شفتك.. صحرة وتحن للمطر
مهدك. .. ديرة ما بيها بشر
دمعك.. من المخيم للنهر
......
شويه تاني.. الساعة وكفت.. بالمحطة الانته بيها
وعقرب الساعة صفن
لحظه وحده ..اگبال موتك. .وازدحام اعله المنايا ..
والتذاكر خلصن
ارد اشربك.. بيدي جلمه . .. بيها ماي من القصيده
البيها دمعاتك غفن
ارد أنشف كل دمعتك. واشعل اشموع المشاعر
لو ضمايرهم طفن
يمك... كلها ماتت ما تحس
جمرك. . بالشفايف من يجس
دمعك... سچه واتاني السفر
.....
ابقه نايم. . راح الولي ..والحلم غير عتبته
وما يدگ بابك بعد
جيت اناغي.. بشفه خرسه.. بليله ما كاتب نواعي
وبيتي بعيوني رمد
الليل بارد .. طفي حلمك..دمعي غطاك بقصايد
دافيات اعله المهد
والمثلث ..بعدة صاحي ..اعيونه عالمنحر تعاين
يا دللوة يالولد
يمته. . ساعة ويحين الصبح
سهمه .. بيدة سچينة ذبح
دمعك. .. جنها گطرات النحر
........
اطيح نجمه .. اگبال عينك..بالسمه التخنگ ضواها
يوم عاشر تنثلم
چني اشوفك...عين تدمع ..وعين تحلم بالشريعه
ويبتدي اول حلم
انته ليش الماي ضدك..وبيه متروسه الشواطي
وليش يمك ينعدم
والسهام العميه عثرت ...ما لگت دم بوريدك. يعني ميت مبتسم
جيدك.. چن مخيم ملتهب
حلمك.. سافر الديرة غرب
دمعك.. نقطة آخر كل سطر
.......
الماي وينه .. وين ادورة.. والنهر مات بفشلته
وما بقه ابالك نهر
الغيمه ماتت ..ما تردها .. اهناك يم موت الضماير
وسافر بعيد المطر
غطي نحرك. . ديربالك...حرمله الناصب كمينه
بسهمه يترصد نحر
ما بقتلك .. الا خطوة.. امشي وامسح كل اثرها
والسهم يتبع اثر
نحرك.. ماي فاض اعله الزمن
دمك .. جن غريب بلا وطن
دمعك... عطرة بالطف انتشر
......
الدنيه مطرت .. مو مطرها .. بيها گطرة سهم غادر
وعالنحر گامت ترش
والعناكب .. كلها نامت .. گطعت الخيط النسجته
والحمامه بلايا عش
الكاع حمرة. . الدنيه حمره. .. بخطوة الترفين تمشي
وكلها لجلك تنفرش
دم وريدك. طير صاير. . جنحه يحمل جم رساله
ويلزم اعتاب العرش
جفك... وردة ما لاحت نده
عينك... نامت وحلمك بده
دمعك .. لوحة متروسه صور
....
نسالكم الدعاء
علي صادق المجراوي
قناة الاستاذ علي صادق المجراوي
@mjrawy
قصائد شعريه
المعلومات
اسم المستخدم@mjrawy
الرابطt.me/mjrawy
تاريخ القناة
نراقبها منذ 20 نوفمبر 2026
طوال هذه المدة لم تغيّر القناة اسمها ولا @معرّفها ولا صورتها.
نعرض ما رأيناه بأنفسنا فقط.
⌘K
الأحدث أولًا
مشاركة القناة «قناة الاستاذ علي صادق المجراوي»
يفتح الرابط المختصر القناة مباشرةً في تطبيق Telegram — وليس في تبويب المتصفح.
tg.me/go/mjrawyهل هذه قناتك؟ أضِف @tgme كمشرف — وشاهد عدد الأشخاص الذين ينقرون على روابطك. احصل على الإحصائيات ←