Расмий юқори маош пенсияда ҳам ўз аксини топиши керак
Ҳозирда пенсия тайинлашда иш ҳақи пенсия ҳисоблаш базавий миқдори (бугунги кунда 504 минг сўм)нинг 12 баравари — 6,0 млн сўм инобатга олинади. Шу сабаб 6 млн сўм ва 10–15 млн сўм иш ҳақи олган фуқароларнинг пенсиясида катта фарқ юзага келмайди.Бу ҳолат юқори даромад олувчи ходимларнинг иш ҳақини тўлиқ расмийлаштиришга бўлган қизиқишини пасайтириши мумкин.
Шу муносабат билан пенсия ҳисоблашда инобатга олинадиган иш ҳақининг юқори чегарасини 12 баравардан 13 бараварга — 6,6 млн сўмгача ошириш таклиф қилинмоқда.
Эслатма: ушбу таклиф ҳозирча кучга кирмаган. Таклиф қабул қилинса, юқори иш ҳақи олиб, кўпроқ ижтимоий солиқ тўлаган фуқароларнинг пенсия миқдори ҳам юқорироқ бўлишига имконият яратилади.
