10000
الأفكار العشوائية الي بتجي الساعة ٣ فجرا بتوقيت وحدة العناية المشددة بمناوبة ليلية.
إلغاء السنة التحضيرية هي فكرة قد تكون ايجابية في حال تم استبدالها بنظام يضمن تعرض الطالب ووضعه ضمن فترة تعطيه الفرصة ل يختار شو بده.
فكرة انو من البكالوريا، وبسبب علامة مادة (قد تكون غير علمية)، ف تروّح فرصة العمر من الطالب لتحقيق حلمه بدخول فرع معين، فكرة قد يكون فيه ظلم!.
وعلى الرغم من انه السنة التحضيرية نفسا قد ينظلم طلاب كتير فيا، إلا إنها بتضل فرصة للاطلاع على الأفرع ولو بشكل بسيط أو سطحي
قد يكون رأيي منحاز بسبب وجودي بفترة ما ك مدرس ل مواد السنة التحضيرية
وفكرت بهاد الشيء قبل كتابة البوست
ولكن بعتقد بصفتي غادرت البلد من أربع سنين بخفف شوي الانحياز هاد؟
المهم وبلا طولة سيرة
وأغلبكن بيعرف
ولكن الطالب الي بدو يفوت أسنان أو بشري في امريكا
وبعد المدرسة الثانوية ال بسموها هون high school بيروح على college الي فيك تسميا جامعة ولكن بيقضي فيا ٤ سنوات خلالها لازم يبني cv وياخذ مواد(غالبا هو الي بيختار شو المواد الي بدو ياها) وخاصة اذا بدك طب ف لازم تاخد (شوية فيزيا وكيميا بيولوجي وهالقصص) وبنهاية السنوات الاربع بيعمل امتحان ال MCAT الي ع اساسه بقدم على كلية الطب ( الي رح يستمر فيا ٤ سنوات)
طبعا ممكن يكون too much ٤ سنين( وكتار هون بشوفها كتيرة)
على العموم كلنا ثقة إن شاء الله بأن تصبح الدراسة في سوريا مواكبة يوما ما لمثيلاتها في الجامعات العالمية.
دمتم بخير ❤️
