محتاجين ننشر ثقافة
«it's not my cup of tea»
في الأنحاء، والثقافة دي اكتشفتها من مراجعات الأجانب على الكُتب والروايات.
الكتاب ده جميل وأسلوبه جميل..لكن مش ذوقي!
مش الفكرة اللي عقلي بيحبها واللي تغريني وتسعدني وأنا بقرأ.
قيس ده على كل شيء في حياتنا.
دي كلية حلوة..لكن مش مكاني.
دي أكلة جميلة..لكن مش ذوقي.
ده شريك مثالي..لكن مش الشخصية اللي تناسبني.
لأن في الأصل ومن نعم ربنا علينا إن البشر مختلفين فمتحاولش إنت تشكلهم على هواك وتقبل اختلافات الجانب الآخر من البشر.
