ضـل ابـو صالـح ينـحـب بسامره راح الحنين اخلافه يشهگ حسره… — الشاعرسيد منتظر الهاشمي

الشاعرسيد منتظر الهاشمي@mo2002mm · 3.5K subscribers Open in TelegramOpen

ضـل ابـو صالـح ينـحـب بسامره
راح الحنين اخلافه يشهگ حسره
ــــــــــــــــــــــــــــــــــــــــ
راح الحـنــين اوودعـاهـــا ادياره
مسموم طاح الحسن هاي اخباره
يـجـاره دمـع المهدي ضـل يجاره
من البواچي اعيـونه صارت حمره
ــــــــــــــــــــــــــــــــــــــــ
مـلـجـوم دوم المـهدي الله يعينه
لـفـراگـهـم ينحب گضـاها سنينه
مـاذيـنـه چـتـالـت هـلــه ماذينه
مـا ضـل سنـد عنده بعد ويصبره
ــــــــــــــــــــــــــــــــــــــــ
مـن النـبـي للزهـره تـبـدي احزانه
الـمـهـدي كل عمره حــزن عنوانه
تعـبـانـه عـيـنه مـن الحـزن تعبانه
مو كسره وحده هينه لو بس كسره
ــــــــــــــــــــــــــــــــــــــــ
يعين الله گلب المهدي بـِيه شصاير
فـاگـدهـه كلهه وما الـه ضل ناصر
حـايـر يـگـضـي العـمـر كـلـه حاير
مـحـد عـگبهـم كـسـره راح يجبره
ــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــ

t.me/mo2002mm/415 Translate