مَفيش حاجة اسمها: «دا ما شافش منّي غير كُل خير، فمش هيأذيني»؛ بالعكس، إحنا أوقات ما اتأذيناش غير من الناس اللي عملنا عشانهم كُل خير.
ومَفيش حاجة اسمها: «دي عِشرة عُمر، ومستحيل يتغيّر معايا»؛ لأ والله، اتغيّروا، وبقوا أوقات أكتر ناس حاقدة علينا.
ومَفيش حاجة اسمها: «بينّا عيش وملح، ومستحيل يطلع أسرارك برّه»؛ لأ، طلعوها، ونهشوا فينا، وبقوا زيّهم زي الغُرب.
ومَفيش حاجة اسمها: «دي زي أختك، ودا زي أخوك، والخال والد، ودا عايز مصلحتك، ودي يهمها راحتك»؛ كل دي جُمل مُعلّبة بنقولها وبنصدّقها، لحد ما الواقع يعلّمنا إن مش كل قريب سند، ومش كل عشرة أمان، ومش كل حد بيقول «أنا بحبك» فعلًا بيحبك.
الناس طلعت بشعة بشكل ما يتوصفش… إلا من رحم ربي.
وأصعب درس ممكن تتعلمه إنك ما تحكمش على الناس من كلامهم معاك، احكم عليهم من وقت الشدّة، ومن وقت ما تكون أسرارك في إيدهم، ومن وقت ما يبقى عندهم سبب يأذوك… وساعتها بس هتعرف مين كان فعلًا بيحبك، ومين كان مجرد دور في حياتك.
