10{۴۴۹} سنت مؤکدہ اور نفل نماز کی تیسری رکعت میں ثنا پڑھنا
سوال:
نفل نماز اور سنت غیر مؤکدہ اور تہجد کی چار رکعت ایک سلام سے پڑھتے وقت پہلا قعدہ کر کے تیسری رکعت شروع کرتے وقت ثنا پڑھنی چاہئے یا نہیں ؟ آپ کے جولائی کے رسالہ میں آپ نے تیسری رکعت میں ثنا بھی پڑھنی چاہئے اور یہی طریقہ سنت ہے ایسا لکھا ہے، ہم نے اس طرح پڑھنے کے بارے میں پہلی مرتبہ ہی سنا اور پڑھا ہے اس لئے اس مسئلہ کو تفصیل سے واضح فرمائیں ۔
الجواب: حامداً و مصلیاً و مسلماً… نوافل، سنت غیر مؤکدہ، تہجد، اوابین، چاشت اور اشراق وغیرہ کی جو نمازیں ہیں وہ سب حکم کے اعتبار سے نوافل میں ہی شمار ہوتی ہیں ، اوربعض احکام کے اعتبار سے نوافل کی دو رکعت ایک مکمل نماز ہے، اس لئے التحیات پڑھنے کے بعد درود شریف اور دعا پڑھنا بھی سنت ہے۔
اور تیسری رکعت کے لئے کھڑے ہوتے وقت چونکہ یہ نئی نماز ہے اس لئے اول ثنا پڑھنا سنت کہلائے گا۔ (دیکھیں ہدایہ: ۱۲۸، شامی: ۱؍۴۵۴) فقط و اللہ تعالی اعلم
فتاوی دینیہ
________
محمد مرغوب الرحمٰن القاسمی
