توّجهلي سؤال بأحد المجالس وكان الموضوع المطروح عن التّخطي ..
وأنا من الأشخاص يلي حاولت طول حياتي حارب وضحيّ كرمال احصل ع الأشياء لأني ولا مرة تقبلت فكرة شي منحبو قادرين نتجاوزوا
بس بنفس الوقت طلعت ع الجانب المحارب مني لاقيتو ممزق.. تعبان ومابقى إلو طاقة يفوت بحرب جديدة كرمال أي شي وتذكرت أنو إلي عمر عم حارب وصار لازم استريح وللحظة نسيت أنو الحياة عم تركض ومرح تنتظرني
لا لأستريح ولا لأرجع الشخص المحارب يلي عم يوقف بوجه نفسو احياناً كرمال يحقق ويحصل ع شي بحبو
" كان التخطي بفترة من الفترات مفيد ، لأنو مو كل شي بدنا ياه المفروض نستشرس لنحصل عليه
بنهاية المطاف رح توصل ممزق وفاقد الشغف ، لتكسب حالك لازم تتخلى وتنسى وتتخطى مافي شخص رح يكمل معك بهاد الطريق غيرك"
التجاوز مهم ببلدنا لأنو أحلامنا أشبه بالمستحيلة خسرنا كل شي ، وضل نحن❤️
ليا عباس