“ အနှစ်အရသာမရှိတဲ့ စကားဝိုင်း လူငယ် ”
အချိန်ခေတ်ကို မကြည့်ပဲ လူငယ်တွေကို တစ်ဖက်သတ် အပြစ်တင်ထားခြင်းသာ ဖြစ်တယ်။
လူငယ်တွေ ပြောတဲ့ စကားဝိုင်းတွေမှာ
နိုင်ငံရေး၊ စီးပွားရေး၊ နည်းပညာ၊ လူမှုရေးကိစ္စတွေ မပါဘူးလို့ ဆိုရင်
အဲ့ဒါဟာ လူငယ်တွေ အနှစ်အရသာမရှိတာ မဟုတ်ဘဲ နားထောင်တဲ့ မျက်စိ၊ မျက်လုံး မပြောင်းနိုင်သေးတာ ဖြစ်ပါတယ်။ ယနေ့ခေတ် လူငယ်တွေ စကားပြောနေတာတွေကTea shop debate မဟုတ်တော့ပဲOnline forum, Discord, GitHub, Podcast, Twitter Space စတဲ့နေရာတွေကို ပြောင်းသွားပြီးသားပါ။
အဲ့ဒီနေရာတွေမှာ
နည်းပညာကို ဘယ်လို သုံးမလဲ? ကိုယ်ပိုင်အရည်အချင်းကို ဘယ်လို တိုးတက်မလဲ? Global economy ထဲမှာ ဘယ်လို ရပ်တည်မလဲ? ဆိုတာတွေကို တကယ်အလေးထား ပြောနေကြပါတယ်။
“အနှစ်အရသာမရှိ” လို့ ထင်ရတာက
အရသာကို စမ်းဖူးတဲ့ လျှာ မဟုတ်သေးလို့ ဖြစ်နိုင်ပါတယ်။ ခေတ်တိုင်းမှာ လူကြီးတွေက
လူငယ်တွေကို “ပေါ့ပေါ့ပါးပါး”, “မသိမသာ” “တာဝန်မယူတတ်” လို့ ပြောခဲ့ကြပါတယ်။
ဒါပေမယ့် အဲ့ဒီ လူငယ်တွေထဲကပဲ
ခေတ်ကို ပြောင်းတဲ့ Innovator တွေ၊ Leader တွေ ထွက်လာခဲ့တာပါ။
ဒါကြောင့် မေးသင့်တာက
“လူငယ်တွေ အနှစ်အရသာမရှိလား ” “သူတို့ရဲ့ အနှစ်အရသာကို နားထောင်ဖို့ အဆင်သင့် ဖြစ်ပြီလား” ဆိုတာပါ။
လူငယ်တွေကို အကြောင်းအရာမှားတွေ ဘောင်မဝင်တဲ့ စကားတွေ အနှစ်အရသာမရှိတဲ့စကားတွေကို ရှေ့ကနေဦးဆောင်ပြီးပြောတာတွေလျော့ပါ။ အချိန်ကုန် အကျိုးမရှိ လူပင်ပန်းတဲ့ ဖြစ်ရပ်မျိုးမဖြစ်ပါစေနဲ့ပေါ့နော်။
ကျွန်တော် ဒီနေရာမှာ လူငယ်တွေလူငယ်တွေလို့ ထည့်သုံးပြောဆိုတာသွားတာကလည်း အဲ့လိုတွေခေါင်းစဉ်တပ်ပြီး မဆိုင်တာတွေ ပို့ချတာတွေ တွေ့နေရတာကြောင့်ပါပဲ။
ပြောချင်တာကတော့ကွာ စကားဝိုင်း တွေလုပ်မယ် လုပ်ပြီဆိုရင် တကယ့်တန်ဖိုးရှိရှိ ကောင်းကောင်း Content လုပ်နိုင်တဲ့သူတွေနဲ့ ပြောနိုင်တဲ့သူတွေကို ဖိတ်ခေါ်ပြီး တန်းတူနားထောင်နိုင်တဲ့အချိန်မှာပဲ တကယ့် အနှစ်အရသာရှိတဲ့ စကားဝိုင်း ဖြစ်လာပါလိမ့်မယ်။
#𝐘𝐚𝐦
3January 4, 2026 1.2K 1
