أهم منشور في العراق حالياً
بدون مبالغة
طلاب وطالبات الصف السادس الإعداديّ نستهل يوم غد السبت قرع أجراس إمتحانات الدور الأول لهذا العام الدراسي وبدون إطالة مقدمات إليكم الخلاصة باللهجة العامية :
أولاً : التوكل على الله بغض النظر عن إيمانكم الشخصي لأنو الله يشوف گلبكم أكثر من أفعالكم ، خلوا عدكم إيمان بالسعي والجهد البذلتوا.
ثانياً : مقياس الدرجة نهائياً ما يعتمد على شگد درستم بل على الطريقة الي درستوا بيها المادة ، نشوف كثير من الطلاب يدرسون المادة كاملة بس ثقتهم ضعيفة وطالب ثاني دارس امور محددة ومركز على وزاريات سابقة رغم ممطلع على كل المنهج ويحقق درجات كاملة ( هذه مثبتة باحصائيات حقيقية من داخل الوزارة )
ثالثاً : الصلابة النفسية عامل مهم ، وكلامي خاص للطالبات ، ما يحتاج تبچين وتخافين وتفكرين هواية ، سويتي العليچ أختي والباقي لله تعالى يتكفل بي ، لان الطالب والطالبة اليفكرون اكثر مما يفعلون ينسون المعلومات بشكل أسرع من غيرهم ؛ لهذا نحرص كليًا على تعليم الطلبة يتوجهون للإمتحان وهم متفائلين بدل التفكير والإحباط المبكر إلي نتائجه سلبية على المعنويات + تذكر المعلومات أثناء الإمتحان ( لطفاً التركيز جيدًا على هذه النقطة )
رابعاً : أولياء الأمور رجاءً عدم الضغط على ابنائكم بشكل مبالغ فيه والاكتفاء بمتابعتهم والنصح لهم ؛ فتأثير الحب له أضعاف إيجابية من تأثيرات الضغط والتوبيخ والتخويف ، فالطالب اليوم أكثر عاطفة في هذه الايام عن غيرها.
خامساً : ابتعد كلياً وبشكل مطلق عن اصدقائك وصديقاتچ لان كل واحد يحچي رأي شكل بالاسئلة والمادة أو دراسته ، كل انسان تجربته وطريقته ماكو خريطة وحدة للنجاح الشخصي ، قسم يبالغ وقسم يفكر يطرد عين وقسم ما يحچي الحقيقة وقسم يعتقد ديحچي الحقيقة وقسم مشحون ، على مر السنوات نشوفهم كل سنة هالشكل وما يغيرون شي بالواقع وتجي النتائج مختلفة وسماعك لهم له التأثير على نفسيتك للاسوء ، ابتعد وعذرك قوي : ( عندي وزاري )
والآن سأكتب فقرة (س/ج) عن المادة ..
الاستاذ
ساجد آل مجيد العگيلي
مدرس ومؤلف ملازم التربية الإسلامية
دليل اوائل العراق للتدريس الصحيح
