية عند البعض المتعلق فقط بالنجاح ) , الثاني هو المواكبة للتطور الطبي الديصير عالميا لان تعرفون جزء جبير من المعلومات الدنتعملهه دتتغير و تستحدث . ففكرتنا هي بسيطة و مفيدة للكل على حد سوءا و نلخصها بالنقاط الاتية :
1- سيتم اختيار موضوع من الي دتندرس ياما من الجراحة او الباطنية
2- حنقره ك تيم متعلقات الموضوع بالمصدر
3- نختار احد الجزئيات العليهه ابحاث حتى نفهمهه اكثر
حنطي مثال للتوضيح فقط , مثلا اذا اختارينا الهرنيا فتذكرون جان اكو بحث يكول الاشخاص البدناء معرضين اقل للهرنيا ورا ما سنين جان ينكال العكس , فحنا شحنسوي؟ نروح نقره البحوث الدتصير عن هالموضوع و شلون توصلوا لنتائجهم
4-نشارك النتائج وياكم من خلال سشن قصير ميجاوز الساعة
الربع ساعه الاولى هي مختصر للموضوع ف حتى الي مفاهم كلش عالدكاتره يفهم الفكره العامه من يمنه من بعدهه نتطرق للنقاط الي مختلفين عليهه العلماء ك ابحاث ونتناقش بيهه ونشوف النتيجه الي حنوصلهه
5- ممكن يتم ايضا مشاركة نبذة تاريخية حسب الموضوع
6- من الممكن الاستعانة بطلاب من مرحلة اكبر او احد الدكاترة بحالة تطلب الموضوع و كان الوقت مناسب
اما عن سشن الاحد المصادف ٢٢/٩ ف حيكون سشن تعريفي بالنادي بحضور دكتور ضرغام صادق الطريحي الي حيشاركنه بجزء من معرفته المتعلقه بالبحوث الطبيه والمواقع الرصينه
#واخر شي الوقت ف هو مرن وحنختار المواضيع بتصويت منكم وننزللكم التبليغات
