Some Things Stay ( ပြန်ပြင်ချင်တဲ့အမှတ်တရများ )

ဆန်ဆူအက်အဖြစ် Aof Chanapol Sataya
နူနာအဖြစ် PP Phatchaya Phiansamoe
‌ဘုန်းဘုန်းဆူအာအဖြစ် Tide Ekkapun Bunluerit

ချန်ဆူအက်ဟာ လူမိုက်ဂိုဏ်းတခုက ခိုးယူသွားတဲ့တန်ဖိုးကြီးစိန်တလုံးအား ပြန်လည်ရယူရန်အတွက် တာဝန်ပေးခိုင်းစေခံခဲ့သူဖြစ်ပြီးတော့ အဲဒီစစ်ဆင်ရေးကို ဆောင်ရွက်နေစဉ်အတွင်းမှာပဲ မတော်တဆမှုဖြစ်ခါ တောင်အောက်ကိုပြုတ်ကျသွားပြီး တောင်ခြေမှာရှိတဲ့ဦးဇင်းတပါးဖြစ်သူ ဘုန်းဘုန်းဆူအာရဲ့ ကယ်တင်ပေးတာကိုခံထားခဲ့ရပါတယ်

ချန်ဆူအက်ဟာ မတော်တဆမှုဖြစ်ထားတာကြောင့်အတိတ်မေ့နေခဲ့ပြီးတော့ သူကိုယ်တိုင်ကရဲဆိုတာကိုပါမေ့နေခဲ့ကာ လူမိုက်ဂိုဏ်းများကလည်း သူတို့ခိုးယူလာတဲ့စိန်ကိုပြန်ယူရန်အတွက် ချန်တူအက်ကို အန္တရာယ်လာပေးကပါတော့တယ် ထိုအချိန်မှာပဲ ရဲတပ်ဖွဲ့ကလည်း စိန်တုံးပြန်လည်ရယူရန်စစ်ဆင်ရေးတာဝန်ပေးခံလိုက်ရတဲ့ ချန်ဆူအက်တယောက်ပြန်မလာတဲ့အတွက် စိန်တုံးကို လူမိုက်ဂိုဏ်းဆီကနေရယူကာ အပိုင်သိမ်းသွားပြီလို့ထင်မှတ်နေကြပါတယ်

ချန်ဆူအက်ကို လူမိုက်ဂိုဏ်းတခုက ခဏခဏတိုက်ခိုက်နေကြသဖြင့် စုံထောက်ဖြစ်သူ နူနာနဲ့တိုင်ပင်ကြတာ ရဲစခန်းကိုပဲ တိုင်ကြားဖို့ဆုံးဖြတ်လိုက်ကြပါတော့တယ် ကျားကြောက်လို့ ရှင်ကြီးခိုး ရှင်ကြီးကျားထက်ဆိုးဆိုသလိုမျိုး ချန်ဆူအက်ကိုမယုံကြည်တဲ့ရဲဌာနဟာ ဖမ်းဆီးကာစစ်ဆေးမေးပြန်ပါတော့တယ်

အဖမ်းခံရလိုက်တဲ့အခါမှာ နူနာမှ ပြန်လည်လွတ်အောင်အောင်ကူညီပေးလိုက်သဖြင့် လွတ်လာကြသော်လည်း ချန်ဆူအက်နဲ့ နူနာအပြင် ဆရာတော်ဆူအာကိုပါ တန်ဖိုးကြီးစိန်ကိုခိုးယူတယ်လို့ မတရားစွပ်စွဲပြီး ဖမ်းဝရမ်းထုတ်ခံလိုက်ပါတော့တယ်

သူတို့သုံးယောက် မတရားဖမ်းဆီးခံရမည့်ဘေးမှ လွတ်မြောက်ဖို့အတွက် ရဲတပ်ဖွဲ့ရဲ့လိုက်လံဖမ်းဆီးမှုများကြားမှ ထွက်ပြေးတိမ်းရှောင်ကြပုံတွေ အပြစ်မရှိကြောင်းသက်သေပြရန်အတွက် အန္တရာယ်များအကြားမှ သက် သေများကို ရှာဖွေကြပုံ နောက်ကွယ်မှ ကြိုးကိုင်နေသည့် အာဏာရှိသူများနှင့် ရာဇဝတ်ဂိုဏ်းများကို ရင်ဆိုင်ကြပုံတွေကို ဟာသနှောကြည့်ရှုရမှာမလို့ တနင်္လာနေ့မှသောကြာနေ့အထိ လာရောက်ကြည့်ရှုကြဖို့ ဖိတ်ခေါ်လိုက်ပါတယ်

ပြည်တန်ဆာတစ်ယောက်ရဲ့ သားအဖြစ် လူတွေရဲ့ နှိမ်ချကဲ့ရဲ့မှုကို ခါးစည်းခံရင်း တရားဥပဒေကို စိုးမိုးမယ့် ရဲအရာရှိတစ်ယောက် ဖြစ်လာဖို့ သူ အိပ်မက်မက်ခဲ့ဖူးတယ်
ဒါပေမဲ့ ကံကြမ္မာရဲ့ လှည့်ကွက်တွေဟာ ရက်စက်လွန်းလှလို့ မမျှော်လင့်ဘဲ ကြုံတွေ့လိုက်ရတဲ့ ဘဝရဲ့အလှည့်အပြောင်း၊ အကြပ်အတည်းတွေကြောင့် သူ့ရဲ့ဖြူစင်တဲ့ အိပ်မက်တွေဟာ ဖုန်မှုန့်လို လွင့်ပါးသွားခဲ့ရပြီး တရားဥပဒေရဲ့ တစ်ဖက်ခြမ်း၊ ခြိမ်းခြောက်မှုတွေနဲ့ ပြည့်နှက်နေတဲ့ လူဆိုးဂိုဏ်းကြီးတစ်ခုရဲ့ အမှောင်ကမ္ဘာထဲကို သက်ဆင်းခဲ့ရတော့တယ်
အမှောင်ထဲမှာ ဝုန်းဒိုင်းကျဲနေတဲ့ ထိုဘဝဟာ သူ့ဆီကနေ အရာရာကို လုယူသွားခဲ့ပါတယ် ပထမဆုံးအကြိမ် နှလုံးသားကို နွေးထွေးစေခဲ့တဲ့ အချစ်ဆုံး ချစ်သူနဲ့ သံယောဇဉ်ကြိုးတွေ မတတ်သာဘဲ ဖြတ်တောက်ခဲ့ရသလို၊ သက်စွန့်ဆံဖျား အတူရှိခဲ့တဲ့ တစ်ဦးတည်းသော အသက်တမျှ ချစ်ရတဲ့ သူငယ်ချင်းနဲ့ပါ လမ်းခွဲခြားနားခဲ့ရတယ်
တစ်ချိန်က တရားဥပဒေဘက်က ရပ်တည်ချင်ခဲ့တဲ့ ကောင်လေးတစ်ယောက်ဟာ အခုတော့ လက်ထဲမှာ သေနတ်ကို ကိုင်၊ ရင်ထဲမှာ အတိတ်ရဲ့ ဒဏ်ရာတွေကို ပိုက်ရင်း လူဆိုးဂိုဏ်းရဲ့ ထိပ်တန်း ခေါင်းဆောင်တစ်ယောက် ဖြစ်လာခဲ့တဲ့အခါ...
သူ့ရဲ့ ပျောက်ဆုံးသွားတဲ့ ဘဝမှန်၊ စွန့်လွှတ်လိုက်ရတဲ့ အချစ်၊ သစ္စာဖောက်ခံလိုက်ရတဲ့ သံယောဇဉ်တွေကြားမှာ စိုးမင်းတစ်ယောက် ဘယ်လိုဆက်လက် ရုန်းကန်သွားမလဲ။ အမှောင်ကမ္ဘာထဲကနေ အလင်းရောင်ဆီကို ပြန်လည်ကူးခတ်နိုင်ပါ့မလားဆိုတာ … ကြည့်လိုရပါပြီ

ဖရယ်ဝါ/ရွန်အဖြစ် Pie Rinrada Kaewbuasai

ချာလမ်အဖြစ် Ryu Vachirawich Watthanaphakdeephaisanတို့က အဓိကဇာတ်ဆောင်တွေအဖြစ်ပါဝင်ထားပါတယ်။

<ဇာတ်လမ်းအကျဉ်း>

ကျိန်စာသင့်နေတဲ့သင်္ဘောသားချာလမ်နဲ့ အိမ်ကစီစဉ်တဲ့မင်္ဂလာပွဲကိုပစ်ပြီးထွက်ပြေးလာတဲ့ Youtuberမလေးဖရယ်ဝါတို့ရဲ့ ပင်လယ်စွန့်စားခန်းဇာတ်လမ်းလေးဖြစ်ပါတယ်။

ဖရယ်ဝါဟာ ပျောက်ဆုံးသွားတဲ့ သူမရဲ့မိဘတွေရဲ့အဖြစ်မှန်ကိုသိချင်လို့ ချာလမ်ရဲ့သင်္ဘောပေါ်ခိုးလိုက်သွားခဲ့ပါတယ် သူတို့နှစ်ယောက်ရဲ့အဓိကပန်းတိုင်ကတော့ ပင်လယ်နတ်ဘုရားဆီကနေ ဆုတောင်းတစ်ခုတောင်းဆိုခွင့်ရစေမယ့် ဒဏ္ဍာရီလာ"ပတ္တမြားနက်မျက်နှာဖုံး"ကို အပြိုင်အဆိုင်လိုက်ရှာဖို့ဖြစ်နေတာပါပဲ။

သင်္ဘောသားချာလမ်ကလည်း သူ့ကျိန်စာကိုပြယ်ချင်သလို ဖရယ်ဝါကလည်း သူမမိဘတွေရဲ့အမှန်တရားကိုသိချင်နေတာပါ ဒီလိုနဲ့ ရန်သူလိုလို မိတ်ဆွေလိုလိုနဲ့ ပင်လယ်ပြင်မှာအတူတူစွန့်စားရင်း အန္တရာယ်တွေကိုရင်ဆိုင်ရင်းနဲ့ နောက်ဆုံးမှာ သူတို့လိုချင်တဲ့ပတ္တမြားနက်မျက်နှာဖုံးကိုရသွားမလား ဆုတောင်းတွေပြည့်ပါ့မလားဆိုတာကို အပတ်စဉ်ဗုဒ္ဓဟူးနေ့နဲ့ကြာသပတေးနေ့များမှာ လာရောက်ကြည့်ရှုအားပေးနိုင်ပါပြီ။

"ပျက်သွားတဲ့ အရုပ်တစ်ရုပ်ကို ပြန်ပြင်သလို... စိမ်းကားနေတဲ့ မိသားစုသံယောဇဉ်တွေကိုရော ပြန်ပြင်ယူလို့ရနိုင်မလား..."

Thai Drama လွမ်းလွမ်းဆွေးဆွေးလေးတွေမှ ကြိုက်တဲ့ ပရိသတ်တွေအတွက် အချိန် ၄၅ မိနစ်အတွင်းမှာ မျက်ရည်တွေ ဝဲတက်လာစေမယ့် ထိုင်းဒရာမာကားသစ်လေးနဲ့ မိတ်ဆက်ပေးပါရစေ။

ဒီကားလေးရဲ့ အဓိက ဆွဲဆောင်မှုကတော့ ထိုင်းဇာတ်လမ်းတွဲ ပရိသတ်တွေရဲ့ အချစ်တော် Hormones The Series ထဲက နာမည်ကြီးမင်းသား မင်းသမီးအတွဲလေးဖြစ်တဲ့ March Chutavuth Pattarakampol နဲ့ Kao Supassra တို့ ရဲ့ comeback drama လေးပါ

ဇာတ်လမ်းလေးကတော့...

ပန်ဖတ်ဆိုတဲ့ ကောင်မလေးဟာ ငယ်ငယ်ကတည်းက မိသားစုရဲ့ အချစ်ကို မရခဲ့ဘူးလို့ တထစ်ချ ယုံကြည်ထားသူလေးပါ။ ဒါပေမဲ့ ကံကြမ္မာက အကြောင်းဖန်လာတော့ သူလုံးဝမလုပ်ချင်တဲ့ အလုပ်တစ်ခုကို လုပ်ဖို့ အိမ်ကို ပြန်လာခဲ့ရပါတယ်။

အဲဒါကတော့ မိသားစုပိုင် အရုပ်ပြင်ဆိုင်လေးကို ဦးစီးဖို့နဲ့... သူ့အတွက် အမြဲတမ်း 'ဝန်ထုပ်ဝန်ပိုး' လို့ သတ်မှတ်ထားခဲ့တဲ့ အော်တစ်ဇင် ခံစားနေရတဲ့ အစ်ကိုကြီးကို ပြုစုစောင့်ရှောက်ဖို့ပါပဲ။

အစပိုင်းမှာတော့ မတည့်အတူနေ မောင်နှမနှစ်ယောက်ကြားက အဖုအထစ်တွေနဲ့ အဆင်မပြေမှုတွေက အများကြီးပေါ့။ ဒါပေမဲ့... တစ်မိုးအောက်ထဲမှာ အတူတူ နေထိုင်ရင်း၊ ပျက်စီးနေတဲ့ အရုပ်လေးတွေကို အတူတူ ပြန်ပြင်ရင်းနဲ့ပဲ... သူတို့မောင်နှမနှစ်ယောက်ကြားက ပြတ်တောက်နေတဲ့ သံယောဇဉ်ကြိုးလေးတွေက တဖြည်းဖြည်းချင်း ပြန်လည်ဆက်နွယ်လာခဲ့ပါတယ်။

ခါးသက်ခဲ့တဲ့ ငယ်ဘဝ အမှတ်တရဟောင်းတွေကို သူတို့မောင်နှမနှစ်ယောက် ဘယ်လို ပြန်လည်ကုစားကြမလဲ။ အစ်ကိုကြီးဖြစ်သူရဲ့ ဖြူစင်တဲ့ မေတ္တာတရားတွေက ညီမလေးရဲ့ ရေခဲလိုအေးစက်နေတဲ့ နှလုံးသားကို ဘယ်လို အရည်ပျော်စေမလဲဆိုတာကို ရင်နင့်ဖွယ် ကြည့်ရှုရမှာပါ။

မိသားစုမေတ္တာ၊ မောင်နှမသံယောဇဉ်ကို အကောင်းဆုံး ပုံဖော်သွားတဲ့ Family/Drama ဇာတ်ကားကောင်းလေးမို့ အလွမ်းအဆွေးဒရာမာကိုရှာနေတာဆိုရင်တော့ ခုပဲ တစ်ရှူးလေးဆောင်ပြီး ကြည့်ရှုလိုက်ကြပါဦးစို့။

ဒီဇာတ်လမ်းဟာ ပြဇာတ်စင်မြင့်ထက်မှာ သရုပ်ဆောင်ခွင့်ရဖို့ အိပ်မက်မက်နေသူ ဖြည့်စွက်သရုပ်ဆောင် “လျူရဲ့ အကြောင်းကိုဖော်ပြထားတဲ့ဇာတ်ကားလေးပဲဖြစ်ပါတယ်။ “လျူ” ဟာ နာမည်ကြီး မင်းသမီး “ကဲရောင်” လို ထိပ်တန်းကြယ်ပွင့် ဖြစ်လာဖို့ ဘာမဆိုလုပ်ရဲတဲ့ တက်သစ်စ မင်းသမီး “ဘေလ်” ကို တိတ်တခိုး အားကျနေတာပါ။

တစ်နေ့မှာတော့ “လျူ” ဟာ “ကဲရောင်” ခေါင်းဆောင်ပါဝင်ပြီး ပြဇာတ်ရုံပိုင်ရှင် “ဝီချိုင်”ရဲ့ သိက္ခာနဲ့ ပြဇာတ်ရုံကို ပြန်လည်အသက်သွင်းဖို့ အလှည့်အပြောင်းအနေနဲ့ ဖန်တီးထားတဲ့ ဂန္ထဝင်ပြဇာတ်ကြီးမှာ Extra သရုပ်ဆောင်အဖြစ် အရွေးခံရပါတယ်။
ဒါပေမဲ့ “ဝီချိုင်” ကတော့ “ကဲရောင်” ကို ဒီပြဇာတ်ဟာ သူမအတွက် နောက်ဆုံးဖြစ်ပြီး မျိုးဆက်သစ် မင်းသမီးတစ်ယောက်နဲ့ အစားထိုးတော့မယ်လို့ ရာဇသံပေးလိုက်တဲ့အခါ “ကဲရောင်” က ဒေါသအမျက်ချောင်းချောင်း ထသွားခဲ့ပါတယ်။ အမုန်းတရားတွေ လွှမ်းမိုးသွားတဲ့ “ကဲရောင်” ဟာ သူမသာလျှင် နံပါတ်တစ်ဆိုတာကို သက်သေပြဖို့ နည်းလမ်းပေါင်းစုံ သုံးလာပါတော့တယ်။

အဲဒီနောက်မှာတော့ ပြဇာတ်ရုံအတွင်းမှာတင် သရုပ်ဆောင်တစ်ယောက် ရက်ရက်စက်စက် လူသတ်ခံလိုက်ရပြီး၊ ဒီအမှုအတွက် စုံထောက် “ဂျတ်” ရောက်ရှိလာကာ လူသတ်သမားကို လိုက်လံစုံစမ်းပါတော့တယ်။ ဒီလူသတ်မှုဟာ လူတိုင်းကို ထိတ်လန့်ဖွယ်ကောင်းပြီး မှောင်မိုက်လှတဲ့ သံသရာထဲကို ဆွဲသွင်းလိုက်ရုံတင်မကဘဲ ပြဇာတ်ရုံအတွင်းက လျှို့ဝှက်ချက်တွေကို ဘယ်လိုဖော်ထုတ်ကြမလဲ လျှို့ဝှက်ချက်ကရောအဲ့အတိုင်းပဲဆက်ရှိနေမှာလား? ဒီလိုစိတ်လှုပ်ရှားဖို့ကောင်းတဲ့ဇာတ်လမ်းတွဲလေးကို ကြည့်လိုက်ရအောင်နော်။

Kay အဖြစ် Dew Jirawat Sutivanichsak
Phat အဖြစ် Tee Teeradech Vitheepanich

ဇာတ်လမ်းကတော့ Kay ဆိုတဲ့ နာမည်ကြီး မန်ဂါစာအုပ် ရေးဆွဲတဲ့ အနုပညာရှင်ကောင်လေးဆီကနေ စတာပါ

တစ်ရက်မှာတော့ မြို့ထဲမှာ ကွင်းဆက်လူသတ်မှု တွေ ဖြစ်ပွားလာခဲ့တယ်

ထူးဆန်းတာက အသတ်ခံရတဲ့သူတွေရဲ့ ကိုယ်ရေးရာဇဝင် အသတ်ခံရတဲ့ ပုံစံတွေနဲ့ လူသတ်မှုဖြစ်တဲ့ နေရာတွေအားလုံးက Kay အရင်တုန်းက ရေးဖူးခဲ့တဲ့ မန်ဂါစာအုပ်ထဲက အခန်းတွေနဲ့ အကုန်လုံး ထပ်တူကျနေတာပါပဲ

ဒီလိုနဲ့ လူသတ်မှုကို လိုက်လံစုံစမ်းနေတဲ့ ရဲအရာရှိ Phat က Kay ကို သံသယရှိပြီး စောင့်ကြည့်ရင်းကနေ... သူတို့နှစ်ယောက် အခြေအနေအရ ကြုံကြိုက်ပြီး အမှုမှန်ကို ဖော်ထုတ်ဖို့ လူသတ်သမားကို ဖမ်းဖို့ အတူတူ ပူးပေါင်းလိုက်ရပါတော့တယ်

အမှုလိုက်ရင်းနဲ့ သူစိမ်းနှစ်ယောက်ကြားမှာ ယုံကြည်မှုတွေ သံယောဇဉ်တွေ တဖြည်းဖြည်း တိုးလာပေမဲ့ အမှုထဲကို ပိုပြီး နက်နက်ရှိုင်းရှိုင်း တူးဆွလေလေ အတိတ်က လျှို့ဝှက်ချက်တွေ ပေါ်လာလေလေ ဖြစ်ပြီး သူတို့နှစ်ယောက်ရဲ့ ဆက်ဆံရေးကို လှုပ်ခတ်လာစေခဲ့တယ်

သဲလွန်စတွေ ပေါ်လာတာနဲ့အမျှ သူတို့ရဲ့ သံယောဇဉ်က စိန်ခေါ်မှုတွေ ကြုံလာရပြီး "သူတို့နှစ်ယောက် အတူတူ ရှေ့ဆက်နိုင်မလား" ဒါမှမဟုတ် "လူသတ်သမားရဲ့ နောက်ထပ် သားကောင်တွေပဲ ဖြစ်သွားမလား" ဆိုတာ ရင်သပ်ရှုမော စောင့်ကြည့်ရမယ့် ဇာတ်လမ်းတွဲလေးပဲ ဖြစ်ပါတယ်ရှင်

ဒီလို စိတ်လှုပ်ရှားစရာတွေနဲ့ ပြည့်နှက်နေတဲ့ Mr.Kill ဆိုတဲ့ bl series လေးကို အပတ်စဉ်အင်္ဂါနေ့တိုင်းမှာ တင်ဆက်ပေးတော့မှာဖြစ်တဲ့အတွက် စောင့်မျှော်ကြည့်ရှူ အားပေးကြပါဦးရှင်

နာမည်ကြီး Love Destiny ဇာတ်လမ်းကို အခြေခံပြီး ဘီအယ်ဗားရှင်းအနေနဲ့ အသစ်ပုံဖော်ထားတဲ့ဇာတ်လမ်းလေး

ကဲ့ဝို/ ဂရိတ် အဖြစ် Leng Thanaphon
ဒေ့ အဖြစ် August Vachiravit
ရူအန် အဖြစ် Na Naphat
ဝပ် အဖြစ် Vin Tanapon

၂၀၂၅ ခုနှစ်က အမြဲတမ်း တက်တက်ကြွကြွရှိပြီး သူတစ်ပါးကို ကူညီဖို့ ဝန်မလေးတဲ့ ခေတ်ပညာတတ် ခွဲစိတ်ဆရာဝန်လေး ဂရိတ်

မထင်မှတ်ထားတဲ့ မတော်တဆမှုတစ်ခုဖြစ်ပြီး သတိရလာတဲ့အခါမှာတော့ သူဟာ အယုဒ္ဓယခေတ်က ကဲ့ဝို ဆိုတဲ့ လူတစ်ယောက်ရဲ့ကိုယ်ထဲကို ရောက်နေခဲ့ပါတယ်

ပိုဆိုးတာက အဲဒီ ကဲ့ဝိုဆိုတာ အယုဒ္ဓယတစ်ခွင်လုံးက လူတွေ ဝိုင်းရွံ၊ ဝိုင်းမုန်းထားတဲ့ နာမည်ပျက်နဲ့ ပြဿနာကောင်ကြီး ဖြစ်နေတာပါပဲ အထူးသဖြင့် သခင်လေးဒေ့ကတော့ သူ့ကို မျက်မုန်းအကျိုးဆုံးပေါ့

ပစ္စုပ္ပန်ကိုပြန်ဖို့ ဘယ်လိုမှ နည်းလမ်းရှာမရတဲ့အဆုံးမှာတော့ ဂရိတ်က ကဲ့ဝိုရဲ့ခန္ဓာကိုယ်နဲ့ပဲ အယုဒ္ဓယခေတ်မှာ ဆက်လက်ရှင်သန်ဖို့ ဆုံးဖြတ်လိုက်ပါတယ် သူတတ်ကျွမ်းထားတဲ့ အနာဂတ်က ခေတ်မီဆေးပညာတွေ ဆန်းသစ်တဲ့ ဟင်းချက်နည်းတွေ ကိုယ်ခံပညာတွေအပြင် သမိုင်းဗဟုသုတတွေကိုပါ အသုံးချပြီး အယုဒ္ဓယပြည်သူတွေကို ကူညီပေးရင်း သူ့ရဲ့ပင်ကိုယ် စိတ်ထားကောင်းလေးအတိုင်း နေထိုင်ပါတော့တယ်

ဒီလိုနဲ့ လူတိုင်းက ဝိုင်းမုန်းကြတဲ့ လူဆိုးကြီးကနေ အားလုံးရဲ့ အချစ်တော်လေး ဖြစ်လာတဲ့အခါ… သူ့ကို အမုန်းဆုံးဖြစ်တဲ့ ဒေ့တစ်ယောက်လည်း တစ်ခါမှ မမြင်ဖူးခဲ့တဲ့ ကဲ့ဝိုရဲ့ တောက်ပတဲ့ဘက်ခြမ်းတေကို တဖြည်းဖြည်း မြင်တွေ့လာရပြီး အမုန်းတွေကနေ အချစ်အဖြစ် ဘယ်လိုတွေ ကူးပြောင်းသွားမလဲဆိုတာကို ရင်ခုန်ကြည်နူးဖွယ် ကြည့်ရှုရမယ့် ဇာတ်လမ်းကောင်းလေးမို့ အခုပဲ ကြည့်လိုက်တော့နော်...

BL GL လောကလို့ပြောလိုက်တာနဲ့ မသိတဲ့သူရှားတဲ့ Alpha Beta Omega ရယ်ဆိုပြီး လူသားမျိုးနွယ်တွေရှိတဲ့ Omegaverse (ABO World) လို့ အသိများတဲ့ universe တစ်ခုနဲ့ ဇာတ်အိမ်တည်တဲ့ကားဆိုတာ ရက်ချိုးရေရင်တောင် တစ်ဖက်မပြည့်တဲ့ထိ ခပ်ရှားရှားရယ်ပါ ဒီတစ်ခါမှာတော့ ABO World ကိုအခြေခံ ဇာတ်အိမ်တည်ထားတဲ့ ဇာတ်ကားလေးနဲ့ မိတ်ဆက်ပေးပါရစေ

ဖတ်ဆာ ရတ်တနာထာရင် အဖြစ် Oat Pasakorn
နာခွန် ထေဝါထီတီရတ် အဖြစ် Boat Yongyut

အယ်ဖာ ဘီတာ အိုမီဂါဆိုတဲ့ ABO လောကကြီးအကြောင်း ဘာတစ်ခုမှ မသိဘဲ ရိုးရိုးရှင်းရှင်းလေး ကြီးပြင်းလာခဲ့တဲ့ကောင်လေး ဖတ်ဆာ

ဩဇာအာဏာကြီးမားတဲ့ မျိုးရိုးကနေ ဆင်းသက်လာတဲ့ ရေခဲတုံးကြီးလို အေးစက်စက် အမွေဆက်ခံသူ အဆင့်မြင့်အယ်ဖာ နာခွန်

တစ်ညမှာတော့ ဖတ်ဆာရဲ့အေးချမ်းနေတဲ့ ဘဝလေးက နာခွန်ကြောင့် ရုတ်တရက် ဇောက်ထိုးမိုးမျှော် ဖြစ်သွားခဲ့တယ် အကြောင်းကတော့က သူ့ကိုမထင်မှတ်ဘဲ အမှတ်အသားပေးလိုက်မိရာကနေ ဘယ်တော့မှ ဖြတ်တောက်လို့မရတဲ့ Bond တစ်ခုဖြစ်သွားခဲ့လို့ပါပဲ
ဒီလိုနဲ့ လုံးဝကို ရေစက်မပါဖူးတဲ့ သူစိမ်းနှစ်ယောက်က ဘယ်သူမှ လွန်ဆန်လို့မရတဲ့ Bond ရဲ့စည်းမျဉ်းတွေအောက်မှာ အတူနေထိုင်ဖို့ အကြောင်းဖန်လာခဲ့ရပါတယ်

နီးကပ်လာလေလေ.. ရစ်ပတ်နှောင်တွယ်မှုတွေက ပိုနက်ရှိုင်းလာလေလေမို့ ဒီ Bond ကလည်း ခိုင်မာလာတာနဲ့အမျှ ရုန်းထွက်ဖို့ဆိုတာ မဖြစ်နိုင်သလောက်ပါပဲ ပိုပြီးကြက်သီးထဖို့ကောင်းတာက သူတို့နှစ်ယောက်က ဖူးစာဖက်ဆိုတဲ့ Fated Mates တွေ ဖြစ်နေခဲ့တာပါ

သူတို့ရဲ့ Bond သာ လုံးဝအသက်ဝင်သွားပြီဆိုရင် အားလုံးသိတဲ့အတိုင်း တစ်ယောက်က အသက်ဆုံးရှုံးသွားခဲ့ရင် ကျန်တဲ့တစ်ယောက်ကပါ ဘာမှခုခံခွင့်မရှိဘဲ အလိုလို လိုက်သေရမယ့်အထိ ကံကြမ္မာက သေအတူရှင်မကွာဖြစ်သွားကြမှာပါ

ဒါပေမယ့် မထင်မှတ်ထားတဲ့ အမှတ်အသားလေးကနေ Bond ချည်နှောင်မိတဲ့အထိ ချစ်သွားကြပါလေသတည်း ဆိုပြီး အဆုံးသတ်သွားမယ့် ရိုးရှင်းတဲ့သာမန်အချစ် နတ်သမီးပုံပြင်ဇာတ်လမ်းမျိုးတော့ ဟုတ်မနေခဲ့ပါဘူး

အမှတ်မထင်ကနေ စခဲ့ပြီး အသက် နှလုံးသားနဲ့ ကံကြမ္မာတွေအားလုံးထိပါ ပုံအောပြီး လောင်းကြေးထပ်ရမယ့် အချစ်နဲ့ နှောင်ကြိုးတစ်ခုအကြောင်းကို ရင်ခုန်စိတ်လှုပ်ရှားဖွယ် ကြည့်ရှုရမယ့် ရှားပါး Omegaverse ဇာတ်လမ်းလေးကို အခုပဲ စောင့်ကြည့်လိုက်တော့နော်

M.R. "နာ့ရီရတ်" ဟာ မိဘတွေ စီစဉ်ပေးတဲ့ "အထီထတ်နာရန်ကွန်" နဲ့ လက်ထပ်ရမယ့်ကိစ္စကို အစပိုင်းမှာ ပြင်းပြင်းထန်ထန် ဆန့်ကျင်ခဲ့ပါတယ်။ ဒါပေမယ့် သူမ လျှို့ဝှက်စုံစမ်းနေတဲ့ ဘိန်းမှောင်ခိုဂိုဏ်းရဲ့ နောက်ကွယ်က ကြိုးကိုင်သူဟာ "အထီထတ်နာရန်ကွန်" ဖြစ်နေမလားဆိုတဲ့ သံသယကြောင့် အနီးကပ်စောင့်ကြည့်ပြီး အထောက်အထားရှာဖို့ ဒီလက်ထပ်ပွဲကို ဟန်ဆောင်လက်ခံလိုက်ပါတယ်။
အမှုမှန်ပေါ်ပေါက်တာနဲ့ ဒီလက်ထပ်ပွဲကို ချက်ချင်းဖျက်သိမ်းဖို့ ရည်ရွယ်ထားပေမယ့်၊ တကယ်တမ်း အတူနေထိုင်ပြီး အနီးကပ်ထိတွေ့လာရတဲ့အခါမှာတော့ "နာ့ရီရတ်”တစ်ယောက် သူမရဲ့ မူလရည်ရွယ်ချက်တွေ သွေဖည်ပြီး အသီတတ်အပေါ် တကယ်ပဲ မေတ္တာသက်ဝင် ချစ်မိသွားတဲ့အခါ...
သူမရဲ့ သံသယတွေကရော မှန်ကန်နေမလား၊ သူတို့နှစ်ယောက်ရဲ့ အချစ်ရေးနဲ့ စုံထောက်ဇာတ်လမ်းလေး ဘယ်လို ဆက်လက် အသက်ဝင်လာမလဲဆိုတာ ရင်ခုန်စရာ ကြည့်ရှုရမယ့် ဇာတ်ကားကောင်းလေးကို ကြည့်လိုက်ရအောင်!!

ဆန်ဆူအက်အဖြစ် Aof Chanapol Sataya
နူနာအဖြစ် PP Phatchaya Phiansamoe
‌ဘုန်းဘုန်းဆူအာအဖြစ် Tide Ekkapun Bunluerit

ချန်ဆူအက်ဟာ လူမိုက်ဂိုဏ်းတခုက ခိုးယူသွားတဲ့တန်ဖိုးကြီးစိန်တလုံးအား ပြန်လည်ရယူရန်အတွက် တာဝန်ပေးခိုင်းစေခံခဲ့သူဖြစ်ပြီးတော့ အဲဒီစစ်ဆင်ရေးကို ဆောင်ရွက်နေစဉ်အတွင်းမှာပဲ မတော်တဆမှုဖြစ်ခါ တောင်အောက်ကိုပြုတ်ကျသွားပြီး တောင်ခြေမှာရှိတဲ့ဦးဇင်းတပါးဖြစ်သူ ဘုန်းဘုန်းဆူအာရဲ့ ကယ်တင်ပေးတာကိုခံထားခဲ့ရပါတယ်

ချန်ဆူအက်ဟာ မတော်တဆမှုဖြစ်ထားတာကြောင့်အတိတ်မေ့နေခဲ့ပြီးတော့ သူကိုယ်တိုင်ကရဲဆိုတာကိုပါမေ့နေခဲ့ကာ လူမိုက်ဂိုဏ်းများကလည်း သူတို့ခိုးယူလာတဲ့စိန်ကိုပြန်ယူရန်အတွက် ချန်တူအက်ကို အန္တရာယ်လာပေးကပါတော့တယ် ထိုအချိန်မှာပဲ ရဲတပ်ဖွဲ့ကလည်း စိန်တုံးပြန်လည်ရယူရန်စစ်ဆင်ရေးတာဝန်ပေးခံလိုက်ရတဲ့ ချန်ဆူအက်တယောက်ပြန်မလာတဲ့အတွက် စိန်တုံးကို လူမိုက်ဂိုဏ်းဆီကနေရယူကာ အပိုင်သိမ်းသွားပြီလို့ထင်မှတ်နေကြပါတယ်

ချန်ဆူအက်ကို လူမိုက်ဂိုဏ်းတခုက ခဏခဏတိုက်ခိုက်နေကြသဖြင့် စုံထောက်ဖြစ်သူ နူနာနဲ့တိုင်ပင်ကြတာ ရဲစခန်းကိုပဲ တိုင်ကြားဖို့ဆုံးဖြတ်လိုက်ကြပါတော့တယ် ကျားကြောက်လို့ ရှင်ကြီးခိုး ရှင်ကြီးကျားထက်ဆိုးဆိုသလိုမျိုး ချန်ဆူအက်ကိုမယုံကြည်တဲ့ရဲဌာနဟာ ဖမ်းဆီးကာစစ်ဆေးမေးပြန်ပါတော့တယ်

အဖမ်းခံရလိုက်တဲ့အခါမှာ နူနာမှ ပြန်လည်လွတ်အောင်အောင်ကူညီပေးလိုက်သဖြင့် လွတ်လာကြသော်လည်း ချန်ဆူအက်နဲ့ နူနာအပြင် ဆရာတော်ဆူအာကိုပါ တန်ဖိုးကြီးစိန်ကိုခိုးယူတယ်လို့ မတရားစွပ်စွဲပြီး ဖမ်းဝရမ်းထုတ်ခံလိုက်ပါတော့တယ်

သူတို့သုံးယောက် မတရားဖမ်းဆီးခံရမည့်ဘေးမှ လွတ်မြောက်ဖို့အတွက် ရဲတပ်ဖွဲ့ရဲ့လိုက်လံဖမ်းဆီးမှုများကြားမှ ထွက်ပြေးတိမ်းရှောင်ကြပုံတွေ အပြစ်မရှိကြောင်းသက်သေပြရန်အတွက် အန္တရာယ်များအကြားမှ သက် သေများကို ရှာဖွေကြပုံ နောက်ကွယ်မှ ကြိုးကိုင်နေသည့် အာဏာရှိသူများနှင့် ရာဇဝတ်ဂိုဏ်းများကို ရင်ဆိုင်ကြပုံတွေကို ဟာသနှောကြည့်ရှုရမှာမလို့ တနင်္လာနေ့မှသောကြာနေ့အထိ လာရောက်ကြည့်ရှုကြဖို့ ဖိတ်ခေါ်လိုက်ပါတယ်

မင်းသားNadechပါဝင်ထားပြီး အက်ရှင်ဒရာမာကားကောင်းတွေကို ကြိုက်နှစ်သက်သူတွေ မလွတ်တမ်း ကြည့်ရှုသင့်တဲ့ ထိုင်းဇာတ်လမ်းတွဲသစ်လေး ဖြစ်ပါတယ်..

အို့ အဖြစ် Nadech Kugimiya
ဒုမ် အဖြစ် James Ma
ဖွန် အဖြစ် Amanda Chalisa Obdam
ချမ့် အဖြစ် Aong Sittan Supakriangkrai

ဇာတ်လမ်းအကျဉ်း

မူးယစ်ဆေးဝါးနဲ့ ဒုစရိုက်ဂိုဏ်းကြီးတစ်ခုရဲ့ နောက်ကွယ်က သြဇာကြီးမားတဲ့ 'အို့' ဆိုတဲ့ လူရဲ့ ရာဇဝတ်မှု‌တွေထဲကို လျှို့ဝှက်စုံစမ်းဖို့အတွက် လက်ဝှေ့သမား 'ဒုမ်' တစ်ယောက် သူလျိုအဖြစ် ဂိုဏ်းထဲကို ဝင်ရောက်ခဲ့ပါတယ်..

စုံစမ်းစစ်ဆေးမှုတွေ ပိုမိုပြင်းထန်လာတဲ့အခါမှာတော့ 'ဒုမ်'ရဲ့ ဇနီးဖြစ်သူ ရဲအရာရှိမလေး 'ဖွန်' က သူမရဲ့ခင်ပွန်းကို ကယ်တင်နိုင်ဖို့အတွက် 'အို့' ရဲ့ အန္တရာယ်များလှတဲ့ ဒုစရိုက်ကမ္ဘာထဲကို ကိုယ်တိုင်ဝင်ရောက်စုံစမ်းဖို့ ဆုံးဖြတ်ခဲ့ပါ‌တော့တယ်..

ဒါပေမယ့် မထင်မှတ်ဘဲ အန္တရာယ်ဇုန်ထဲမှာ 'ဖွန်' တွေ့လိုက်ရတာကတော့ လွန်ခဲ့တဲ့ နှစ်ပေါင်းများစွာက ပျောက်သွားခဲ့တဲ့ သူမရဲ့အချစ်ဦး 'အို့' ပဲ ဖြစ်နေခဲ့ပါတယ်.. အတိတ်က သံယောဇဉ်တွေကို ပြန်လည်နိုးထစေချင်တဲ့ အချစ်ဦး 'အို့' နဲ့ သူမကို ချစ်ခင်ယုယပေးတဲ့ ခင်ပွန်းဖြစ်သူ 'ဒုမ်' တို့နှစ်ယောက်ကြား စစ်မှန်တဲ့အချစ်နဲ့ သစ္စာဖောက်မှုတွေ ရောထွေးလာတဲ့အခါမှာ 'ဖွန်' တစ်ယောက် အခက်တွေ့တဲ့ ရွေးချယ်မှုကို ရင်ဆိုင်ရပါတော့တယ်..

တစ်ဖက်မှာလည်း အာဏာကို မက်မောပြီး မည်သူ့ကိုမဆို ရှင်းပစ်ဖို့ ပြင်ဆင်နေတဲ့ ရဲအရာရှိ 'ချမ့်' ကလည်း နောက်ကွယ်မှာ ချောင်းမြောင်းနေတဲ့အခါ...

လျှို့ဝှက်ချက်တွေ ပေါ်လာပြီး အသက်နဲ့ရင်းရမယ့် စိန်ခေါ်မှုတွေကြားထဲက သူတို့သုံးယောက်ရဲ့ ကံကြမ္မာ ဘယ်လိုဆက်ဖြစ်သွားမလဲဆိုတာကိုတော့ စောင့်မျှော်ကြည့်ရှုလိုက်ရအောင်ပါ။

One31 ရုပ်သံလိုင်းမှ ထုတ်လွှင့်သော ရုံးတွင်းဟာသ (Office Sitcom) အမျိုးအစားဖြစ်ပြီး၊ ဒေဝါလီခံရလုနီးပါးဖြစ်နေသည့် ‘Brief Here Bangkok’ ကြော်ငြာအေဂျင်စီတစ်ခုအတွင်း စွမ်းဆောင်ရည်ညံ့ဖျင်းသူများကို အလုပ်ထုတ်မည်ဟု သူဌေးဖြစ်သူက ကြေညာလိုက်ရာမှ စတင်ကာ ဝန်ထမ်းများဖြစ်ကြသည့် တင်တင် (Pueak Pongsatorn)၊ ချို (Bo Thanakorn)၊ ပလုမ်း (Art Marut) နှင့် အိုင့် (DJ Aoi) တို့အပါအဝင် အသက်အရွယ်စုံ၊ စရိုက်စုံလင်လှသည့် လုပ်ဖော်ကိုင်ဖက်တစ်စု ရာထူးတည်မြဲရေးနှင့် ခေါင်းမာလှသော ဖောက်သည်များကို ရင်ဆိုင်ရင်း ရုံးတွင်းအလွဲလွဲအချော်ချော် အားပြိုင်မှုများကို ဟာသနှောကာ ရိုက်ကူးထားခြင်းဖြစ်ပြီး၊ အခက်အခဲများကြားက အရှုံးမပေးဘဲ အတူတကွ ရုန်းကန်ပုံနှင့် မတူကွဲပြားသည့် မျိုးဆက်သစ်/ဟောင်းကြား အပေးအယူမျှတစွာ သင်ယူရုန်းကန်ရပုံတို့ကို ခံစားရစေမည့် ဇာတ်လမ်းတွဲတစ်ခု ဖြစ်ပါသည်။

အထက်တန်းစား လူ့အဖွဲ့အစည်းရဲ့ ခမ်းနားလှပတဲ့ မျက်နှာဖုံးအောက်မှာ ဖုံးကွယ်ထားတဲ့ အမှောင်ဖုံးတဲ့ လျှို့ဝှက်ချက်တွေက ဘာတွေလဲ။ ဒိတ်ဒိတ်ကြဲအောင်မြင်ခဲ့တဲ့ Sky Castle Korea ဗာရှင်းကို ထိုင်းဗာရှင်းနဲ့ပြန်လည်ရိုက်ပြပုံဖော်ထားပါတယ်။

"နံပါတ်တစ်" ဆိုတဲ့ ဂုဏ်ပုဒ်တစ်ခုတည်းအတွက်နဲ့ သားသမီးတွေရဲ့ ပျော်ရွှင်မှု၊ မိသားစုရဲ့ နွေးထွေးမှုတွေကို ပဓာနမထားတော့ဘဲ အပြိုင်အဆိုင် ရုန်းကန်နေကြရတဲ့ မိဘတွေရဲ့ အတ္တစိတ်ကို ပုံဖော်ရ်ုက်ကူးထားပါတယ်။ငွေကြေးနဲ့ အာဏာသုံးပြီး ဘဝလမ်းကြောင်းကို အတင်းအကျပ် ဖန်တီးပေးဖို့ ကြိုးစားရင်းကနေ မိဘရဲ့ မေတ္တာကနေ သားသမီးတွေအတွက် အဆိပ်အတောက် ဖြစ်စေတဲ့ ဖိအားတွေအဖြစ် ပြောင်းလဲစေခဲ့တယ်။
သာယာနာပျော်ဖွယ်ကောင်းတဲ့ အိမ်ကြီးတွေထဲမှာ ဖုံးကွယ်ထားတဲ့ တင်းမာမှုတွေ၊ ကြောက်မက်ဖွယ် လျှို့ဝှက်ချက်တွေဟာ တစ်စစီ ပေါက်ကွဲထွက်လာတဲ့ အခါ... အဲဒီနောက်ဆက်တွဲ ဖြစ်ပေါ်လာမယ့် ထိတ်လန့်စရာ အပြောင်းအလဲကြီးတွေကို ကြုံတွေ့ခံစားရမည့် ဇာတ်လမ်းကောင်းတစ်ပုဒ်ကို အပတ်စဉ် Monday နဲ့ Tuesday နေ့တိုင်းမှာ စောင့်မျှော်ကြည့်ရှုနိုင်ပါပြီ🙋🏻‍♂️

ကဲ... GL (Girls' Love) Romance Drama ဇာတ်ကားကောင်းကောင်း မျှော်နေတဲ့ ပရိသတ်ကြီးအတွက် GMMTV ကနေ အသစ်စက်စက် ထွက်ရှိလာတဲ့ Moonshadow ဇာတ်ကားသစ်လေးကို တင်ဆက်ပေးလိုက်ပါပြီ။

Sun and moon universe ထဲက A Shadow underneath the moon ဝတ္ထုကိုရိုက်ကူးထားတာဖြစ်ပြီး အရှေ့ကထွက်ရှိခဲ့ပြီးတဲ့ My Only Sunshine နဲ့ same universeပါ။

ဒီဇာတ်ကားလေးကတော့ Emi-Bonnie CPရဲ့ ဒုတိယမြောက်ဇာတ်ကားဖြစ်ပြီး ခိုခိုသကြားရဲ့ကလေးလေး Film ကလည်း ပါဝင်ထားသေးတာမို့ visual တစ်ပေါက်ကတော့ ရှမ်းရှမ်းတောက်ပါပဲ။

ကျန်အဖြစ် Emi Thasorn
ကီးအဖြစ် Bonnie Pattraphus
ဂျေးအဖြစ် Film Rachanun

ဇာတ်လမ်းလေးကတော့ အရာရာပြည့်စုံတဲ့ စီးပွားရေးလုပ်ငန်းရှင် အမျိုးသမီးချောလေး ကျန်တစ်ယောက် တစ်ညမှာ ကီးဆိုတဲ့ ဆွဲဆောင်မှုရှိတဲ့ ကောင်မလေးနဲ့ မထင်မှတ်ဘဲ One-night stand ဖြစ်သွားရာကနေ စပါတယ်။

ကျန်က ဒီကိစ္စကို ပြီးရင် ပြီးရောဆိုပြီး ဆက်မတွေးချင်ပေမဲ့၊ ကီးကတော့ လွယ်လွယ်နဲ့ အလျှော့မပေးပါဘူး။ "ကျွန်မကို အစ်မရဲ့ sugar baby အဖြစ် ထားပါလား" ဆိုပြီး ရဲရဲတင်းတင်းပဲ အဆိုပြုလာပါတော့တယ်။

ဒီလိုနဲ့ မထင်မှတ်ထားတဲ့ ပတ်သက်မှုကနေ အစပြုလိုက်တဲ့ သူတို့နှစ်ယောက်ရဲ့ ဆက်ဆံရေးဟာ တဖြည်းဖြည်းနဲ့ အချစ်စစ်တစ်ခုအဖြစ် ပြောင်းလဲလာတဲ့အခါ…

ဒီအချိန်မှာမှ ကျန်ရဲ့ ငယ်ချစ်ဦး အဆက်ဟောင်းဖြစ်တဲ့ ဂျေး ပြန်ရောက်လာတဲ့အခါမှာတော့ အတိတ်က အချစ်ဟောင်းနဲ့ ပစ္စုပ္ပန်က အချစ်သစ်ကြားမှာ ချန်းတစ်ယောက် ဘယ်လို ဗျာများရမလဲ၊ ဒီသုံးပွင့်ဆိုင် အချစ်ဇာတ်လမ်းလေး ဘယ်လို ရှေ့ဆက်မလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုလိုက်ရအောင်ပါ။