الشاعرسيد منتظر الهاشمي: post #192 — TG.ME

الالشاعرسيد منتظر الهاشمي@mo2002mm · 3.5K subscribersOpen in TelegramOpen

علي مكسور الگلب حاچه البتول
يعينچ الله فاطمه بموت الرسول
ـــــــــــــــــــــــــــــــــــــــــــــــــــــــ
اليـوم الله يـعينـچ بـهـذه المصاب
ابـو الزهره الـيوم غـاطـيـه التراب
رحل عن داره النبي ياوسفه غاب
وعگب عين النبي حزنچ ما يزول
ـــــــــــــــــــــــــــــــــــــــــــــــــــــــ
مـات ابـو الرحمه وچبدته مهشمه
يـعينـچ الله اعلـه الجره يا فاطمه
الـيـوم بمصابه غدت حمره السمه
وانكسر ضهره علي فحل الفحول
ـــــــــــــــــــــــــــــــــــــــــــــــــــــــ
اليـوم الله يـسـاعـدچ يـأم الحسن
وبـمـصاب الـنبَي تـلفيچ الـمـحـن
وعـلـى دارچ فـاطمة التـم الحـزن
والعـده اعله دياركم ضـلت تجول
ـــــــــــــــــــــــــــــــــــــــــــــــــــــــ
وبــده مـن عـنـده مــصـاب العايله
ومـعـضلـه تـخلص نـطب بمـعضله
وبــاچـر يــطـب الـحـسـيـن لكربله
وتسحگ بصدره حوافرها الخيول
ـــــــــــــــــــــــــــــــــــــــــــــــــــــــ
وتنـسـبي زيـنـب بـنص ديرة غرب
بنـاگـه هـزلـه والـوضع كلش صعب
عـلى ضـهـر النـاگه والـدمـعه تصب
والـشـمـر مـسبيه بــت حيدر يگول
ـــــــــــــــــــــــــــــــــــــــــــــــــــــــ
#سيد_منتظر_الهاشمي
ـــــــــــــــــــــــــــــــــــــــــــــــــــــــ

t.me/mo2002mm/192Translate

24

3

August 22, 2025 5.4K 43