"
من شهر و نص التزمت بسورة البقرة يوميًّا
و كنت أقرأها على نيّة ياربّ بدّي هالشي .
و لسوء الحظ ما زبط معي
تعبت و تعبت نفسيتي و تزعزع إيماني
و بطلت أقرأها ، إنّه خلص إذا يلي بدّي ياه معد يصير !
نمت يومين متواصلين ٤٨ ساعة
فيق صلّي و نام و بس
و فيق صلّي قبل ما يأذّن الوقت التاني بساعة بس .
بعد هالنومة العميقة و بعد ٢٠ يوم تقريبًا على مرور هالأيّام السيّئة ،
أنا حابّة أرجع ألتزم بقراءة سورة البقرة
هالمرّة ما بدّي شي دنيوي ،
هي المرّة بدّي أرجع أقرأها مشان أرجع حسّ بنفس الطمأنينة يلي كنت حسّها قبل ، و بنفس الهدوء الداخلي .
لهيك رح وثّق التزامي فيها هون و معكم
و يلي بحبّ يلتزم معي بكون فخورة فيه .
+ رح نرجع نلتزم بقراءة أذكار الصّباح ، المساء ، النّوم ،
و الخروج من البيت و الدّخول . 🩵
34August 25, 2026 239
